Exodus 24:17 - De Beebaa Dabu

¹⁷ Gai de gau Israel ne gidee de mahamaha o Tagi Maolunga bei dagodo o de ahi ula i ulu de mounga.

Exodus 24:17 Referans Kwoze

Hebrews 12:29

go hiidinga taadeu Maadua e bei de ahi ula e duungia mee alodahi.

Hebrews 12:18

Goodou tee loomai gi de mounga e maua laa i de poo ange aagena, ma de ula ai de ahi, ma de gohu boo dangodango, ma de gohugohu ma de madangi mmahi,

Deuteronomy 4:36

Ia ne hai gi langona e goodou dono leo mai i de langi e haele ai goodou. Gai ia ne hai gi gidee e goodou de ahi ula i honga de henua, ma de langona dono leo e basa adu ai gi goodou mai i lo te ahi.

Exodus 3:2

Gai tangada de langi o Tagi Maolunga ne hakide ange gi de ia i de ahi ula i lo te manu somo baa i lalo. Gai Moses ne galo ange ga tilo de manu somo laa; gai de ahi e ula i ono lodo, aagai de manu laa e dee vvela donu ono lau.

Deuteronomy 4:24

Go hiidinga Tagi Maolunga doodou Maadua e bei de ahi ula e duungia mee alodahi, gai se Maadua maagoda.

Exodus 19:18

Gai de mounga go Sinai gu buu ai de useahi, go hiidinga Tagi Maolunga gu hano iho gi ono elunga i de ahi. Gai de useahi laa gu haoli kilaa bei dagodo o de useahi o de ahi mmahi, gai de mounga laa alodahi gu ngalungalue.

Ezekiel 1:27

Gai au ne gidee bolo mai i lo tono ungaalodo ga hanage ai e bei dahi baalanga malamalama, gai e ula ai de ahi, gai mai i kilaa ga hano iho ai e bei de ahi ula, gai de maalama laa e duuli ia.

Nahum 1:6

Goai e bau ange gi dono bole? Goai e maua gi ola noo e kona dono lili? Dono bole e humai bei de ahi ula, denga hadu e mahangahanga i ono mada i mua.

Deuteronomy 9:3

Deenei ai, ailaa nei gai goodou gi tonu iho, bolo Tagi Maolunga doodou Maadua e hano naa i oodou mada i mua, bei dagodo o de ahi ula e duungia laa ga odi mee. Ia e hagadee kii naa gilaadeu, ma de daa gi maakau i oodou mada i mua. Gai e moolau naa donu doodou aau gee gilaadeu, ma de daa gilaadeu gi maakau, bei de hai a Tagi Maolunga gu hagatoo donu adu ai gi goodou.

Ezekiel 1:28

Gai de maalama masalaba e duuli ai laa ia e bei de umada i lodo hagausinga i de laangi bala langi. Deenei dagu hai ne gidee ai dagodo o de mahamaha o Tagi Maolunga. De masavaa aagu ne gidee ai, gai au ga ino gi honga de gelegele, gai au gu langona de leo o dahi e basa ai.

Exodus 19:11

gai gilaadeu gi hagadabena ange gi de hagadolu laangi, go hiidinga au e hano iho naa gi honga de mounga go Sinai i madamada o dangada alodahi.

2 Samuel 22:9

De useahi gu buu mai i lodo luoono bongaa usu; de ahi ula gu sao mai i lo tono ngudu, gai denga maga ahi e kaa mai i ono daha.

2 Samuel 22:13

De maalama i ono mada i mua e bei de maga ahi mmahi.