Exodus 22:29 - De Beebaa Dabu

²⁹ Aude daohia denga sigidaumaha mai i au mommee hhao huamanu aabe go au mommee kumi uvaini. Koe e gaamai hogi gi de au dau dama daane madua.

Exodus 22:29 Referans Kwoze

Exodus 23:16

Gai koe daoa Taonga o de Hagihagi, ga gaamai huamanu e hagihagi i taamada hugadoo, mai i denga manu e doo i honga doo gelegele. Dao hogi Taonga o de Hagabudu mai o denga huamanu, i de hagaodi o de ngadau, i de masavaa e odi mai ai huamanu i lodo au veelenga.

Exodus 13:2

“Goodou hagadabu ina mai gi de au dama a denga manu e haanau i mua ma dama maatua alodahi a de gau Israel; gilaadeu niiagu.”

James 1:18

Gai ia ne lodo e hagadili gidaadeu i de muna abodonu, gai ia ga hai ai gidaadeu go hua i taamada o mee alodahi aana ne hai.

Exodus 23:19

Koe gaamai gi de hale o Tagi Maolunga doo Maadua denga hua i taamada o denga manu ssomo i honga doo gelegele. Aude duunaa tama a de guudi i lodo vai uu o dono dinana.

Romans 8:23

Aagai e dee go mee donu huu ne hai laa i taamada, gai e bei ai hogi, gidaadeu gu kave laa hua i taamada, go de Hagasaalunga ⌊Dabu⌋, e duasala donu odaadeu lodo i taadeu tali de masavaa odaadeu e hai ai gi ni dama daohi, go de hagaola o odaadeu angaanga.

Matthew 6:33

Aagai goodou saalaa i mua nei de nohoanga hodooligi o de Maadua ma dono heohi, gai mee nei alodahi e gaavadu naa donu gi goodou.

Micah 7:1

Gu vakaa loo au! Au gu bei tangada e hagihagia laa huamanu lleu, ma de ogo i dua de hagihagi o de veelengaa grape; gu deai donu gau looloa grape aagu e gai, gai gu deai hogi hua fig lleu aagu e hiigaina laa.

Exodus 34:19

Denga dama daane madua alodahi ma manu daane alodahi a oodou manu haangai bei kaau, ma ssiibi aama guudi e haanau laa i taamada niiagu.

Exodus 13:12

gai goodou ga vvae denga dama daane madua alodahi a dangada ma dama a denga manu e haanau i mua mage hagadabu ina ange gi Tagi Maolunga.

Ezekiel 20:40

Gai honga dogu mounga dabu, go mounga maolunga o Israel, go de Ia Aamua go Iahweh e hagadaba, gai dangada alodahi o Israel e daumaha mai naa gi de au i honga de henua, gai au e malangilangi naa i gilaadeu. Gai au e hai goodou gi gaamai oodou sigidaumaha, ma oodou mee ngadi gaavange danuaa hugadoo, madali oodou sigidaumaha dabu alodahi.

2 Chronicles 31:5

Gai de masavaa huu ne adi ange ai muna laa, gai de gau Israel ga gaamai denga grain, ma uvaini, ma lolo, ma hooni aama mee alodahi ne hagihagi i taamada i honga alaadeu veelenga. Gai ne lagolago mmao alaadeu mee ne gaamai, go tahi diba i diba e madaangahulu o mee alodahi.

2 Kings 4:42

Gai dahi daane ne humai i Baal Shalishah ga gaamai e madalua duudangaa pelaoaa barley gi taane o de Maadua, mai i hua o ana barley ne maatua i mua, ma hanu grain hoou. Gai Elisha ga hai ange, “Gaavange mee naa e gaimee ai dangada.”

Exodus 23:15

Koe haia Taonga o Pelaoaa Dee Hagahua, bei dagu hai gu tala adu ai gi goodou, gai koe ga gai pelaoaa dee hagahua i de masavaa gu hagailonga i e hidu laangi i de malama go Abib, go hiidinga deenei de malama oodou ne ssao mai ai i Egypt. Gai e deai donu se goodou e ngadi humai gi ogu mada i mua.

Exodus 34:20

Tama i mua a dahi donkey e hagahesuihagi i dahi ssiibi; aagai noo goodou e dee hagahesuihagi, gai goodou e hhadi dono ua. Gai goodou e hagahesuihagi donu oodou dama daane maatua. Gai e deai donu se goodou e ngadi humai gi mada luoogu mada.

Numbers 18:13

Denga huamanu alodahi e hagihagi i taamada, i honga olaadeu gelegele e gaavange gi Tagi Maolunga, e gaavadu moodou. Gai dangada alodahi i doodou huaabodu, e gilimalali laa, e maua i de gai.

Leviticus 22:27

“De masavaa naa huu a tama a dahi kaau be se ssiibi aabe se guudi e haanau ai, gai dugua i daho dono dinana i e hidu laangi. Gai dua naa huu e valu laangi, gai gu maua i de hai ai ssigidaumaha ange gi Tagi Maolunga i de ahi.

Deuteronomy 15:19

Gai koe vaaea ange gi Tagi Maolunga doodou Maadua denga dama alodahi e haanau i daho au kaau aama au ssiibi i taamada. Koe e dee hagahai hegau tama a dau kaau e haanau i taamada, gai e dee duuduu huluhulu o dau ssiibi e haanau i taamada.