Exodus 26:1 - De Beebaa Dabu

¹ “Gai koe haia de tabernacle i e madaangahulu malo buibui e hai i linen danuaa e amu ga hilo i huga malo buluu, ma de purple, aama de mmea ga hagalaagii i denga cherubim.

Exodus 26:1 Referans Kwoze

Exodus 26:36

Gai koe ga hai ange dahi malo buibui e dau i de haitoga o de hale malo i huga malo buluu, ma de purple ma de mmea aama linen danuaa e amu ga hilo, ga maaga i de niila.

Exodus 36:35

Gai ia ne hai dahi malo buibui i huga malo buluu, ma de purple, ma de mmea aama linen danuaa e amu ga hilo, ga maaga ange aagena denga cherubim.

Exodus 26:31

Gai koe ga hai dahi malo buibui i huga malo buluu, ma de purple, ma de mmea aama linen danuaa e amu ga hilo, ga maaga ange aagena denga cherubim.

Exodus 25:18

Gai koe dugidugi hanu goolo i de haamaa haia ai e lua cherubim i luu bido o de pono o de tala haisala.

Revelation 21:3

Gai au ne langona dahi leo mmahi e basa mai i de mommee iai de nohoanga laa, ma e hagadaba, “Tilo, de mommee noho o de Maadua gu i daho dangada. Gai de Maadua e noho naa i olaadeu daha, gai gilaadeu e hai naa go ono dangada, gai go ia delaadeu Maadua.

Revelation 19:8

gai de Maadua gu hai ia gi gahu i linen danuaa, ma de malamalama aama de gilimalali.” Gai linen danuaa laa go heohi o dangada o de Maadua.

Hebrews 9:9

De mee nei se ada ange gi de masavaa go iainei. Gai aanei dagodo o de hagatau nei, denga mee ngadi gaavange ma sigidaumaha e dee maua donu i de hai gi heohi abodonu lodo o tangada e daumaha i mee laa.

Hebrews 8:2

gai go ia e haia hegau i lo te hale dabu, go de hale malo abodonu a Tagi Maolunga ne hagaduu laa, gai tee hagaduu i lima o dangada.

John 2:21

Aagai gilaadeu tee tonu ange, bolo de temple oona e basa ai laa, go dono angaanga.

John 1:14

De Muna ne hai gi se dangada ga noho i odaadeu magavaa, gai gidaadeu gu gidee dono mahamaha, go de mahamaha o Tama Dagidahi mai i daho Tamana, e honu laa i de abodonu ma de muna abodonu.

1 Chronicles 21:29

Gai de tabernacle o Tagi Maolunga a Moses ne hai laa i de vao, ma de mommee o ssigidaumaha dudu e daakodo i de mommee daumaha i Gibeon, i de masavaa laa.

1 Chronicles 17:1

Gai ga noho huu David i dono hale, gai ia ga hai ange gi de pelaabisi go Nathan, “Tilo, au gu noho i dahi hale e hai i laagau cedar, aagai de ngavesi o de hagatoo donu hagaheloongoi a Tagi Maolunga e dugu i lalo dahi hale malo.”

Exodus 40:2

“Tahi laangi naa huu o tahi malama gai koe ga hagaduu age de tabernacle, go de hale malo hagabuni.

Exodus 35:35

Gai ia ne gaavange gi gilaau de hina e hai ai denga hagadaagangaa hegau alodahi a de labagau, ma de hadu age denga hagadaagangaa mee, ma de maaga mee i huga malo buluu, ma de purple ma de mmea, ma linen danuaa, ma de langa mee, aama denga hagadaagangaa labagau alodahi.

Exodus 35:6

ma huga malo buluu, ma de purple ma de mmea ma linen danuaa, ma huluhulu guudi,

Exodus 25:8

Gai gilaadeu gi hagaduulia dahi hale dabu moogu, e noho ai au i olaadeu daha.

Exodus 25:4

ma huga malo buluu, ma de purple, ma de mmea, ma linen danuaa, ma huluhulu guudi,

Hebrews 9:2

Gai deenei de hai ne hagaduu ai de hale malo. De aabi e mua gi daha iai de mee dugu laama, ma teebele iai pelaoaa dabu; gai e hagaingoo ange go de Mommee Dabu.

Exodus 26:2

Haia malo buibui nei alodahi gi se haidenga daudahi: e madalua ma lua sugilima de lloa, gai e haa sugilima de llaha.

Exodus 35:11

go de tabernacle, ma de hale malo, ma malo e odo ai, ma ono mee hagalaulau, ma ono laagau, ma ono laagau hagamakaga, ma ono duludulu ma olaadeu dagelo;

Numbers 3:25

Gai mee a de hagadiilinga o Gershon e hai i de tabernacle: de hale malo ma mee e haoli ai, aama de malo e dau laa i de haitoga o de hale malo hagabuni,

2 Samuel 7:2

gai David ga hai ange gi de pelaabisi go Nathan, “Tilo, iainei au gu noho i dahi hale e hai i laagau cedar, aagai de ngavesi a de Maadua goi dagodo huu i dahi hale malo.”

Exodus 31:7

go de hale malo hagabuni, ma de ngavesi o de tala hagadonu, ma de pono o de tala haisala, ma goloa alodahi o de hale malo,

Exodus 39:3

Gilaadeu ne tugi denga goolo gi daballahi ga hai ai denga deleisi ga llanga madali denga huga malo buluu ma de purple, ma de mmea, ma linen danuaa ga hai ai hanu sumu hagalaagii.

Numbers 4:25

gilaadeu e saabai malo e dau ai de tabernacle ma de hale malo hagabuni ma ono malo e haoli iho ai, ma gili kaau lausedi e haoli iho ai laa malo i honga de hale malo hagabuni, ma de malo e dau i de haitoga o de hale malo hagabuni,

1 Kings 6:29

Gai ia ne maaga ange hanu cherubim ma hanu palm aama huaala laa lo te aabi e mua gi lodo ma de aabi e mua gi daha.