Exodus 20:13 - De Beebaa Dabu

¹³ Aude daia tangada gi magau.

Exodus 20:13 Referans Kwoze

Romans 13:9

Gai denga hainga nei, “Aude dagodo haisala, aude daia tangada gi magau, aude gaiaa, aude nnoo,” aama hainga ange laa e hagapuni alodahi i muna e hai ange laa, “Koe gi aloha i tangada e baa adu gi de goe gi bei doo aloha donu i de goe.”

Deuteronomy 5:17

Aude daia tangada gi magau.

Exodus 21:14

Aagai noo tangada se hagabau donu e daa gi magau tangada e baa ange gi de ia, ⌊gai ga savini naa donu ia ga hano gi de mommee o ssigidaumaha,⌋ gai aaua mai ia i de mommee o ssigidaumaha daia gi magau.

James 2:11

Go hiidinga de ia ne hagadaba laa, “Aude dagodo haisala,” gu hagadaba hogi, “Aude daia tangada gi magau.” Noo koe e dee dagodo haisala aagai koe e daa tangada gi magau, aagai koe gu hagahaisala donu de hainga.

Matthew 19:18

Taane laa ne ssili ange gi de ia, “Go hainga hee?” Iesu ne hai ange, “Aude daia tangada gi magau, aude dagodo haisala, aude gaiaa, aude hagabaubau ina dahi i de muna hadu;

Leviticus 24:21

Tangada e daia ga magau de manu a dahi dangada gi sui ange de manu laa; aagai tangada e daia dahi dangada ga magau e daa donu hogi gi magau.

Exodus 21:20

Noo tangada e daa dono daane hai hegau, be se hahine hai hegau i dahi laagau, gai tangada hai hegau laa gu magau, gai tangada laa e hagaduasala donu,

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

1 Timothy 1:9

Gidaadeu e iloo hogi bolo de hainga tee hai ange gi gilaadeu e heohi, aagai ne hai ange gi gilaadeu e oohaa de hainga ma gilaadeu e hai baasi ange aagena, ma de gau baubau, ma gilaadeu e haisala, ma gilaadeu e hakino gee, ma de hagangadi mee de Maadua, ma gilaadeu e daia ga maakau olaadeu maadua, ma gilaadeu e daia dangada ga maakau,

Isaiah 26:21

Tilo, Tagi Maolunga gu dai sao mai naa i dono mommee e hagaduasala dangada o henua i lalo i hiidinga olaadeu baubau; gai gilaadeu gu daia laa ma gu maakau e gidee mai naa i henua i lalo; henua i lalo gu dee maua i de hagammuni ana dangada ne daa ga maakau.

Galatians 5:21

ma de lodo gaiaa, ma de llodo e unu gi ssenga, ma de hai daonga e unu ai ga ssenga dangada ga hagalongaa ai, aama de hai dahulinga alodahi bei mee nei. Au e tala adu gi goodou, bei dagu hai gu tala adu ai i mua, bolo dangada e haia mee nei e dee ulu donu i de nohoanga hodooligi o de Maadua.

Proverbs 1:18

De gau bee nei e tali donu huu delaadeu maakau, gilaadeu e daa donu huu gilaadeu gi maakau.

Proverbs 1:11

Noo gilaadeu e hai adu, “Humai madali gimaadeu, gidaadeu ga tali e daa dahi dangada gi magau, gidaadeu ga daa gi magau tangada tigi haisala;

Acts 28:4

Gai ga gidee huu e dangada o de henua laa de labodo e daudau laa i dono lima, gai gilaadeu ga hagataba, “Taane nei se daane daa dangada donu. Ia ne ola mai i de moana, gai de hagamodu heohi e dee dugu ange donu ia gi mouli.”

Jeremiah 26:15

Gai goodou gi iloo bolo noo goodou e daa donu au gi magau, gai de baubau nei e dau adu donu gi goodou, ma de aduhale nei aama ono dangada. Go hiidinga ni muna abodonu, go Tagi Maolunga donu ne haia nei au gi humai, gi daalaa adu muna nei alodahi gi langona e goodou.”

2 Chronicles 24:22

Gai Joash ne ngalo donu e ia de abodonu ange o Jehoiada, tamana o Zechariah gi de ia, gai ia ne daa dana dama daane ga magau. De masavaa o Zechariah gu dai magau ai, gai ia ga hai ange, “Tagi Maolunga gi diiloo gi suuia adu au hegau!”

2 Kings 21:16

Gai Manasseh ne soa hogi dangada tigi haisala aana ne daa ga maakau, ma de hai ga dohu Jerusalem alodahi i olaadeu dodo; gai e dee deenei donu huu, gai ia ne hai hogi dangada i Judah gi haia de baubau, ga hagahaisala ai gilaadeu i mada luu mada o Tagi Maolunga.

Exodus 21:29

Aagai noo de kaau daane laa gu dee modu dana hagalagohia dangada i laangi i mua, gai gu lava donu i de tala ange gi tangada niiana aagai ia tee nnoa dana manu, gai dana manu gu daa dahi daane aabe se hine ma gu magau, gai de kaau daane laa e maga donu gi magau i denga hadu, gai tangada niiana de kaau laa e daa hogi gi magau.

Mark 10:19

Koe e iloo denga hainga: ‘Aude daia tangada gi magau, aude dagodo haisala, aude gaiaa, aude hagabaubau ina dahi i de muna hadu, aude daahangadia tangada, gai hagadubu ina doo damana ma doo dinana.’ ”

Luke 18:20

Koe e iloo denga hainga: ‘Aude dagodo haisala, aude daia tangada gi magau, aude gaiaa, aude hagabaubau ina dahi i de muna hadu, gai hagadubulia doo damana ma doo dinana.’ ”

Exodus 21:12

“Be goai e hagailiilia dahi dangada ga magau, gai ia e daa donu hogi gi magau.

Exodus 23:7

Aude hagabaubau ina dahi i hanu muna hhadu, gai koe aude daia gi magau tangada e dee haisala ma de heohi, go hiidinga au e dee degi ange naa donu gi tangada e haia hegau nei.

Leviticus 24:17

Tangada e daia dahi dangada ga magau e daa donu gi magau.

Acts 16:28

Gai Paul ne basa ange gi de ia i de leo laumalie, ga hai ange, “Aude hagalagohia ina goe! Go hiidinga gimaadeu alodahi e nnoho i kinei!”