Exodus 28:41 - De Beebaa Dabu

⁴¹ Gai koe ga hakahu ange doo daina go Aaron ma ana dama daane, ga hagasulu gilaadeu i de lolo ma de hagadabu gilaadeu e hai ai de gau haimeedabu, gai gilaadeu ga hai hegau mai ai gi de au i hegau a de gau haimeedabu.

Exodus 28:41 Referans Kwoze

Exodus 29:7

Gai koe ga gaamai de lolo hagadabu ga llingi ange gi honga dono biho.

Leviticus 10:7

Gai goodou aude ssao donu gi hulo gee mai i lo te hale malo hagabuni, goodou kana maakau; i hiidinga goodou gu hagasulu i de lolo dabu a Tagi Maolunga.” Gai gilaadeu ne hai donu ga bei muna a Moses.

Exodus 40:15

ga hagadabu gilaadeu i de lolo bei dau hai ne hagadabu ai delaadeu damana, e hai hegau mai gi de au i hegau a de gau haimeedabu. Gai delaadeu hagadabu i de lolo ange gi hegau o tangada haimeedabu e duudagi naa donu huu i denga atangada alodahi e hano ai.”

Exodus 29:9

ga noonooa olaadeu ungaalodo i mee noonooa, ma de noonooa ange denga goobai gi honga olaadeu biho. Gai gilaadeu ga hai ai hegau a tangada haimeedabu ga hano ai. Deenei dau hai e hagadabu ai Aaron ma ana dama daane.

Hebrews 7:28

De hainga ne hili de gau e haisala ma de baageaa e hai ai de gau haimeedabu maolunga; aagai de hagatoo donu soe a de Maadua ne hai laa i dua de hainga, ne hili Tama Daane gu hai laa ma gu heohi abodonu ga hano ai.

1 John 2:27

Aagai de hagadabu i de lolo oodou gu kave naa i daho Klisdo gu noho donu i oodou lodo, deenei ai, e deai ange donu se dangada e agoagona adu goodou i de mee heohi. Aagai go de hagadabu i de lolo oodou gu kave naa e agoagona adu goodou i mee alodahi, gai ni muna abodonu, e dee ni muna hhadu — goodou nnoho i ono lodo bei doodou hai gu agoago ai naa.

1 John 2:20

Aagai doodou hagadabu i de lolo se mee mai i daho de Ia Dabu laa, gai goodou alodahi gu iloo donu de muna abodonu.

Hebrews 5:4

Gai e deai donu se dangada e maua i de kave donu huu tuulanga nei, aagai go de Maadua e hilia ange ia aagena, bei dana hai ne hili ange ai laa Aaron.

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

Ezekiel 43:26

Gai gilaadeu ga hagadabu ai ma de hagagilimalali ai de mommee o ssigidaumaha; deenei delaadeu hai e hagadabu ai de mommee o ssigidaumaha.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Isaiah 10:27

De laangi laa gai dana mee e hagauda adu gi oodou eu e aau gee naa, gai dana laagau hagahai hegau e hagauda adu e hadi naa, i hiidinga goodou gu pedi.”

Numbers 3:3

Aanei ingoo o dama daane a Aaron ne hagadabu i de lolo, gi haia hegau a de gau haimeedabu.

Exodus 29:35

Gai koe ga hai ange gi Aaron ma ana dama daane gi bei mee alodahi aagu gu tala adu gi de goe; gai e hidu laangi aau e hagadabu ai gilaadeu.

Exodus 29:24

gai koe ga dugu ange mee nei gi lodo luu lima o Aaron ma ana dama daane, gai gilaadeu gi daodaohia age mee nei i mada luu mada o Tagi Maolunga.

Exodus 28:4

Aanei malo alaadeu e hai: e dahi mee e dau i hadahada, e dahi ephod, e dahi malo laa daha, e dahi malo belee, e dahi goobai malo, aama e dahi mee e nnoa ai lo te ungaalodo. Gilaadeu gi haia malo o doo daina go Aaron ma ana dama daane, e hai hegau mai gi de au i hegau a de gau haimeedabu.

Exodus 28:1

“Gai koe ga gaamai doo daina go Aaron ma ana dama daane, go Nadab, ma Abihu, ma Eleazar, aama Ithamar; ga vvae gee gilaadeu mai i de gau Israel, ga hai gilaadeu gi ni gau haimeedabu e hai hegau mai ai gi de au.

Exodus 40:13

gai koe ga hakahu ange Aaron i denga malo dabu, ga hagasulu ma de hagadabu ia, gi se dangada haimeedabu e hai hegau mai ai gi de au.

Leviticus 16:24

Gai ia gi gaugau i vai i dahi mommee dabu, ga ahe ange gi ono malo donu, gai ia ga sao mai ga daa de manu e hai ai laa ssigidaumaha dudu ange gi de ia ma ssigidaumaha dudu a dangada, ga tala ai ono haisala donu ma haisala o de huaadangada.

Exodus 30:35

gai koe ga hilo mee ga hai ai dahi vai manongi, bei mee a tangada hai vai manongi e hai. De vai nei e gaavange soolo aagena, gai e masalaba ma de dabu.

Numbers 16:5

ga hai ange gi Korah ma denga daane madali ia, “Boo taiao gai Tagi Maolunga e hagaago mai naa be goai ono dangada gai goai e dabu, gai goai e maua i de hano e hagabaa ange gi de ia. Gai tangada naa huu aana e hili, gai ia gi humai gi hagabaa ange gi de ia.