Exodus 20:6 - De Beebaa Dabu

⁶ aagai au e abodonu ange gi atangada soa o dangada e aaloha i de au, ma de daohi agu hainga.

Exodus 20:6 Referans Kwoze

Deuteronomy 7:9

Deenei ai, goodou gi iloo bolo Tagi Maolunga doodou Maadua go de Maadua donu; ia e hai hegau i de muna abodonu, gai e daohi dana hagatoo donu hagaheloongoi ma de aloha ange gi gilaadeu e aaloha i de ia, ma de daudali i ana muna, ga dae ai loo gi de mano atangada.

1 John 5:3

Gai deenei taadeu aloha i de Maadua, go taadeu daohi ana muna. Gai ana muna e dee hagadaemaha donu,

John 14:21

Be goai e daohia agu muna ga daudali ai, go ia donu e aloha i de au. Gai be goai e aloha i de au gai dogu Damana e aloha hogi i de ia, gai au e aloha hogi i de ia ma de hagaago ange au gi de ia.”

Acts 2:39

De hagatoo donu nei se mee adu gi goodou ma oodou dama, aama dangada e mmao gee laa; go dangada alodahi a Tagi Maolunga de Maadua e hagahi.”

Deuteronomy 5:29

Mee naa gi deenei dagodo olaadeu lodo; gilaadeu e maatagu i de au ma de daudali i agu hainga alodahi, gi nnoho paba ai gilaadeu ma alaadeu dama e loomai i olaadeu dua.

Deuteronomy 4:37

Gai go hiidinga ia e aloha i oodou dubuna madagidagi, deelaa ai, ia ne hili olaadeu aamuli ne haanau i olaadeu dua, gai ia ne hagassao ina mai goodou i Egypt i dono sauaa mmahi,

John 14:15

“Noo goodou e aaloha i de au, gai goodou ga daudali i agu hainga.

2 John 1:6

Gai deenei tagodo o de aloha, go taadeu daudali i ana muna gu tala mai. Gai deenei dana muna gu tala mai, bei doodou hai ne langona ai laa mai i taamada age: goodou seesee i de aloha.

1 John 4:19

Gidaadeu e aaloha i de ia, i hiidinga go ia ne aloha i gidaadeu i mua.

James 1:12

E manuuia tangada e lodo mmahi i dono masavaa e hagataalea ai, go hiidinga noo ia e duu ga makaga i lo te hagatale, gai ia e kave donu de hau o de mouli, go de mee a de Maadua gu hagatoo donu ange gi gilaadeu e aaloha i de ia.

Exodus 34:7

gai ia e dee helui naa donu dono abodonu ange gi dangada i denga atangada soa, ma de degi ange gi olaadeu baubau, ma olaadeu lodo dee heohi aama haisala. Aagai ia e dee degi ange naa donu gi alaadeu hegau baubau; ia e hagaduasala naa denga dama aama mogobuna i hiidinga baubau o olaadeu maadua, ga dae ai loo gi tolu ma de haa atangada.”

Numbers 14:18

‘Tagi Maolunga e dee moolau de lili ma de abodonu, gai e laumalie dono abodonu, ia e degi ange gi baubau ma haisala, aagai ia e dee degi ange donu gi hegau baubau, gai e hagaduasala denga dama i hiidinga haisala olaadeu maadua, ga dae ai loo gi tolu ma de haa atangada.’

Nehemiah 1:5

Au ne hai ange: “Tagi Maolunga de Maadua o de langi, gai se Maadua maolunga ma de hagamaatagu, gai e daohi dau hagatoo donu heloongoi ma doo abodonu ange gi gilaadeu e aaloha i de goe aama de daohi au muna;

Psalm 103:17

Aagai de abodonu o Tagi Maolunga se mee ange gi gilaadeu e maatagu i de ia, mai i de masavaa e dee ngado mai ga dae ai gi de masavaa e dee ngado mai, gai dono heohi e dohu ange gi denga atangada alodahi,

Proverbs 3:1

Dagu dama, aude ngalo agu agoago, aagai daohia agu hainga i oo lodo;

Jeremiah 32:18

Koe e lodo aloha ange gi dangada soa, aagai koe e hagao ange baubau o denga damana, gi alaadeu dama e loomai i olaadeu dua. Go koe de Maadua maolunga ma de mmahi, gai doo ingoo go Iahweh o denga hagabuulinga hebagi;

Daniel 9:4

Gai au ne dalodalo ange gi Tagi Maolunga dogu Maadua, ga tala omaadeu haisala, ga hai ange: “Dogu Ia Aamua, go koe de Maadua maolunga ma de hagamaatagu, gai se Maadua e daohia dana hagatoo donu hagaheloongoi, ange gi gilaadeu e aaloha i de ia ma de daudali i ana muna.