Exodus 29:20 - De Beebaa Dabu

²⁰ Gai koe ga daa gi magau ssiibi laa, ga kave hanu ono dodo laa ga hulu ange gi hiihii dalinga madau o Aaron ma ana dama daane, ma honga madannia maatua o olaadeu lima madau, aama honga dabuvae maatua o olaadeu vae madau. Gai koe ga dabudabui ange dodo e doe gi luu baasi o de mommee o ssigidaumaha.

Exodus 29:20 Referans Kwoze

Isaiah 50:5

De Ia Aamua go Iahweh gu hhuge luoogu dalinga, gai au tee hagamanege, aabe ne huli gee i de ia.

1 Peter 1:2

go dangada ne hili bei dagodo de iloo mee o de Maadua Tamana, gai gu hai gi se huaadangada dabu i ssauaa o de Hagasaalunga ⌊Dabu⌋, gai gi hagallongo ange ai gilaadeu gi Iesu Klisdo ma de hagagilimalali i ono dodo: Gi laumalie de abodonu ma de baba i oodou daha.

Hebrews 12:24

ma daho Iesu, de ia e hano i magavaa o dangada ma de Maadua, i de hagatoo donu hagaheloongoi hoou, ma de hagatoo madaua ange dodo e daalaa muna e danuaa ange laa i dodo o Abel.

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.

Mark 7:33

Gai ia ga kave gee taane laa mai i daho dangada soa laa, gai ia ga velo ange dono madannia gi lodo luoono dalinga, ma de saavale ange gi lo tono lima ga poo ange ai de alelo o taane laa.

Isaiah 52:15

gai ia e hai naa ga llele mouli denga huaahenua soa, denga hodooligi e pono naa olaadeu ngudu i ono hiidinga. Gilaadeu e gidee naa mee tee tala ange gi gilaadeu, gai e tonu ange naa gi mee alaadeu tee langona.

Leviticus 16:19

Gai ia gi hagatoo madaua ange hanu dodo gi honga de mommee o ssigidaumaha laa i dono madannia i e hidu hanonga, e hagadabu ai ma de hagagilimalali ai mai i dahulinga dee gilimalali a de gau Israel.

Leviticus 14:16

ga hagasulu ange de madannia o dono lima madau, gi lodo lolo i lo tono lima masui laa, gai ia ga hagatoo madaua ina lolo laa i mada luu mada o Tagi Maolunga i e hidu hanonga.

Leviticus 14:14

Gai tangada haimeedabu gi gaavee hanu dodo o ssigidaumaha o tagasala gi hulu ina ange gi de hiihii o talinga madau o tangada e hagagilimalali laa, ma honga de madannia madua o dono lima madau, aama honga tabuvae madua o dono vae madau.

Leviticus 14:7

Gai ia gi hagatoo madaua ina ange dodo laa gi honga o tangada gu ieiangi i de gili lebelaa; gai ia gi hagadaba bolo tangada laa gu gilimalali. Muli mai, gai ia gi dugua de manu lele ange laa gi lele gi lo te duu malaelae.

Leviticus 8:24

Gai Moses ga gaamai hogi denga dama daane Aaron, gai ia ga hulu ange hanu dodo gi honga hiihii o olaadeu dalinga madau ma honga madannia maatua o olaadeu lima madau, aama honga dabuvae maatua o olaadeu vae madau; gai Moses ga dabudabuia ange dodo e doe gi luu baasi o de mommee o ssigidaumaha.

Exodus 29:19

Gai koe ga gaamai ssiibi daane ange laa; gai Aaron ma ana dama daane gi dugua ange olaadeu lima gi honga de biho o ssiibi laa.

Exodus 29:21

Gai koe ga kave hanu dodo i honga de mommee o ssigidaumaha laa, ma hanu lolo hagadabu ga hagassii ange gi honga o Aaron ma ono malo, aama honga o ana dama daane ma olaadeu malo; gai gilaadeu ma ana dama daane ma olaadeu malo gu hagadabu mai gi de au.

Leviticus 8:23

Gai Moses ga daa gi magau de manu laa, ga kave hanu ono dodo ga hulu ange gi honga de hiihii talinga madau o Aaron, ma honga de madannia madua o dono lima madau, aama honga tabuvae madua i dono vae madau.

Leviticus 14:17

Gai ia ga hulu ange hanu lolo e doe laa i lo tono lima, gi honga de hiihii o talinga madau o tangada aana e hagagilimalali laa, ma honga de madannia madua o dono lima madau, ma tabuvae madua o dono vae madau, gi de mommee gu daakodo ai laa dodo o de manu e hai ai ssigidaumaha o tagasala.

Leviticus 14:25

Gai tangada haimeedabu gi daia ssiibi daane e hai ai laa ssigidaumaha o tagasala, ga kave hanu ono dodo ga hulu ange gi de hiihii o talinga madau o tangada e hagagilimalali laa, ma honga de madannia madua o dono lima madau, aama honga tabuvae madua o dono vae madau.

Leviticus 14:28

Gai ia gi hulu ina ange hanu lolo i lo tono lima laa, gi de mommee mau aana ne hulu ange laa aagena dodo o ssigidaumaha o tagasala — go de hiihii o talinga madau o tangada e hagagilimalali laa, ma honga de madannia madua o dono lima madau, aama honga tabuvae madua o dono vae madau.