Exodus 25:13 - De Beebaa Dabu

¹³ Gai koe ga hai e lua dogo acacia ga haoli i goolo,

Exodus 25:13 Referans Kwoze

1 Chronicles 15:15

Gai denga daane de aamuli o Levi ne poo denga laagau i luu baasi de ngavesi a de Maadua ga saabai ai i honga olaadeu eu, bei de hai a Moses gu tala ange ai laa gi gilaadeu, gi bei muna a Tagi Maolunga.

Numbers 4:14

Gai gilaadeu ga dugu ange gi ono elunga, denga goloa alodahi e hai ai hegau o de mommee o ssigidaumaha: go mee e hhao ai denga maga ahi, ma poogo, ma savolo, ma boolo. Gai gilaadeu gi haolia ono elunga i dahi gili kaau lausedi, ma de velo ange luu laagau e saabai ai gi lodo olaau duulanga.

Numbers 4:11

Gai gilaadeu gi haolia hogi honga de mommee o ssigidaumaha goolo i dahi malo buluu, ga hoolaa ange gi ono elunga dahi malo gili kaau lausedi, ga velo ange luu laagau e saabai ai laa gi olaau duulanga.

Numbers 4:8

Gai gilaadeu gi haolia teebele laa, ma mee i ono elunga i dahi malo mmea, gai haolia honga de malo laa i gili kaau lausedi, ga velo ange luu laagau e saabai ai gi olaau duulanga.

Numbers 4:6

Gai gilaadeu gi haolia ono elunga i gili kaau lausedi, ga doha ange dahi malo buluu laa honga de gili kaau laa, ma de velo ange luu laagau e saabai ai gi olaau duulanga.

Exodus 40:20

Gai ia ga kave luu duu hadu o de tala hagadonu ga hhao ange gi lo te ngavesi, ga velo ange luu laagau o de ngavesi, aama de gaavange de pono o de tala haisala gi honga de ngavesi laa,

Exodus 37:4

Gai ia ne hai e lua dogo acacia ga haoli i goolo,

Exodus 30:5

Gai koe haia e lua dogo i laagau acacia, ga haoli i goolo.

Exodus 27:6

Gai koe ga hai e lua dogo e saabai ai de mommee o ssigidaumaha i laagau acacia, ga haoli i bronze.

Exodus 25:28

Gai koe ga hai e lua dogo i laagau acacia ga haoli i goolo, e saabai ai teebele.

Exodus 25:5

ma gili ssiibi gu tao ma gu mmea, ma gili kaau lausedi, ma laagau acacia,

Exodus 25:12

Gai koe ga hagadaakodo e haa buulei goolo ga hagabigibigi ange gi denga vae e haa, e lua buulei i dahi baasi gai e lua buulei i de baasi ange laa.

Exodus 25:14

ga velo ange gi lodo buulei i luu baasi de ngavesi e saabai ai.

1 Kings 8:8

Gai luu laagau laa e hulo ma e ssili gi daha o de Aabi Dabu, go hiidinga e lloa, gai e dee maua gi gidee mai i tua de aabi laa; gai goi daakodo huu i kilaa ga dae mai ai gi anailaa nei.