Exodus 19:18 - De Beebaa Dabu

¹⁸ Gai de mounga go Sinai gu buu ai de useahi, go hiidinga Tagi Maolunga gu hano iho gi ono elunga i de ahi. Gai de useahi laa gu haoli kilaa bei dagodo o de useahi o de ahi mmahi, gai de mounga laa alodahi gu ngalungalue.

Exodus 19:18 Referans Kwoze

Judges 5:5

Denga mounga gu ngalungaalue i mada luu mada o Tagi Maolunga, Sinai gu ngalungalue hogi i mada luu mada o Tagi Maolunga, de Maadua o Israel.

Psalm 144:5

Tagi Maolunga, haia gi singa iho dau langi, gai koe ga iho mai ai. Boogia ange denga mounga, gi buu age ai de useahi.

Revelation 15:8

Gai de useahi o de mahamaha o de Maadua ma dono sauaa gu hhao lo te hale dabu, gai gu deai donu dangada e maua i de ulu gi lo te hale dabu, ga dae ai gi de odi i de hai denga mee hagamaakau e hidu a denga dangada de langi dogohidu laa.

Exodus 3:2

Gai tangada de langi o Tagi Maolunga ne hakide ange gi de ia i de ahi ula i lo te manu somo baa i lalo. Gai Moses ne galo ange ga tilo de manu somo laa; gai de ahi e ula i ono lodo, aagai de manu laa e dee vvela donu ono lau.

Jeremiah 4:24

Au ne galo age gi denga mounga, gai tilo, gilaadeu e ngalungaalue; gai duuduu alodahi e ngalungaalue hogi.

Genesis 19:28

Gai ia gu gidee adu de mommee iai Sodom ma Gomorrah aama mommee alodahi e soe ai de henua, gai ia gu gidee hogi de useahi e buu age i de henua, bei dagodo o de useahi o de ahi mmahi laumalie.

Psalm 104:32

henua i lalo e bolebole, i dono galo ange aagena; denga mounga e buu ai de useahi, i dono poo ange aagena.

Deuteronomy 33:2

Ia ne hagadaba: “Tagi Maolunga ne hano iho i Sinai ga hagamaalama gilaadeu mai i Seir, gai ne hagamaalama mai hogi i de mounga go Paran. Ia ne humai madali de gau dabu e dahisemada, gai ia e poo de ahi ula i dono lima madau.

Deuteronomy 5:22

Aanei muna a Tagi Maolunga ne tala ange gi de hagabuulingaa dangada i gaogao de mounga, i de masavaa oona ne basa mai ai i lo te ahi ula i de leo mmahi, ma lo te hagausinga ma de gohu boo dangodango, gai teai ange ana muna ne hagapuni ange. Gai ia ne sisi ange muna nei gi honga e lua duu hadu baabaa ga gaamai ai gi de au.

Exodus 24:17

Gai de gau Israel ne gidee de mahamaha o Tagi Maolunga bei dagodo o de ahi ula i ulu de mounga.

Hebrews 12:26

De masavaa laa gai dono leo ne hagangalungalue henua i lalo, aagai iainei ia gu lava i de hagatoo donu bolo, “E dahi ange naa hanonga aagu e hagangalungalue ai henua i lalo ma de langi.”

Isaiah 6:4

Gai olaadeu leo e hagangalungalue denga abaaba, gai de temple gu honu i de useahi.

Genesis 15:17

Gai ga danu huu de laa, ga gohu de mee, gai tilo, de useahi e buu age i lo te gumedi e hhao ai laa de ahi, gai dahi laama ula e aheahe saele i magavaa o denga duudangaa manu laa.

2 Peter 3:10

Aagai de laangi o Tagi Maolunga e dae mai naa bei de humai o tangada gaiaa. De langi e hagalongaa naa i de masavaa e hagalilo ai; gai ono mee alodahi e odi naa i de vaivai i de ahi, gai henua i lalo ma mee alodahi i ono elunga e odi naa hogi i de hagaago mai.

Hebrews 12:18

Goodou tee loomai gi de mounga e maua laa i de poo ange aagena, ma de ula ai de ahi, ma de gohu boo dangodango, ma de gohugohu ma de madangi mmahi,

2 Thessalonians 1:8

ma de ahi ula, ga hagaduasala gilaadeu e dee iloo de Maadua, ma dangada e dee daudali i de longo danuaa o taadeu Dagi Maolunga go Iesu.

Matthew 24:7

Denga huaahenua e hagadau hebagi naa, denga nohoanga hodooligi e hagadau hebagi naa, gai e hai naa denga onge ma de ngalungalue o de henua i denga mommee.

Zechariah 14:5

Gai goodou e saavini naa ga hulo laa gaogao de geelonga e vaaea laa denga mounga, go hiidinga de geelonga laa e dae laa gi Azal. Gai goodou e saavini naa ga hulo gee, e dagodo be goodou e saavini e hulo gee mai i de ngalungalue o de henua, i laangi o Uzziah ne hodooligi ai i Judah. Gai Tagi Maolunga dogu Maadua e humai naa madali de gau dabu alodahi.

Psalm 114:7

Henua i lalo, bolebole i mada luu mada o de Ia Aamua, ma mada luu mada o de Maadua o Jacob,

Psalm 77:18

De babaa o au hatuli e ngolo bei de madangi mmahi, au uila e hagamaalama henua i lalo, gai henua i lalo e ngalungalue ma de ngalullulu.

Exodus 20:18

Gai ga langona huu e dangada de babaa denga hatuli ma de labalaba denga uila, gai gu ili de hanga manu, ma de buu age o de useahi i honga de mounga, gai gilaadeu gu maatagu ma de bolebole; gai gilaadeu ga hulo ga tuu i de mommee mmao,

Exodus 19:13

dangada gi dee poo ange gi tangada bee nei, aagai tangada bee nei e maga donu gi magau i denga hadu aabe velo i tao; e dee hilihili be se manu aabe be se dangada, ia e dee dugu donu gi mouli.’ Gai de masavaa naa huu e hagadau looloa ai de ili de hanga manu, gai dangada gu maua i de loage gi de mounga.”

2 Thessalonians 1:7

ma de hagamaamaane oodou lodo i doodou vaivai haia aama gimaadeu hogi, i de laangi o Tagi Maolunga go Iesu e hagasula mai ai i de langi, madali ono dangada de langi mmahi,

Revelation 9:2

Gai ia ne hhuge de geelonga e deai laa sono dagelo, gai gu hanage dahi useahi bei de useahi o de ahi mmahi, gai de laa ma lo te moana gu gohu i de useahi mai i lo te geelonga laa.

Genesis 11:5

Aagai Tagi Maolunga ne hano iho e tilo de aduhale ma de hale maolunga a dangada gu hagaduu laa.

Exodus 19:17

Gai Moses ga dagi mai dangada i de mommee nnoho gaainga e hulo ai gilaadeu e hedae ange gi de Maadua, gai gilaadeu ga hulo ga tuu i gaogao de mounga.

Exodus 34:2

Gai haia gi baba oo mee i taiao age, ma gi hanage gi honga de mounga go Sinai, ga duu i ulu de mounga.

Deuteronomy 5:4

Tagi Maolunga ne basa adu gi goodou mai i de mounga i lo te ahi ula.

Isaiah 64:1

Mee naa koe gi saea de langi ga iho mai gi lalo, gi ngalungaalue ai denga mounga i mada luoo mada!

Deuteronomy 4:36

Ia ne hai gi langona e goodou dono leo mai i de langi e haele ai goodou. Gai ia ne hai gi gidee e goodou de ahi ula i honga de henua, ma de langona dono leo e basa adu ai gi goodou mai i lo te ahi.

Nehemiah 9:13

Koe ne hano iho gi de mounga go Sinai, ga basa ange gi gilaadeu mai i de langi ga gaavange gi gilaadeu au hagamodu ssoe, ma au hainga heohi, ma au mee gu hagasauaa aama au muna danuaa gu tala mai.

Psalm 18:9

Ia ne hai gi baa iho de langi, gai ia ga iho ai, denga hagausinga maadolu i lalo luoono vae.

Psalm 68:9

De Maadua, koe ne hai gi kona de bala de langi; koe ne hagammahi de henua o doo boolonga i de masavaa ne baageaa ai.

Psalm 77:19

Doo haiava e hano laa lo te lausedi, gai e hano laa magavaa o denga moana nnui; gai duulanga o oo dabuvae e dee gi gidee donu.

Psalm 114:4

Denga mounga ne llele saele bei denga ssiibi daane; denga duuduu ne llele saele bei denga ssiibi gauligi.

Habakkuk 3:6

Ia ne duu age, gai henua i lalo gu ngalungalue; ia ne galo ange ga tilo, gai denga huaahenua gu bolebole. Denga mounga mai i mua gu maoha ma gu malili iho, gai denga duuduu gu daulooloa laa gu baakuu — aagai ia e noho ga hano ai.