Exodus 16:14 - De Beebaa Dabu

¹⁴ Gai de masavaa huu ne mmasa ai ssuungia o taiao, gai dangada gu gidee hanu mee tea ma de malili gelegele bei dagodo o denga snow gu daakodo i honga de gelegele.

Exodus 16:14 Referans Kwoze

Psalm 105:40

Gilaadeu ne dangidangi ange, gai ia ga gaamai denga quail, ma de hai gi boobosu gilaadeu i gai mai i de langi.

Psalm 78:24

gai ne hagamalili iho denga manna e gaimee ai gilaadeu, ma de gaavange gi gilaadeu denga grain mai i de langi.

Nehemiah 9:15

Koe ne gaavange gi gilaadeu pelaoaa mai i de langi i delaadeu hiikai, ma vai mai i lo te hadu i delaadeu hieunu, gai koe ne hai ange gilaadeu gi hulo gi gaavee de henua aau gu hagatoo donu ange gi gilaadeu.

Deuteronomy 8:3

Gai ia ne hagamaolalo goodou i dana hai ga hiikai goodou, gai ga haangai adu goodou i denga manna, ni gai niiodou ma oodou dubuna madagidagi tee iloo i mua. Ia ne hai mee nei gi tonu ange ai goodou, bolo tangada e dee mouli donu huu i pelaoaa, aagai ia e mouli i muna alodahi e tala i de ngudu o Tagi Maolunga.

Psalm 147:16

Ia e gaamai denga snow tea bei huluhulu o denga ssiibi; gai e hagassii saele denga snow bei de mama.

Exodus 16:31

Gai de gau Israel ga hagaingoo ange de gai laa go de manna; de gai nei e tea bei de golee o de coriander, gai e mami bei de besgede iai hooni.