Exodus 20:17 - De Beebaa Dabu

¹⁷ Aude nnoo ange gi de hale o tangada e baa adu gi de goe. Aude nnoo ange gi de bodu o tangada e baa adu gi de goe, be go dono daane hai hegau, be go dono hahine hai hegau, be go dana kaau, be go dana donkey, aabe go dahi ana mee daudahi.”

Exodus 20:17 Referans Kwoze

Romans 13:9

Gai denga hainga nei, “Aude dagodo haisala, aude daia tangada gi magau, aude gaiaa, aude nnoo,” aama hainga ange laa e hagapuni alodahi i muna e hai ange laa, “Koe gi aloha i tangada e baa adu gi de goe gi bei doo aloha donu i de goe.”

Luke 12:15

Gai ia ga hai ange gi dangada, “Goodou kana ange dagidiiloo gi dee nnoo hagamau mee goodou; go hiidinga de mouli o tangada e dee go goloa lagolago.”

Hebrews 13:5

Goodou gi dee nnoo ange gi sseene, gai gi malangilangi i oodou mee e hanu, go hiidinga de Maadua gu hagadaba; “Au e dee tili donu goe, aabe e hano gee mai i oo daha.”

Colossians 3:5

Deenei ai, goodou daia gi maakau lodo o henua i lalo e hai hegau laa i oodou lodo: go de hai be se manu, ma dahulinga hakino gee, ma de lodo dee heohi, ma de lodo e hai de baubau, ma de nnoo hagamau mee, mee nei e bei donu de daumaha ange gi denga diinonga.

Ephesians 5:5

Gai goodou gi iloo de mee nei: e deai dono se dangada hai be se manu, be se dangada dahulinga hakino gee, be se dangada nnoo hagamau mee (e bei se dangada e daumaha ange gi denga diinonga), e maua i de ulu i de nohoanga hodooligi o Klisdo ma de Maadua.

Romans 7:7

E aha, e maua e gidaadeu i de hagataba bolo de hainga e haisala? E dee maua donu! Noo tee gaamai de hainga, gai au tee iloo dagodo o de haisala. Au tee maua hogi gi iloo be se aha de nnoo hagamau mee, noo de hainga tee hai mai, “Aude nnoo!”

Ephesians 5:3

Aagai gi deai donu se dangada hai be se manu i oodou magavaa, be se dangada dahulinga hakino gee daudahi, aabe go de nnoo hagamau mee; go hiidinga mee nei e dee heohi ange donu gi dangada o de Maadua.

Matthew 5:28

Aagai au e hai adu gi goodou: be goai e galo ange gi dahi hahine e lodo ange gi de ia, gai ia gu dagodo haisala donu ma ia i ono lodo.

1 Corinthians 6:10

ma de gau gaiaa, ma gilaadeu e nnoo hagamau mee, ma gilaadeu e unu ga ssenga, ma de gau hai samu, aama gilaadeu e haia gi de mahi mee a dangada e dee ulu donu i de nohoanga hodooligi o de Maadua.

Habakkuk 2:9

E vakaa tangada e hagaduulia dono hale i mee e maua i hegau baubau, ma de hili dono hoohanga i de mommee maolunga, gi noho baba ai ia!

Micah 2:2

Gilaadeu e nnoo ange ma de hai gi de mahi denga alahenua, ma denga hale, ma de kave mee nei. Gilaadeu e vaivai hai tangada ma dono huaabodu, aama de boolonga o dono dangada.

Jeremiah 5:8

Gilaadeu e bei denga hoosa e boobosu danuaa laa, gai e llodo ange gi denga hoosa haahine, dahi ma dahi e sae ange gi de bodu o tangada ange laa.

De Beebaa go Job 31:9

Noo ogu lodo gu hagasengalia e dahi hahine, gai au e tali i gaogao de haitoga o tangada e baa mai gi de au,

Acts 20:33

Gai au tee nnoo ange donu gi selevaa be go goolo, aabe go malo o dahi dangada.

Acts 5:4

E dee niiou de alahenua i mua dau hagao gi daha? Gai e dee niiou hogi ssauaa e hai ai de hagaoanga? Gai gu aha gu maanadu ai naa goe i oo lodo de hai de hegau baubau nei? Koe tee hadu muna ange gi dangada, aagai koe ne hadu muna ange donu gi de Maadua.”

Luke 16:14

Gai denga Pharisee, e nnoo ange laa gi sseene lagolago, ne langona e gilaadeu muna nei, gai gilaadeu ga doo mee i Iesu.

Matthew 20:15

E aha, e dee heohi dagu hai be se aha oogu e lodo ai i agu mee donu? Aabe goodou gu lodo gaiaa naa i hiidinga au e abodonu?’

Ezekiel 33:31

Gilaadeu e loomai gi oo daha, bei alaadeu mee e hai i de laa tubua. Gilaadeu e loomai ga nnoho i oo mada i mua ga hagallongo ai au muna e tala, aagai gilaadeu e dee hai hegau ai donu. Gilaadeu e tala bolo gilaadeu e aaloha, aagai olaadeu lodo e hoohonu i de nnoo hagamau mee.

Jeremiah 22:17

Aagai koe e nnoo ange ma de lodo i goloa e maua i de hadu muna, ma de daa gi maakau dangada tigi haisala, ma de hagaduasala aama de vaivai hai dangada.”

Isaiah 57:17

Au ne lili i hiidinga dono nnoo hagamau mee; gai au e hagaduasala naa ia, ma de haoli luoogu mada i dogu lili, aagai ia ne duudagi donu huu de hai ono lodo.

Isaiah 33:15

Tangada e seesee i de heohi, ma de tala de muna abodonu, gai e kino i goloa e maua i de hai gi de mahi, gai ia e dee kave mee ngadi gaavange hagasenga, gai se dangada e dee hagalaangona denga hagatau e daa ai dangada gi maakau, aama tee tilo denga dahulinga baubau —

Ecclesiastes 4:8

E dahi dangada e noho sogosogo, e deai sana dama daane be se daina daane. Gai e dee maua donu gi lava ana hegau e hai, gai ia e dee maua hogi gi malangilangi i dono lava. Gai ia e hagadaba, “Goai donu oogu e hai hegau kona ange nei aagena, gai gu aha gu dee hai ai nei donu huu au de mee e danuaa mai gi de au?” De mee nei e deai hogi ono haigamaiana, gai se hegau hagadaemaha!

Proverbs 4:23

Gai de mee e hagamogomogo ange i mee alodahi, go de dagitilo dagodo oo lodo, go hiidinga go kilaa iai mee o de mouli.

Psalm 119:36

Hagahulia ange ogu lodo gi au muna, e dee go de nnoo hagamau mee.

Psalm 10:3

Tangada baubau e tala hagasoenga mee i ono lodo, ia e tuhi tangada nnoo gai e hagangadi mee Tagi Maolunga.

De Beebaa go Job 31:1

Au gu hagatoo donu hagaheloongoi ange gi luoogu mada, bolo au e dee tilo ga lodo ange gi dahi bua moe.

1 Samuel 15:19

Gai gu aha goe tee hagallongo ange ai laa gi muna a Tagi Maolunga? Gu aha gu hagamoolau ai laa goe e kave goloa mai i de hebagi, ga hai ai de hegau baubau naa i mada luu mada o Tagi Maolunga?”

Joshua 7:21

au ne gidee dahi malo laa daha mahamaha mai i Shinar, ma e lualau shekel selevaa, aama dahi dibaa goolo se madalima shekel taemaha i magavaa goloa o de gau dee kii, gai au gu nnoo ange gi mee laa ga kave. Gai tilo, mee laa e danu i lalo de gelegele i lo togu hale malo, denga selevaa i lalo mee ange laa.”

Genesis 3:6

Gai ga gidee huu e de hine laa bolo hua o de manu laa e danuaa i de gai, gai e tilo danuaa, gai e hai ai tangada ga heiangi, gai ia ga hhagi dahi ono hua ga gai, gai ia ga gaavange hogi hanu gi dono bodu gi gaina.

Philippians 3:19

Gai de hagaodi o de gau bee nei go de hagaduasala, delaadeu maadua go olaadeu dinae, gai gilaadeu e hagassoenga i denga mee hagadookaa, gai e maanadu donu huu mee o henua i lalo nei.

Genesis 34:23

E aha, alaadeu manu haangai ma olaadeu goloa alodahi e dee hai naa ga niiodaadeu? Gidaadeu gi buni ange gi olaadeu mee e llodo ai, gi nnoho ai gilaadeu madali gidaadeu.”

Genesis 14:23

bolo au e dee kave donu dahi deleisi, aabe se mee e nnoa ai mee vae daudahi mai i oo daha, gi dee hagadaba ai goe, ‘Go au ne haia Abram ga se dangada lava.’

Deuteronomy 5:21

Aude nnoo ange gi de bodu o tangada e baa adu gi de goe. Aude nnoo ange gi de hale, be go de gelegele o tangada e baa adu gi de goe, be go dono daane hai hegau, be go dono hahine hai hegau, be go dana kaau, be go dana donkey, aabe go dahi ana mee daudahi.”

Deuteronomy 7:25

Gai goodou duungia olaadeu diinonga i de ahi; gai goodou aude nnoo ange gi denga selevaa ma goolo e hai ai diinonga laa, aabe gi gaavee mee nei e hai ai oodou goloa, kana noodia ai goodou, go hiidinga Tagi Maolunga doodou Maadua e kino mmao i mee nei.

1 Samuel 12:3

Deenei au; goodou daalaa mai gi de au, i mada luu mada o Tagi Maolunga ma tangada aana gu hagadabu: goai aagu gu kave laa dana kaau? Goai aagu gu kave laa dana donkey? Gai goai aagu gu gaiaa laa dahi ana mee? Gai goai aagu gu vaivai hai laa? Gai goai aagu gu kave laa dahi ngadi gaavange hagasenga i ono daha, gi dee hai hegau ai au i de mee heohi? Goodou daalaa mai gai au ga hagaahe adu oodou mee.”

Proverbs 6:29

Gai e bei ai hogi taane e hano gi daho de bodu o dahi daane gee, taane e dagodo haisala ma de hine laa e hagaduasala donu.