Exodus 16:15 - De Beebaa Dabu

¹⁵ Gai ga gidee huu e de gau Israel mee laa, gai gilaadeu tee iloo be ni aha aalaa. Gai gilaadeu ga hagadau ssili ga hagataba, “Ni aha aanei?” Gai Moses ga hai ange gi gilaadeu, “Aanei gai a Tagi Maolunga gu gaavadu e gaimee ai goodou.

Exodus 16:15 Referans Kwoze

Exodus 16:4

Gai Tagi Maolunga ga hai ange gi Moses, “Au e hagamalili iho naa i de langi oodou gai e gaimee ai. Gai dangada alodahi gi hulo gi hagabudulia alaadeu mee e gaimee ai i dahi laangi. Au se hai mee nei e hagatale ai gilaadeu, e tilo ai be gilaadeu e daudali i agu hainga be deai.

John 6:58

Go au de pelaoaa ne hano iho laa i de langi, gai e dee bei de pelaoaa a denga damana madagidagi ne gai laa, gai gilaadeu ne maakau. Gai be goai e gaina de pelaoaa nei e mouli ga hano ai.”

Exodus 16:31

Gai de gau Israel ga hagaingoo ange de gai laa go de manna; de gai nei e tea bei de golee o de coriander, gai e mami bei de besgede iai hooni.

Deuteronomy 8:3

Gai ia ne hagamaolalo goodou i dana hai ga hiikai goodou, gai ga haangai adu goodou i denga manna, ni gai niiodou ma oodou dubuna madagidagi tee iloo i mua. Ia ne hai mee nei gi tonu ange ai goodou, bolo tangada e dee mouli donu huu i pelaoaa, aagai ia e mouli i muna alodahi e tala i de ngudu o Tagi Maolunga.

1 Corinthians 10:3

gai gilaadeu alodahi ne gaimee i gai mai i de baasi gi de hagasaalunga,

Nehemiah 9:20

Gai koe ne gaavange doo Hagasaalunga danuaa ga agoago ange ai gilaadeu, koe tee kave gee au manna e haangai ange ai laa gilaadeu, ma de gaavange gi gilaadeu alaadeu vai e unu ai.

Nehemiah 9:15

Koe ne gaavange gi gilaadeu pelaoaa mai i de langi i delaadeu hiikai, ma vai mai i lo te hadu i delaadeu hieunu, gai koe ne hai ange gilaadeu gi hulo gi gaavee de henua aau gu hagatoo donu ange gi gilaadeu.

Joshua 5:12

Gai de laangi huu i dua delaadeu gai grain mai i de henua laa, gai gu tuu de too iho o denga manna mai i de langi, gai de gau Israel tee aahe ange e gai manna, aagai gu gaimee donu huu i gai o de henua go Canaan i de ngadau laa.

John 6:49

Oodou damana madagidagi ne gai manna i lodo henua, gai gilaadeu ne maakau.

Deuteronomy 8:16

Ia ne haangai goodou i denga manna i lodo henua, ni mee niiodou dubuna madagidagi tee iloo, gai ia ga hagamaolalo ai goodou ma de hagatale ai dagodo o oodou lodo, gi danuaa adu ai gi goodou i muli mai.

Numbers 21:5

Gai gilaadeu ga hagadaumee ange gi de Maadua ma Moses, ga hai ange, “Gu aha gooluu gu gaamai ai nei gimaadeu i Egypt e daa gi maakau i de vao nei? E deai donu gai be ni vai i kinei! Gimaadeu gu kino gee donu i de gai denga gai baubau nei!”

Exodus 16:33

Gai Moses ga hai ange gi Aaron, “Gaavee dahi ssaa haoa ange aagena dahi omer manna, e doange ai i mada luu mada o Tagi Maolunga ga dugu ange gi oodou atangada e loomai i muli.”

Revelation 2:17

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e gaavange naa gi de ia hanu manna e doange laa. Au e gaavange naa gi de ia dahi hadu tea e sisi ai dahi ingoo hoou, gai go tangada donu huu ne gaavange laa aagena e iloo de ingoo laa.

Hebrews 9:4

gai e dugu ai de mommee o ssigidaumaha goolo e dudu ai laa mee maanongi, ma de ngavesi o de hagatoo donu hagaheloongoi e haoli alodahi laa i goolo. Gai ono lodo iai de ssaa goolo e hhao ai laa denga manna, ma togo o Aaron ne matili age laa, aama luu dibaa hadu baabaa e sisi ai laa de hagatoo donu hagaheloongoi.

Luke 12:30

Gai denga huaahenua alodahi e hagadee saohia ange gi mee nei alodahi, gai doodou Damana e iloo donu e ia bolo goodou e duasala i mee nei.

Proverbs 9:5

“Loomai gaina agu gai, ma de unu agu uvaini gu hilo.

Psalm 78:24

gai ne hagamalili iho denga manna e gaimee ai gilaadeu, ma de gaavange gi gilaadeu denga grain mai i de langi.

Psalm 105:40

Gilaadeu ne dangidangi ange, gai ia ga gaamai denga quail, ma de hai gi boobosu gilaadeu i gai mai i de langi.