Exodus 23:20 - De Beebaa Dabu

²⁰ “Gai au e hai naa gi hano i oodou mada i mua tangada de langi gi buibuia ai goodou i honga de haiava, aama de kave goodou gi tae gi de mommee aagu gu hagadabena adu gi goodou.

Exodus 23:20 Referans Kwoze

Exodus 33:14

Gai Tagi Maolunga ga hai ange, “Au e hano donu madali goe, gai au e gaavadu naa gi de goe de noho baba.”

Psalm 91:11

Gai ia e tala ange naa gi ono dangada de langi oo dagodo, gai gilaadeu ga hagaloosi adu ai goe i mommee alodahi.

Exodus 32:34

Iainei gai koe hannoo dagina de huaadangada naa gaavee gi de mommee aagu gu tala adu gi de goe. Gai dogu dangada de langi e hano naa i oo mada i mua. Aagai de laangi naa huu aagu e hagaduasala ai gilaadeu, gai au ga hagaduasala gilaadeu i hiidinga olaadeu haisala.”

Exodus 14:19

Gai tangada de langi o de Maadua, go de ia e hano laa i mada i mua o de gau Israel, ne ngalue ga hano gi olaadeu dua. Gai tuludulu hagausinga laa ne ngalue mai hogi i olaadeu mada i mua ga hano ga duu i olaadeu dua,

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Exodus 33:2

Gai au e hai naa tangada de langi gi hano i oo mada i mua, gai ia ga hai ai gi hulo gee de gau Canaan, ma de gau Amor, ma de gau Heth, ma de gau Perez, ma de gau Hiv, aama de gau Jebus.

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

John 14:3

Gai noo au e hano e hagadabena dahi mommee moodou, gai au e ahe mai naa e kave goodou gi nnoho madali au, gai goodou ga nnoho ai hogi i dogu mommee iai.

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Joshua 6:2

Gai Tagi Maolunga ga hai ange gi Joshua, “Tilo, au gu dugu adu koe gi hagadee kii ina de aduhale go Jericho, ma dono hodooligi aama denga daane hebagi alodahi i kilaa.

Numbers 20:16

aagai de masavaa huu omaadeu ne tangi ange ai gi Tagi Maolunga, gai ia ga hagallongo demaadeu dangidangi, ga gaamai dahi dangada de langi gi hagassao ina mai gimaadeu i Egypt. Gai gimaadeu gu tae mai gi Kadesh, go de aduhale i de hiihii o de mommee e ngado mai ai doo henua.

Joshua 5:13

De masavaa o Joshua ne duu ai i gaogao Jericho, gai ia ne gidee dahi daane e poo dana gadilaasa ma e duu ai i ono mada i mua; gai Joshua ga hano ga ssili ange gi de ia, “Koe se dangada madali gimaadeu, aabe koe se dangada e hai baasi mai gi gimaadeu?”

Exodus 15:17

Koe e kave naa gilaadeu ga hagannoho i honga doo mounga donu; Tagi Maolunga, deenei de mommee gu hai ai doo mommee noho; de Ia Aamua, deenei de hale dabu aau gu hagaduu.

Genesis 48:16

go tangada de langi ne hagaola ina mai au i denga hai ngadaa alodahi — gi hagamanuuia ina hogi luu gauligi daane nei. Gai gilaau gi gaavee dogu ingoo ma ingoo o luoogu damana go Abraham ma Isaac gai gilaau gi hagadili gi soa i henua i lalo.”

Genesis 15:18

De laangi laa gai Tagi Maolunga ne hai dahi hagatoo donu hagaheloongoi madali Abram, ga hai ange, “Au e gaavange naa gi doo hagadiilinga de henua nei, mai i Ssaalingaa Vai o Egypt ga dae ai gi ssaalingaa vai laumalie go Euphrates,

Genesis 24:7

Tagi Maolunga, go de Maadua o de langi, ne gaavee gee nei au mai i de hale o dogu damana aama dogu henua donu, ne basa mai gi de au ma de hagatoo donu mai, ga hai mai, ‘Au e gaavange naa gi doo aamuli de henua nei’ — ia e hai naa dono dangada de langi gi hano i oo mada i mua, gai koe ga gaamai ai de bodu o dagu dama daane i kilaa.

Genesis 24:40

Gai ia ne hai mai gi de au, ‘Tagi Maolunga, de ia oogu e seesee i mada luoono mada, e hai naa gi hano dono dangada de langi i oo mada i mua, gai ia ga hai gi sula danuaa doo hanonga; gai koe ga gaamai ai de bodu o dagu dama daane i daho ogu dangada ma dogu huaabodu.

Exodus 15:16

gilaadeu e maatagu naa ma de manavasaa mmao. Tagi Maolunga, doo sauaa mmahi gu hai gilaadeu ma gu dee vaa ngaalue bei dagodo o de hadu, ga dae ai gi de odi doo huaadangada i de hulo ga ui, ga dae ai gi de ui dangada aau ne hagaola.

Exodus 23:23

Gai dogu dangada de langi e hano naa i oodou mada i mua ga dagi ai goodou gi de henua o de gau Amor, ma de gau Heth, ma de gau Perez, ma de gau Canaan, ma de gau Hiv, aama de gau Jebus, gai au e daa naa gilaadeu gi odi i de maakau.

Numbers 22:22

Aagai de Maadua gu lili mmao, i dono hano madali gilaadeu; gai tangada de langi o Tagi Maolunga ne humai ga duu i lo te haiava, e hai baasi ange ai gi de ia. Gai Balaam ne gage i honga dana donkey, gai luoono daane hai hegau ne hulo madali ia.

Deuteronomy 33:2

Ia ne hagadaba: “Tagi Maolunga ne hano iho i Sinai ga hagamaalama gilaadeu mai i Seir, gai ne hagamaalama mai hogi i de mounga go Paran. Ia ne humai madali de gau dabu e dahisemada, gai ia e poo de ahi ula i dono lima madau.

Joshua 23:5

Gai Tagi Maolunga e hai naa gilaadeu gi aahe dua mai i oodou mada i mua, gai goodou ga hai gi hulo gee gilaadeu mai i oodou daha, ga kave delaadeu henua ga henua ai, bei de hai a Tagi Maolunga doodou Maadua gu hagatoo donu adu ai laa gi goodou.

Joshua 5:14

Gai ia ga hai ange, “E deai, aagai au go tagi o hagabuulinga hebagi o Tagi Maolunga. Deenei dogu mee ne humai ai nei.” Gai Joshua ga ino gi honga de gelegele, ga daumaha ange gi de ia, ga hai ange, “Aahee au muna, dogu Ia Aamua, e lodo e tala mai gi de au, doo dangada hai hegau?”

Zechariah 12:8

De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga.