Exodus 18:9 - De Beebaa Dabu

⁹ Gai Jethro gu malangilangi i dana langona dagodo de abodonu o Tagi Maolunga ange gi de gau Israel, ma dana hagaola gilaadeu mai i daho de gau Egypt.

Exodus 18:9 Referans Kwoze

1 Corinthians 12:26

Noo dahi diba o de angaanga gu duasala, gai de angaanga alodahi gu duasala; noo dahi diba o de angaanga gu hagadubulia, gai diba alodahi gu malangilangi.

Romans 12:15

Malangilangi madali gilaadeu e malangilangi, gai tangi madali gilaadeu e tangi.

Romans 12:10

Goodou hagadau aaloha i de hagadau aaloha o denga daina, gai gi hagadau hagadubu.

Isaiah 66:10

Malangilangi madali Jerusalem, ma de lodo danuaa i ono hiidinga, goodou alodahi e aaloha i de aduhale laa; goodou gi malangilangi mmao madali Jerusalem, goodou alodahi e hinangalosaa i ono hiidinga.

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.

1 Samuel 15:6

Gai a Saul ga hai ange gi de gau Ken, “Goodou hulo gee mai i daho de gau Amalek, gi dee daia ai e au goodou gi maakau, go hiidinga goodou ne abodonu ange gi de gau Israel i de masavaa olaadeu ne ssao ai ga loomai i Egypt.” Gai de gau Ken ne hulo gee mai i daho de gau Amalek.

Isaiah 63:7

Au e tala dagodo de abodonu o Tagi Maolunga, ma hegau e heohi laa de tuhi ai ia, i hiidinga hegau alodahi a Tagi Maolunga ne hai mai gi gidaadeu, ma mee danuaa aana ne hai ange gi de gau Israel, bei dagodo o dono lodo aloha ma dono abodonu laumalie.

Isaiah 44:22

Au gu ili gi hulo oo haisala bei dahi giliiga, ma de hai oo haisala gi bei de mama o denga vai. Ahe mai gi de au, go hiidinga au gu hagaola goe.