Exodus 29:22 - De Beebaa Dabu

²² Gai koe ga kave denga mee moomuna o ssiibi daane, ma de muli iai laa mee moomuna, ma denga mee moomuna e pigi ange laa gi denga dae, ma mee moomuna o de ade, ma luu kidney ma mee moomuna iai, ma de aalanga o de vae madau (i hiidinga go ssiibi gu hagadabu ai de gau haimeedabu).

Exodus 29:22 Referans Kwoze

Exodus 29:13

Gai koe ga kave denga mee moomuna alodahi e pigi ange gi denga dae, ma luu baasi o de ade, ma luu kidney madali denga mee moomuna iai, ga dudu i honga de mommee o ssigidaumaha.

Numbers 18:18

Gai kano o manu nei niiodou, bei de aalanga o de lima e daodaohi age laa, aama de aalanga o de vae madau.

Leviticus 10:14

Aagai de aalanga o de aloalo e daodaohi age laa, ma de aalanga o de vae e hai ai laa ssigidaumaha, goodou ma oodou dama daane ma oodou damaa hine alodahi e maua i de gai. Gai goodou gaina i dahi mommee gilimalali; mee nei gu gaavadu gi goodou ma oodou dama e hai ai doodou duuhanga mai i sigidaumaha hagadanuaa magavaa a de gau Israel.

Leviticus 9:21

Gai Aaron ga poo denga aalanga o de aloalo ma aalanga o de vae madau, ga daodaohia age e hai ai ssigidaumaha daodaohi age, i mada luu mada o Tagi Maolunga, bei de hai a Moses gu tala ange ai laa.

Leviticus 9:19

Aagai denga mee moomuna o de kaau daane ma ssiibi daane laa — go de muli iai laa mee moomuna, ma mee moomuna i denga dae, ma luu kidney, aama mee moomuna i luu baasi de ade —

Leviticus 7:3

Gai denga mee moomuna alodahi e hai ai ssigidaumaha: go de muli iai laa mee moomuna, ma mee moomuna e pigi ange laa gi denga dae,

Leviticus 3:9

Gai ia gi vaaea mai i ssigidaumaha hagadanuaa magavaa e hai ai sigidaumaha dudu ange gi Tagi Maolunga: denga mee moomuna, ma de muli iai laa mee moomuna, gai duudia gi baa i de ivi laanui, ma denga mee moomuna e pigi ange laa gi denga dae ma magavaa denga dae,

Exodus 29:21

Gai koe ga kave hanu dodo i honga de mommee o ssigidaumaha laa, ma hanu lolo hagadabu ga hagassii ange gi honga o Aaron ma ono malo, aama honga o ana dama daane ma olaadeu malo; gai gilaadeu ma ana dama daane ma olaadeu malo gu hagadabu mai gi de au.

Exodus 29:23

Gai koe ga kave dahi duudangaa pelaoaa dee hagahua, ma dahi keege dee hagahua e labu ma lolo, aama dahi besgede, mai i lo te gede iai laa pelaoaa dee hagahua i mada luu mada o Tagi Maolunga;

Leviticus 7:37

Aanei hainga o ssigidaumaha dudu, ma ssigidaumaha o grain, ma ssigidaumaha o haisala, ma ssigidaumaha o tagasala, ma ssigidaumaha o de hagadabu, aama ssigidaumaha hagadanuaa magavaa,

Leviticus 14:12

Gai tangada haimeedabu gi gaavee dahi ssiibi daane laa gi haia ai ssigidaumaha o tagasala, madali de log lolo olive laa; gai ia gi daodaohi age ssigidaumaha laa i mada luu mada o Tagi Maolunga.

1 Samuel 9:24

Gai tangada e haia gai ga gaamai de aalanga o de vae ma mee i ono elunga laa ga dugu i mada i mua o Saul. Gai Samuel ga hai ange, “Tilo, aanaa mee ne doange e gaavadu gi de goe. Gaimee, go hiidinga mee naa ne doange maau ga dae ai gi de aoaa gu hagailonga nei e gaimee ai goe madali gilaadeu gu saalaa ange gi taonga.” Gai a Saul ne gaimee madali Samuel i de laangi laa.