Exodus 28:40 - De Beebaa Dabu

⁴⁰ Gai koe ga llanga hogi hanu malo belee, ma hanu mee noonooa ungaalodo, aama hanu goobai moo denga dama daane a Aaron, e hagadubu ai gilaadeu ma de hagamahamaha.

Exodus 28:40 Referans Kwoze

Exodus 39:41

ma malo mahamaha o de gau haimeedabu e hai ai alaadeu hegau i lo te Aabi Dabu, go denga malo dabu o tangada haimeedabu go Aaron ma malo o ana dama daane e hai ai hegau a de gau haimeedabu.

Exodus 28:4

Aanei malo alaadeu e hai: e dahi mee e dau i hadahada, e dahi ephod, e dahi malo laa daha, e dahi malo belee, e dahi goobai malo, aama e dahi mee e nnoa ai lo te ungaalodo. Gilaadeu gi haia malo o doo daina go Aaron ma ana dama daane, e hai hegau mai gi de au i hegau a de gau haimeedabu.

Leviticus 8:13

Gai Moses ga gaamai hogi denga dama daane a Aaron, ga hakahu ange gilaadeu i olaadeu malo belee, ga noonooa olaadeu ungaalodo, ma de noonooa ange olaadeu goobai gi honga olaadeu biho, bei de hai a Tagi Maolunga gu tala ange ai laa gi Moses.

Exodus 29:9

ga noonooa olaadeu ungaalodo i mee noonooa, ma de noonooa ange denga goobai gi honga olaadeu biho. Gai gilaadeu ga hai ai hegau a tangada haimeedabu ga hano ai. Deenei dau hai e hagadabu ai Aaron ma ana dama daane.

Exodus 28:2

Gai koe ga hai hanu malo dabu moo doo daina go Aaron, ga hagadubu ai ma de hagamahamaha ai ia.

1 Peter 5:5

E bei ai hogi goodou denga dama daane, goodou hagallongo ange gi denga daane maatua. Gai goodou alodahi gi hagadau hagamaolalo i oodou magavaa, go hiidinga “De Maadua e hai baasi ange gi gilaadeu e llodo maolunga, aagai e abodonu ange gi gilaadeu e llodo maolalo.”

Titus 2:10

Gilaadeu gi dee gaiaadia mee a olaadeu dangada aamua, gai gilaadeu gi hagaagona ange bolo gilaadeu ni dangada e dee hadu muna gai e hai hegau i de muna abodonu, gai alaadeu hegau danuaa gi hagamahamaha ina muna a de Maadua taadeu Ia Hagaola.

Titus 2:7

Gai koe haia doo mouli gi se hagaago danuaa i au hegau alodahi e hai. Gai koe gi agoago i de lodo se muna abodonu gai e dee hai gi ni mee e hakadanga ai,

Exodus 29:8

Gai koe ga gaamai hogi ana dama daane, ga hakahu ange gilaadeu i denga malo belee,

Leviticus 16:24

Gai ia gi gaugau i vai i dahi mommee dabu, ga ahe ange gi ono malo donu, gai ia ga sao mai ga daa de manu e hai ai laa ssigidaumaha dudu ange gi de ia ma ssigidaumaha dudu a dangada, ga tala ai ono haisala donu ma haisala o de huaadangada.

Isaiah 52:1

Zion, alahage, alahage, hagammahi ina goe. Jerusalem, de aduhale dabu, gahu i oo malo mahamaha. Gai de gau tigi tuu dagaholiage ma gilaadeu e dee gilimalali e dee aahe e ulu i de aduhale.