Exodus 26:31 - De Beebaa Dabu

³¹ Gai koe ga hai dahi malo buibui i huga malo buluu, ma de purple, ma de mmea aama linen danuaa e amu ga hilo, ga maaga ange aagena denga cherubim.

Exodus 26:31 Referans Kwoze

Matthew 27:51

Gai tilo, de malo buibui i lo te temple gu masae iho i lunga ga sao i lalo. Gai gu ngalungalue de henua ma de mahangahanga denga hadu,

2 Chronicles 3:14

Ia ne hai hogi dahi malo buibui i malo buluu ma de purple ma de mmea, aama linen danuaa, ga maaga ange hanu cherubim aagena.

Exodus 36:35

Gai ia ne hai dahi malo buibui i huga malo buluu, ma de purple, ma de mmea aama linen danuaa e amu ga hilo, ga maaga ange aagena denga cherubim.

Leviticus 16:2

Gai Tagi Maolunga ne hai ange gi Moses, “Daalaa ange gi doo daina go Aaron, ia gi dee humai gi lo te Aabi Dabu mmao, i lo te malo buibui i mada i mua o de pono o de tala haisala i honga de ngavesi o te hainga, i de masavaa aana e hilihili, gi dee magau ai ia. Go hiidinga au e hagasula mai i lo te hagausinga i honga de pono laa.

Exodus 36:8

Gai labagau alodahi i magavaa o dangada ne hai de tabernacle i e madaangahulu malo buibui; malo nei ne hai i linen danuaa e amu ga hilo, i huga malo buluu, ma de purple ma de mmea, ga hagalaagii i denga cherubim.

Exodus 26:1

“Gai koe haia de tabernacle i e madaangahulu malo buibui e hai i linen danuaa e amu ga hilo i huga malo buluu, ma de purple, aama de mmea ga hagalaagii i denga cherubim.

Ephesians 2:14

Gai go ia donu taadeu nnoho baba, gai ia ne hai ngaadahi luu hagabuulinga nei gi dahi donu huu, ma de oha iho de buibui o de hagadau kino e vaaea laa gidaadeu, i dono angaanga donu,

Mark 15:38

De masavaa laa gai de malo buibui i lo te temple gu mahanga iho i lunga ga sao gi lalo.

Song of Songs 7:1

Tamaa hine hodooligi, luoo vae e mahamaha i de ulumagi ange ai mee vae, luoo gauanga e mmoe bei denga hadu hagamogomogo, bei de mee a dahi labagau e hai i luoono lima.

Psalm 137:5

Jerusalem, noo au gu ngalo goe, gai dogu lima madau gi ngalo de hai e hagadangidangi ai!

Leviticus 16:15

Gai ia gi daia de guudi e hai ai laa ssigidaumaha o haisala o de gau Israel, ga kave ono dodo gi lo te malo buibui, gai ia gi haia dodo laa bei dana hai ne hai ai laa dodo o de kaau daane: ia gi hagatoo madaua ina ange gi honga de pono o de tala haisala aama de aloalo o de pono laa.

Exodus 40:21

gai ia ga kave de ngavesi ga hhao gi lo te tabernacle, ga dau age de malo buibui ga buibui ai de ngavesi o de tala hagadonu, bei de hai a Tagi Maolunga ne tala ange ai gi de ia.

Exodus 40:3

Gai koe ga hhao de ngavesi o de tala hagadonu ga dugu ange gi dono mommee, ga dau age de malo buibui ga buibui ai.

Exodus 38:23

Gai taane ne balea ange ia go Oholiab, tama daane a Ahisamak, mai i de aamuli o Dan, ia e labagau i de maaga mee, ma de hagatuu denga hagadaagangaa mee, ma de maaga mee i de niila i huga malo buluu, ma de purple ma de mmea aama linen danuaa e amu ga hilo.

Exodus 35:35

Gai ia ne gaavange gi gilaau de hina e hai ai denga hagadaagangaa hegau alodahi a de labagau, ma de hadu age denga hagadaagangaa mee, ma de maaga mee i huga malo buluu, ma de purple ma de mmea, ma linen danuaa, ma de langa mee, aama denga hagadaagangaa labagau alodahi.

Exodus 35:25

Gai denga haahine alodahi e labagau i de amu ga hilo, ne gaamai hogi alaadeu huga malo buluu ma de purple, ma de mmea, aama linen danuaa.

Exodus 35:6

ma huga malo buluu, ma de purple ma de mmea ma linen danuaa, ma huluhulu guudi,

Exodus 28:15

“Gai koe haia hogi de mee dau i hadahada e hagamodu ai lodo o de Maadua; haia gi hagalaagii, bei de hai ne hai ai laa de ephod: i goolo, ma huga malo buluu, ma de purple ma de mmea, aama linen danuaa e amu ga hilo.

Exodus 25:18

Gai koe dugidugi hanu goolo i de haamaa haia ai e lua cherubim i luu bido o de pono o de tala haisala.

Exodus 25:4

ma huga malo buluu, ma de purple, ma de mmea, ma linen danuaa, ma huluhulu guudi,

Luke 23:45

gai gu danu de laa. Gai de malo buibui i lo te temple gu mahanga lua.

Exodus 26:32

Gai koe haia hanu mee hagalaulau goolo, ga daudau ai de malo buibui laa gi denga duludulu acacia e haa, gu haoli laa i goolo, gai e hagatuu ange gi honga e haa dagelo selevaa.

Exodus 27:21

Gai de mee dugu laama e hagaduu i lo te hale malo hagabuni, i tua de malo e buibui ai laa de aabi o de ngavesi o de tala hagadonu; gai Aaron ma ana dama daane gi haulasia denga laama i mada luu mada o Tagi Maolunga, gi ula mai i de ahiahi ga dae ai gi taiao. De mee nei se hainga ange gi de gau Israel ma olaadeu atangada alodahi ga hano ai.

Exodus 36:36

Gai ia ne hai e haa duludulu i laagau acacia ga haoli i goolo. Gai ia ne hai hanu mee hagalaulau goolo, ma olaadeu dagelo selevaa e haa.

Exodus 27:16

Gai de malo e dau i ma te haitoga o de buibui laa daha e hai gi madalua sugilima, gai e hai i huga malo buluu, ma de purple aama de mmea e amu ga hilo i linen danuaa, ga maaga i de niila, madali e haa duludulu ma olaadeu dagelo e haa.

Exodus 35:12

ma de ngavesi ma luu dogo e saabai ai, ma de pono o de tala haisala, ma de malo buibui;

Numbers 4:5

De masavaa naa huu o dangada i de mommee nnoho gaainga e ngaalue ai e hulo, gai Aaron ma ana dama daane gi dugua iho de malo buibui, ga haoli ai de ngavesi o de tala hagadonu.