Exodus 28:4 - De Beebaa Dabu

⁴ Aanei malo alaadeu e hai: e dahi mee e dau i hadahada, e dahi ephod, e dahi malo laa daha, e dahi malo belee, e dahi goobai malo, aama e dahi mee e nnoa ai lo te ungaalodo. Gilaadeu gi haia malo o doo daina go Aaron ma ana dama daane, e hai hegau mai gi de au i hegau a de gau haimeedabu.

Exodus 28:4 Referans Kwoze

Revelation 9:17

Gai aanei dagodo o denga hoosa aagu ne gidee laa i dagu midi ma gilaadeu e kage ai: gilaadeu e kahu i mee buibui hadahada, gai e bei de leebunga o de ula o de ahi ma de hadu hagamogomogo go de sapphire ma sulfur, biho o denga hoosa laa e bei biho o denga laiono, gai de ahi ma de useahi aama sulfur e loomai i lodo olaadeu ngudu.

Ephesians 6:14

Deenei ai, goodou tuu gi makaga ga noonooa oodou ungaalodo i de mee abodonu, ma de dau de heohi i oodou hadahada,

1 Thessalonians 5:8

Aagai go hiidinga gidaadeu ni dangada niio de laangi, gidaadeu ga dagitilo, ga hagauda de gai ma de aloha bei de mee dau i hadahada, aama de goobai go de tali hagalodolodo ange gi de hagamouli.

Isaiah 59:17

Ia e dau de heohi bei de mee dau i hadahada ma de hagauda de goobai baalanga o de hagaola i honga dono biho; gai e gahu i malo e sui ange ai i de hagaduasala, ma de saabini ia i de lodo mmahi bei de malo laa daha.

Isaiah 11:5

De heohi e hai naa go dono beele, gai de muna abodonu go de malo e nnoa ai lo tono ungaalodo.

2 Samuel 6:14

Gai David ga hagaodi ange ono mahi i de anu i mada luu mada o Tagi Maolunga; gai ia ne gahu i dahi ephod e hai i linen.

1 Samuel 30:7

Gai David ga hai ange gi tangada haimeedabu go Abiathar, tama daane a Ahimelek, “Gaamai de ephod gi ogu daha i kinei.” Gai Abiathar ga gaamai de ephod laa gi de ia.

1 Samuel 23:6

De masavaa o Abiathar, tama daane a Ahimelek, ne savini mai ai e mmuni i daho David i Keilah, gai ia ne gaamai dahi ephod madali ia.

1 Samuel 22:18

Gai de hodooligi ga hai ange gi Doeg, “Hannoo daia gi maakau de gau haimeedabu naa.” Gai taane Edom go Doeg ne hano ga daa gu maakau de gau haimeedabu laa. Ia ne daa ga maakau e dinovalu ma dogolima daane e kahu i de ephod linen i de laangi laa.

1 Samuel 2:18

Gai Samuel e hai hegau i mada luu mada o Tagi Maolunga, gai e gahu i de ephod linen mai i dono gauligi.

Exodus 39:28

ma de goobai malo i linen danuaa, ma mee e noonooa ange gi olaadeu biho, aama olaadeu malo laa lodo i linen danuaa e amu ga hilo.

Exodus 25:7

ma hadu hagamogomogo go de onyx, ma hadu hagamogomogo ange laa e hagabigibigi ange gi de ephod, ma de mee dau i hadahada.

Exodus 29:6

gai koe ga dugu ange de goobai malo gi honga dono biho, aama de nnoa ange de hau dabu goolo laa gi de goobai malo.

Hosea 3:4

De gau Israel e daulooloa naa teai selaadeu hodooligi aabe se dagi i de henua, gu deai alaadeu sigidaumaha be ni duludulu dabu, e deai hogi olaadeu ephod aabe ni diinonga i lodo olaadeu hale.