Exodus 28:36 - De Beebaa Dabu

³⁶ Gai koe ga hai dahi dibaa goolo danuaa, ga maaga ange aagena muna nei: ‘Hagadabu ange gi Tagi Maolunga’, bei de hai e maaga ai de buulei hagailonga.

Exodus 28:36 Referans Kwoze

Zechariah 14:20

De laangi laa gai e sisi ange naa gi honga denga baalanga e dau i denga hoosa, “Gu hagadabu ange gi Tagi Maolunga.” Denga anibada i lo te hale o Tagi Maolunga e dabu naa, bei boolo i gaogao de mommee o ssigidaumaha.

Leviticus 8:9

Gai ia ga dugu ange de goobai malo gi honga dono biho, ga nnoa ange talaa baalanga goolo gi ma te goobai laa, go de hau goolo dabu, bei de hai a Tagi Maolunga gu tala ange ai gi Moses.

Exodus 39:30

Gai gilaadeu ne dugidugi dahi dibaa goolo danuaa ga hai ai de hau goolo dabu, ga maaga ange muna nei aagena, “Hagadabu ange gi Tagi Maolunga,” bei de hai e maaga ai laa de buulei hagailonga.

Revelation 21:27

Aagai e deai donu se mee hakino gee e hagaulu mai gi kilaa, be se dangada e haia dahulinga hakino gee ma de mee hagasenga, gai go gilaadeu donu huu gu sisi laa olaadeu ingoo i de beebaa o de mouli a Ssiibi Gauligi e maua i de ulu i kilaa.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Hebrews 12:14

Goodou saalaa doodou hai e nnoho paba ai madali dangada alodahi ma de hai gi dabu goodou, go hiidinga e deai donu se dangada e maua gi gidee Tagi Maolunga noo ia e dee hai gi dabu.

Hebrews 7:26

Gai e heohi donu de hai gi dahi odaadeu dangada haimeedabu maolunga bei ono dagodo — ia e dabu, e dee haisala, e gilimalali, ia e vvae gee ma de gau haisala, gai gu hagaamua i de langi i lunga.

Ezekiel 43:12

Deenei de hainga o de temple: de mommee i luu baasi alodahi i honga de mounga laa e dabu mmao. Deenei de hainga o de temple.

Psalm 93:5

Tagi Maolunga, au hainga e dee sui donu; gai doo hale e dabu ga hano ai.

Leviticus 19:2

“Basa ange gi de hagabuulingaa dangada o Israel, hai ange: ‘Goodou gi dabu, go hiidinga au e dabu, go au go Iahweh doodou Maadua.

Leviticus 10:3

Gai Moses ne hai ange gi Aaron, “Aanei muna a Tagi Maolunga gu tala ma gu hagadaba: ‘Au e hagaago ange gi gilaadeu e loomai e hagapaa mai gi de au bolo au e dabu; gai dangada alodahi gi hagamahamaha ina au i olaadeu daha.’ ” Gai Aaron gu dee muu.

Exodus 28:11

Gai koe maaga ina ange ingoo o denga dama daane a Israel gi honga luu hadu nei, bei de hai a de labagau e maaga ai laa denga buulei hagailonga. Gai koe ga hagabigibigi ange gi honga denga gaini goolo hagalaagii.

Exodus 28:9

Haia hogi e lua hadu onyx ga maaga ange aagena ingoo o denga dama daane a Israel,

Exodus 28:35

Gai Aaron gi gahu i de malo nei i de masavaa oona e hai ai ana hegau, gi langona ai e dangada de tangi o denga baalanga laa, i de masavaa oona e ulu ai gi de Aabi Dabu mmao i mada luu mada o Tagi Maolunga, aama de masavaa oona e sao mai ai, gi dee magau ai ia.

Exodus 28:37

Gai koe ga nnoa ange gi ma te goobai malo i dahi duaini buluu.

Exodus 29:6

gai koe ga dugu ange de goobai malo gi honga dono biho, aama de nnoa ange de hau dabu goolo laa gi de goobai malo.

Exodus 39:31

Gai gilaadeu ga nnoa ange gi ma te goobai malo i dahi duaini buluu, bei de hai a Tagi Maolunga ne tala ange ai gi Moses.

Isaiah 23:18

Gai ana mee e mau ai ma dono hagaoanga e vvae ange naa gi Tagi Maolunga. Tyre e dee maua naa i de hagabudu e doange dono lava. Gai ana mee e maua e gaavange naa e gaimee ai ma de kahu ai gilaadeu e nnoho i mada luu mada o Tagi Maolunga.

Exodus 19:6

gai goodou e hai naa gi se nohoanga hodooligi o de gau haimeedabu niiogu gai se huaahenua dabu.’ Aanei au muna e tala ange gi de gau Israel.”

Exodus 39:27

Gilaadeu ne hai hogi hanu malo belee i linen danuaa e kahu ai Aaron ma ana dama daane,

1 Chronicles 23:13

Dama daane a Amram: go Aaron ma Moses. Gai Aaron ma dono aamuli alodahi ne vvae gee gi hagadabu ina denga mee dabu mmao, ma de hai denga sigidaumaha i mada luu mada o Tagi Maolunga, ma de hai hegau i ono mada i mua, aama de hagamanuuia ai dangada i dono ingoo ga hano ai.