Exodus 18:4 - De Beebaa Dabu

⁴ Gai ia ne hagaingoo ange tama daane ange laa go Eliezer (go hiidinga ia ne hagadaba, “De Maadua o dogu damana ne bale mai au ma de hagaola mai au i de gadilaasa a Pharaoh”).

Exodus 18:4 Referans Kwoze

Hebrews 13:6

Deenei ai, gidaadeu gi lo taane i de hagataba, “Go Tagi Maolunga e balea mai au; au e dee madagu donu. Ni aha naa donu a dangada e maua i de hai mai gi de au?”

2 Timothy 4:17

Aagai Tagi Maolunga ne noho madali au ma de hagammahi mai ogu lodo, gai au ga tala ai gi langona e denga Gentile de longo danuaa alodahi. Deelaa ai, au ne ola mai i de ngudu o de laiono.

Acts 12:11

Gai de masavaa huu o Peter ne ala abodonu ai, gai ia ga hagadaba, “Iainei gai au gu iloo bolo ni mee abodonu Tagi Maolunga gu hai gi humai dono dangada de langi gi hagaola ina mai au i ssauaa o Herod, ma mai i mee alodahi a de gau Ssuu ne llodo e hai mai gi de au.”

Daniel 6:22

Dogu Maadua ne hai gi humai dono dangada de langi, gi bonodia ngudu o denga laiono. Deenei ai, gilaadeu tee hagalagohia donu au, go hiidinga au tigi haisala ange donu gi de ia. De hodooligi, tigi ai hogi se mee dee heohi aagu gu hai adu gi de goe.”

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

Psalm 34:4

Au ne ssala Tagi Maolunga, gai ia ne basa mai gi de au; ia ne hagaola mai au i mee alodahi oogu e madagu ai.

Psalm 18:48

Ia gu hagaola mai au i daho ogu hagadaumee; koe gu hai au gi maolunga ange i gilaadeu e vaivai haia dangada; koe gu hagaola mai au i de gau daa dangada.

Psalm 18:1

Tagi Maolunga, au e aloha i de goe, go koe ogu mahi.

1 Chronicles 23:15

Dama daane a Moses: go Gershom ma Eliezer.

Exodus 2:15

Gai ga langona huu e Pharaoh mee nei, gai ia ga ssala Moses e daa gi magau, aagai Moses ga savini ga hano gi Midian e mmuni ai i Pharaoh. Gai ia ga hano ga noho ga hagamabu i gaogao dahi vai geli.

Acts 7:29

Gai Moses gu madagu ga savini ga hano ga noho i de henua o de gau Midian, go kilaa aana ne hagadili ai luaana dama daane.

Hebrews 11:34

ma de diinei denga ahi ula, ma de ola mai i de gadilaasa, gilaadeu e baageaa gai gu hai ma gu ni dangada mmahi; gilaadeu ne mmahi i de hebagi, ga hagadee kii ai denga hagabuulinga hebagi o de gau henua gee.

Genesis 49:25

Gai de Maadua o doo damana e bale adu naa goe, gai de Ia Mmahi Mmao laa e hagamanuuia naa goe i denga manuuia i lo te langi i lunga, ma manuuia i lo te gelegele i lalo de henua, ma denga manuuia o de gaanuunu ma de mommee o denga dama.

Exodus 2:22

Gai Zipporah ne hai dama ga haanau dahi dama daane, gai Moses ga hagaingoo ange ia go Gershom, i hiidinga ia ne hagadaba, “Au se dangada e noho gaainga i dahi henua gee.”

Exodus 4:20

Deelaa ai, gai Moses ga hagauda ange dono bodu ma luaana gauligi daane gi honga dahi donkey ga hulo ai gilaadeu gi Egypt, gai ia ne dagidagi togo o de Maadua i dono lima.

1 Chronicles 23:17

Dama daane a Eliezer: Rehabiah go tama madua. Gai Eliezer teai ange donu ana dama, aagai Rehabiah ne soa donu ana dama.

Exodus 10:28

Gai Pharaoh ga hai ange gi Moses, “Hagamoolau hano gee mai i kinei! Gai koe kana ahe ange ga humai gi mada luoogu mada, go hiidinga de laangi naa donu huu aau e ahe ange ai ga gidee luoogu mada, gai koe e magau.”