Exodus 2:22 - De Beebaa Dabu

²² Gai Zipporah ne hai dama ga haanau dahi dama daane, gai Moses ga hagaingoo ange ia go Gershom, i hiidinga ia ne hagadaba, “Au se dangada e noho gaainga i dahi henua gee.”

Exodus 2:22 Referans Kwoze

Acts 7:29

Gai Moses gu madagu ga savini ga hano ga noho i de henua o de gau Midian, go kilaa aana ne hagadili ai luaana dama daane.

Exodus 22:21

Aude haia ange de baubau aabe gi vaivai haia tangada henua gee, i hiidinga goodou nogo nnoho gau mai vaga i de henua go Egypt.

Psalm 119:19

Au se dangada e noho gaainga i henua i lalo; koe gi dee hagamuunia au muna i de au!

1 Chronicles 29:15

Gai gimaadeu ni dangada henua gee i mada luoo mada, gai ni dangada e nnoho gaainga, bei dagodo omaadeu dubuna madagidagi alodahi. Gai omaadeu laangi i henua i lalo e bei de goohunga o de laa e lilo ngaohie laa, e dee maua gi dagodo.

1 Chronicles 16:20

gilaadeu ne silivaahea saele i denga huaahenua, mai i dahi nohoanga hodooligi gi dahi nohoanga hodooligi.

Psalm 39:12

Tagi Maolunga, hagalaangona dagu dalodalo, hagalaangona dogu dangi adu koe gi balea mai; koe gi dee hagangadi mee ina dogu dangi. Go hiidinga au se dangada e noho gaainga gai se dangada henua gee bei ogu dubuna madagidagi alodahi.

Exodus 2:10

Gai ga madua huu tamaa gauligi laa, gai de hine laa ga kave ia ga gaavange gi tamaa hine a Pharaoh; gai tamaa hine a Pharaoh ga daohi tama daane laa. Gai ia ga hagaingoo ange ia go Moses, go hiidinga ia ne hagadaba, “Au ne dada age ia i lo te vai.”

Genesis 23:4

“Au se dangada henua gee e noho gaainga i oodou daha, gai goodou gaamai dahi mommee i oodou daha e hai ai dahi mommee e hai ai agu daanunga, gai au ga kave dagu magau e danu ai.”

Exodus 4:20

Deelaa ai, gai Moses ga hagauda ange dono bodu ma luaana gauligi daane gi honga dahi donkey ga hulo ai gilaadeu gi Egypt, gai ia ne dagidagi togo o de Maadua i dono lima.

Leviticus 25:23

“ ‘Gai denga alahenua e dee maua donu i de hagao gi daha ga hano ai; go hiidinga de henua niiogu, gai goodou ni dangada henua gee e nnoho gaainga i dogu henua.

Judges 18:30

Gai dangada de aamuli o Dan ne hagatuu age denga diinonga laa. Gai Jonathan tama daane a Gershom, tama daane a Moses ma ana dama, go de gau haimeedabu o de aamuli o Dan, ga dae ai gi masavaa ne gaavee gee ai dangada mai i de henua.

1 Samuel 1:20

Dua mee laa gai Hannah gu hai dama ga haanau dahi dama daane. Gai ia ne hagaingoo ange ia go Samuel, go hiidinga ia ne hagadaba, “Au ne dangidangi ange gi Tagi Maolunga i tama nei.”