Exodus 23:26 - De Beebaa Dabu

²⁶ gai e deai naa donu dama e ssege i oodou magavaa aabe se hine dee hua i honga doodou henua. Au e hai gi odi ange laangi oodou e mouli ai.

Exodus 23:26 Referans Kwoze

Deuteronomy 7:14

Goodou e kii ange naa doodou manuuia i dangada alodahi: gai e deai naa donu se daane e dee hagadili, be se hine e dee haanau i oodou magavaa, aabe go dahi oodou kaau e deai ana dama.

De Beebaa go Job 5:26

Koe e magau naa i doo madumadua, bei denga noodangaa grain e hagabudu laa i de masavaa o de hagihagi.

Deuteronomy 28:4

Koe e manuuia naa i denga dama aau e haanau, ma hua o manu i honga doo gelegele ma dama a au manu e haanau — go dama a au kaau ma dama a au ssiibi.

De Beebaa go Job 21:10

Alaadeu kaau e dee tuu donu de hagadili; alaadeu kaau e haanau alaadeu dama, gai e dee ssege donu.

Isaiah 65:20

Gai e deai ange naa donu se gaagaa daudahi i kilaa e sogoisi ono laangi e mouli ai, aabe se dangada madumaatua e tuu mai ono ngadau e mouli ai; tangada e mouli laa ga dae ai gi de lau ono ngadau e hagabinga naa bolo goi gauligi donu huu, gai tangada e dee duu laa de lau ono ngadau e hagabinga naa bolo gu malaia.

Psalm 144:13

Omaadeu mommee doange gai gi hoohonu i denga hagadaagangaa gai. Amaadeu ssiibi gi hagadili gi lagolago ange i de mano, gai manu i lodo amaadeu veelenga gi lagolago ange i tahisemada;

Psalm 107:38

Ia ne hagamanuuia gilaadeu, gai gilaadeu ne hagadili ga kona de soa; gai ia tee hai gi sogoisi mai alaadeu manu haangai.

Genesis 35:29

Gai ia ne magau i de masavaa oona gu madumadua ai, gai ne daulooloa dono mouli, gai ia ne hagabuni madali ono dangada. Gai luaana dama daane go Esau ma Jacob ga danu ia.

1 Chronicles 23:1

De masavaa o David ne madumadua ai, gai ia ne hai dana dama daane go Solomon gi hodooligi i Israel.

Genesis 25:8

Gai Abraham ne magau i de masavaa gu kona ai dono madumadua, gai ne daulooloa dono mouli, gai ia ne hagabuni madali ono dangada.

De Beebaa go Job 42:17

Gai a Job gu madumadua ma de daulooloa dono mouli, i de masavaa oona ne magau ai.

Psalm 55:23

Aagai koe, de Maadua, e tili iho naa de gau baubau gi lo te geelonga o de gau maakau; gai de gau daa dangada ma de daahangadia dangada e dee maua naa donu gi madohi lua olaadeu laangi e mouli ai. Aagai au e hagadonusia goe.

Psalm 90:10

Gai de lagolago o odaadeu ngadau e mouli ai se madahidu, aabe e madavalu, noo gidaadeu e mmahi; aagai laangi laa iai de hai ngadaa ma taemaha, gai e moolau donu de odi, gai gimaadeu e lele ga hulo.

Deuteronomy 4:40

Deenei ai, goodou daohia ana mee gu hagasauaa aama ana hainga gu tala adu gi goodou, go hainga aagu e tala adu nei gi goodou anailaa nei, gi danuaa adu ai gi goodou ma oodou dama e loomai i oodou dua, gai goodou ga nnoho ai i de henua a Tagi Maolunga doodou Maadua e gaavadu gi goodou ga hano ai.

Hosea 9:14

Tagi Maolunga, gaavange gi gilaadeu — be ni aha aau e gaavange gi gilaadeu? Haia gi ssege alaadeu dama gai gi deai olaadeu vai uu.