Exodus 22:31 - De Beebaa Dabu

³¹ Goodou ni dangada gu hagadabu mai gi de au; deenei ai, goodou e dee gai kano o de manu e daia laa ga maakau i denga manu lodo henua; gai dilia ange ono kano gi denga gaaduu.

Exodus 22:31 Referans Kwoze

Ezekiel 4:14

Gai au ne hai ange, “Dogu Ia Aamua go Iahweh! Tilo, au tigi gai donu hanu mee e hai ai gi hakino gee au. Mai i dogu gauligi ga dae mai ai gi iainei, gai au tigi gai donu hanu manu maakau, aabe ni manu dolodolo ne daia ga maakau i hanu manu alasala. Tigi ai hogi giidagi dee gilimalali ne hhao gi lo togu ngudu.”

Leviticus 19:2

“Basa ange gi de hagabuulingaa dangada o Israel, hai ange: ‘Goodou gi dabu, go hiidinga au e dabu, go au go Iahweh doodou Maadua.

Acts 15:20

Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.

Ezekiel 44:31

Gai de gau haimeedabu gi dee gaina kano o denga manu llele be go denga manu dolodolo ne ngadi maakau laa donu huu, aabe ne daia ga maakau i hanu manu alasala.

Deuteronomy 14:21

Gai goodou e dee gai manu gu maakau, go hiidinga goodou ni dangada gu hagadabu ange gi Tagi Maolunga doodou Maadua. Gai goodou gaavange e gai de gau henua gee e nnoho i lodo oodou aduhale, aabe e hagao ange gi dahi dangada henua gee ange laa. Gai goodou aude boale ina dahi guudi gauligi i lodo vai uu o dono dinana.

Leviticus 22:8

Gai ia e dee maua i de gai de manu ne ngadi magau be se manu ne daia i dahi manu alasala, ga hidi ai dono dee gilimalali. Go au donu go Iahweh.

Acts 10:14

Aagai Peter ga hai ange, “Tagi Maolunga, e dee maua donu, go hiidinga au tigi gai donu dahi mee dee gilimalali aabe se mee hakino gee daudahi.”

Leviticus 20:25

Deenei ai, goodou vaaea de manu dolodolo gilimalali ma de manu e dee gilimalali, manu llele e dee gilimalali ma manu llele gilimalali. Goodou e dee hai gi hakino gee goodou i denga manu dolodolo be ni manu llele aabe go hanu manu e tolo i honga de gelegele, go mee aagu gu vvae gee laa i hiidinga e dee gilimalali adu gi goodou.

Leviticus 7:24

Gai mee moomuna o de manu ne ngadi magau laa, ma mee moomuna o de manu gu daia i dahi manu alasala, goodou e maua i de hai ai oodou hegau, aagai goodou e dee gai donu mee nei.

Ezra 9:2

Gilaadeu gu kave hanu alaadeu damaa hine ma gu hai ai olaadeu bodu ma de hai ai bodu o alaadeu dama daane, gilaadeu gu hai ma gu hilo de huaadangada dabu ma dangada o de henua. Gai go denga dagi ma de gau aamua ne damadaa de hai de hegau hakino gee nei.”