Exodus 22:24 - De Beebaa Dabu

²⁴ Gai au e bole naa ga daa goodou gi maakau i de gadilaasa; oodou bodu e hai naa ga ni haahine e deai olaadeu bodu, oodou dama e hai naa ga ni gauligi e deai olaadeu damana.

Exodus 22:24 Referans Kwoze

Psalm 109:9

Ana dama gi deai olaadeu damana, gai dono bodu gi se hine hagaaloha.

Jeremiah 15:8

Au e hai naa gi kii ange de soa haahine gu maakau olaadeu bodu, i denga gelegele i gabugabu tai. Au e gaamai tangada daa dangada gi hai baasi ange gi dinana o alaadeu dama daane i de madohi lua o de laangi. Au e daa hagalele naa donu huu dagu hai gi duu ange gi gilaadeu de mee hagamanavasaa ma de hagamaatagu.

Lamentations 5:3

Gimaadeu gu bei denga gauligi gu deai laa olaadeu damana; omaadeu dinana gu maakau olaadeu bodu.

Psalm 69:24

Hagaduasala ina gilaadeu i doo bole, gai doo lili laumalie gi hagaduasala ina gilaadeu.

Hebrews 10:31

Gai se mee hagamaatagu mmao taadeu too ange gi lo te lima o de Maadua e mouli laa.

Luke 6:38

Goodou ngadi gaavange mee, gi ngadi gaavadu ai hogi gi goodou, i de hagabaaunga danuaa, gu luuluu laa ma gu kadi aama de honu malingilingi. Go hiidinga de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.”

Nahum 1:6

Goai e bau ange gi dono bole? Goai e maua gi ola noo e kona dono lili? Dono bole e humai bei de ahi ula, denga hadu e mahangahanga i ono mada i mua.

Jeremiah 18:21

Deenei ai, haia gi humai de onge gi alaadeu dama; haia gi daia gilaadeu gi maakau i de gadilaasa. Haia alaadeu haahine gi deai alaadeu dama ma de maakau olaadeu bodu; alaadeu daane gi maakau i de mee hagamaakau, gai alaadeu dama daane gi maakau i de gadilaasa i de hebagi.

Psalm 90:11

Goai e donu ange gi mahi o doo lili? Gai doo lili e laumalie mmao bei de madagu i de goe.

Psalm 76:7

Aagai go koe donu huu e heohi de maatagu ai o dangada! Goai e maua i de duu i mada luoo mada i de masavaa oou e lili ai?

De Beebaa go Job 31:23

Go hiidinga au e madagu i de hagaduasala a de Maadua; au e dee maua donu i hai de mee nei i hiidinga o dono mahamaha.

Psalm 109:2

De gau baubau ma de hadu muna gu hagabaubau au; gilaadeu gu hai baasi mai gi de au i alaadeu muna hhadu.

Leviticus 25:35

“ ‘Noo dahi dangada i oo daha gu hagaau aloha, ia gu dee maua i de hagadanuaa ia, gai koe balea ange ia bei dau hai e bale ange ai laa tangada henua gee, aabe se dangada e noho gaainga i oo daha, gi maua ai e ia i de noho i oo daha.

Leviticus 25:36

Aude gaavee dahi mee laa honga mee aau ne gaavange gi dahi dangada; aagai koe gi madagu i de Maadua, gi maua ai e tangada laa i de noho madali goe.

Deuteronomy 23:20

Gai koe e maua i de hai tangada henua gee gi hagao ina, dahi mee laa honga de sseene aau ne gaavange gi de ia. Aagai koe e dee hai ange de hegau nei gi tangada Israel; gai Tagi Maolunga doo Maadua ga hagamanuuia ai goe, i mee alodahi aau e hai i honga de henua oou ga hano naa e henua ai.

Deuteronomy 23:21

Gai noo koe gu hagatoo donu ange gi Tagi Maolunga doodou Maadua i dahi mee, gai koe hagamoolau haia gi bei, gi dee haisala ai goe i de mee nei. Gai Tagi Maolunga doodou Maadua e hai naa donu goe gi hagasula ina de mee nei.

Nehemiah 5:7

Gai au ne hagasaele mee nei i ogu lodo, gai au ne hagabaubau de gau aamua ma denga dagi, ga hai ange gi gilaadeu, “Goodou e hai oodou dangada gi hagao ina dahi mee laa honga oodou mee gu gaavange gi gilaadeu.” Gai au ne hagahi dahi hagabuni laumalie gai au ga hagasee ai gi gilaadeu,

Psalm 15:5

tangada e balea ange dangada i ana sseene, gai e dee kave dahi mee laa honga de mee aana ne gaavange e hagabaubau ai tangada tigi haisala. Tangada e haia de hegau nei e dee dai ngalungalue donu.