Exodus 2:25 - De Beebaa Dabu

²⁵ Gai de Maadua ga galo iho ga tilo dagodo o de gau Israel, gai ia gu iloo olaadeu dagodo.

Exodus 2:25 Referans Kwoze

Exodus 4:31

Deelaa ai, dangada alodahi gu hagadonusia alaau muna. Gai ga langona huu e de gau Israel bolo Tagi Maolunga gu humai donu ma gu gidee e ia olaadeu hagaduasala, gai gilaadeu ga ino ga daumaha ange gi de ia.

Psalm 55:22

Hagauda ina ange oo daemaha gi honga o Tagi Maolunga, gai ia ga bale adu goe; ia e dee dugu ange naa donu tangada heohi gi baguu.

Psalm 1:6

Gai Tagi Maolunga e dagitilo haiava o olaadeu e heohi, aagai haiava o de gau baubau e duu ange donu gi de magau.

Luke 1:25

“Tagi Maolunga ne hai mai de hegau nei gi de au, i de masavaa oona ne abodonu mai ai gi de au, ga kave gee ai dogu hagadogaa mai magavaa o dangada.”

Matthew 7:23

Aagai au e hai ange naa gi gilaadeu, ‘Au e dee iloo donu goodou. Goodou hulo gee mai i ogu daha, goodou ni dangada e haia de baubau!’

2 Samuel 16:12

Kana adu Tagi Maolunga e gidee naa dogu duasala, gai ia ga sui mai ana muna hagamaolunga gu tala nei i de au anailaa nei i tanuaa.”

De Beebaa go Job 33:27

Gai ia e daahili naa i madamada o dangada, ga hai ange, ‘Au gu haisala, au gu hano gee i de mee heohi, aagai de Maadua tee hagaduasala donu au.

1 Samuel 1:11

Gai ia ga hagatoo donu ga hagadaba, “Tagi o denga hagabuulinga hebagi, noo koe e galo mai gi de vaivai haia o doo hahine hai hegau, ma tee ngalo doo hahine hai hegau, aagai gi manadua mai au, ga gaamai gi de au dahi dama daane, gai au e hagaahe adu naa ia gi de goe Tagi Maolunga, i taulooloa dono mouli, gai ngaangaaulu o dono biho e dee tuu donu.”

Exodus 1:8

Gai gu dae ange dahi hodooligi hoou ga dagi Egypt, gai ia e dee iloo Joseph.

Acts 7:34

Au gu gidee de duasala o ogu dangada i Egypt, au gu langona delaadeu tangi, gai au gu hano iho e hagaola gilaadeu. Humai, gai au ga hai goe gi ahe gi Egypt!’

Exodus 3:9

Tilo, au gu langona de tangi o de gau Israel, gai au gu gidee hogi de hai a de gau Egypt e hagaduasala ai gilaadeu.

Exodus 18:8

Gai Moses ga tala ange gi dono saulaba mee alodahi a Tagi Maolunga gu hai ange gi Pharaoh ma de gau Egypt, i hiidinga o de gau Israel, ma hai ngadaa alodahi gu paa i gilaadeu i delaadeu seesee ga loomai, aama de hagaola a Tagi Maolunga gilaadeu.

Deuteronomy 26:7

Gai gimaadeu ga tangi ange gi Tagi Maolunga, de Maadua o omaadeu dubuna madagidagi, gai ia ne langona demaadeu tangi ma de gidee demaadeu duasala, ma amaadeu hegau, aama demaadeu vaivai haia.

Psalm 10:14

Aagai koe, de Maadua, e gidee de hai ngadaa ma de lili o tangada; koe gi suuia ange mee nei i doo lima. Go koe de tali hagalodolodo a tangada hagaaloha, go koe e balea ange denga gauligi gu deai olaadeu damana.

Psalm 31:8

gai koe tee gaavange au gi ogu hagadaumee, gai ne hai au gi duu i de mommee lahalaha.