Exodus 29:14 - De Beebaa Dabu

¹⁴ Aagai denga kano o de kaau laa, ma ono gili, ma denga dae, gai koe ga kave ga dudu i de ahi i tua de mommee nnoho gaainga; de mee nei go ssigidaumaha o haisala.

Exodus 29:14 Referans Kwoze

Leviticus 4:21

Gai ia gi gaavee de kaau daane laa gi tua de mommee nnoho gaainga ga dudu i de ahi, bei dana hai ne dudu ai laa de kaau daane i taamada. Deenei de hai e hai ai ssigidaumaha o haisala ange gi de huaadangada o Israel.

Ezra 8:35

Gai dangada ne aahe mai laa i denga henua gee, ne hai hanu sigidaumaha dudu, ange gi de Maadua o Israel: e madaangahulu ma lua kaau daane i hiidinga Israel alodahi, ma e massiva ma ono ssiibi daane, aama e madahidu ma hidu ssiibi gauligi. Gai ssigidaumaha o haisala, e madaangahulu ma lua guudi daane. Mee nei alodahi ne hai ai ssigidaumaha dudu ange gi Tagi Maolunga.

2 Chronicles 29:24

gai de gau haimeedabu ga daa manu laa ga hai olaadeu dodo ga hai ai ssigidaumaha o haisala i honga de mommee o ssigidaumaha, e hagao ai de gau Israel alodahi. Go hiidinga de hodooligi ne hagadaba bolo gi haia dahi sigidaumaha dudu ma dahi sigidaumaha o haisala i hiidinga o de gau Israel alodahi.

Exodus 30:10

Dahi hanonga i de ngadau, gai Aaron e hagagilimalali hanga o de mommee o ssigidaumaha o mee maanongi, i dodo o ssigidaumaha e tala ai laa haisala. De mee nei e hai, i ngadau alodahi ange gi denga atangada e loomai. De mommee nei e dabu mmao ange gi Tagi Maolunga.”

Numbers 7:16

aama e dahi guudi daane e hai ai ssigidaumaha o haisala;

Leviticus 16:27

Gai de kaau daane ma de guudi ne hai ai laa ssigidaumaha o haisala, ne kave laa hanu olaau dodo gi lo te Aabi Dabu mmao e tala ai haisala, gi gaavee gi dilia i tua de mommee nnoho gaainga; gai olaau gili ma kano aama olaau duudae gi duungia i de ahi.

Leviticus 16:11

Gai Aaron gi gaamai de kaau daane e hai ai ssigidaumaha o haisala ange gi de ia donu, e tala ai ono haisala ma haisala o dono huaabodu; gai ia gi daia de kaau laa e hai ai ssigidaumaha o ono haisala donu.

Leviticus 16:3

Deenei de hai o Aaron e ulu ai gi de Aabi Dabu mmao laa: ia gi gaamai dahi kaau gauligi e hai ai ssigidaumaha o haisala, ma dahi ssiibi daane e hai ai ssigidaumaha dudu.

Leviticus 9:2

gai ia ga hai ange gi Aaron, “Gaavee dahi kaau gauligi e hai ai ssigidaumaha o haisala, ma dahi ssiibi daane e hai ai ssigidaumaha dudu, gai e deai mee baubau i olaau angaanga, gai koe ga hai ai ssigidaumaha i mada luu mada o Tagi Maolunga.

Leviticus 8:17

Aagai ia gi gaavee de kaau laa ma dono gili, ma ono kano, ma ono duudae gi duungia i tua de mommee nnoho gaainga, bei de hai a Tagi Maolunga gu tala ange ai laa gi Moses.

Leviticus 6:25

“Basa ange gi Aaron ma ana dama daane, hai ange, ‘Deenei de hai e hai ai ssigidaumaha o haisala. De manu e hai ai sigidaumaha o haisala e daa gi magau i de mommee e daa ai laa de manu o ssigidaumaha dudu i mada luu mada o Tagi Maolunga; gai se mee dabu mmao.

Leviticus 5:8

Gai ia gi gaamai luu manu llele nei gi daho tangada haimeedabu, gai tangada haimeedabu ga hai ssigidaumaha o haisala i dahi luu manu llele laa; gai ia ga milo gi hadi de ua o de manu laa, gai e dee hai gi doo de biho,

Leviticus 5:6

gai ia gi gaamai dahi manu gi Tagi Maolunga e hai ai ssigidaumaha o haisala laa, gai ia gi gaamai dahi manu hahine mai i de hagabuulingaa manu, e dee hilihili be se ssiibi be se guudi, e hai ai ssigidaumaha o haisala. Deenei de hai a tangada haimeedabu e tala ai ono haisala.

Leviticus 4:32

Gai noo ia e gaamai dahi ssiibi e hai ai ssigidaumaha o haisala, gai ia gi gaamai dahi ssiibi hahine e deai laa mee baubau i dono angaanga.

Leviticus 4:29

Gai ia gi dugua ange dono lima gi honga de biho o de manu e hai ai laa ssigidaumaha o haisala, ga daa gi magau i de mommee e hai ai ssigidaumaha dudu.

Leviticus 4:25

Gai tangada haimeedabu gi gaavee hanu dodo o ssigidaumaha o haisala i dono madannia mage gaavange gi honga denga hanga o de mommee o ssigidaumaha dudu; gai ia gi liingia ange denga dodo e doe gi tahido o de mommee o ssigidaumaha dudu.

Leviticus 4:3

Noo tangada haimeedabu maolunga gu haisala, ga hagahaisala ai de huaadangada, gai ia gi gaamai dahi kaau daane e deai mee baubau i dono angaanga, e hai ai ssigidaumaha o haisala e tala ai ono haisala ange gi Tagi Maolunga.

Numbers 19:5

Gai de kaau laa e dudu alodahi i ono mada i mua; dono gili, ma ono kano, ma ono dodo, aama ono dae.

Ezekiel 43:21

Gai koe ga kave de kaau daane e hai ai ssigidaumaha o haisala, ga dudu i de mommee gu hagadabena ange laa aagena i de mommee o de temple, i tua de mommee dabu laa.

Malachi 2:3

Tilo, au e hagaduasala naa oodou hagadiilinga, ma de hulu oodou mada i denga duudae o denga manu e hai ai laa oodou sigidaumaha, gai goodou e gaavee gee naa madali mee nei,