Exodus 15:7 - De Beebaa Dabu

⁷ Doo mahamaha laumalie gu hagadee kii gilaadeu e hai baasi adu gi de goe; koe gu haula gilaadeu i doo bole bei dagodo o denga lau grain mmasa.

Exodus 15:7 Referans Kwoze

Isaiah 5:24

Deenei ai, e bei de ahi ula e dudu ai laa denga helii mmasa gai denga helii mmasa e dudu ga odi i lo te ahi ula, gai olaadeu aga e hulo ga pobo; olaadeu huaala e ilihia e de madangi bei de mama o denga gelegele, go hiidinga gilaadeu gu tili de hainga a Tagi o denga hagabuulinga hebagi, ma de hagangadi mee muna a de Ia Dabu o Israel.

Malachi 4:1

“Gai tilo, e dae mai naa de laangi o de ahi ula, bei de ahi i lo te mommee dao mee. Gai de gau hagamaolunga ma dangada alodahi e haia de baubau, e dudu naa i de ahi, bei denga lau manu mmasa, go Tagi o denga hagabuulinga hebagi e hagadaba, gai e deai naa donu se aga aabe se laa daudahi e doe.

Isaiah 47:14

Tilo, gilaadeu e bei donu denga lau manu mmasa, e dudu laa ga odi i de ahi. Gilaadeu e dee maua i de hagaola gilaadeu mai i de ula o de ahi mmahi. De ahi nei e dee se maga ahi e hagamahanahana ai, gai e dee se ahi e noho tangada i ono gaogao.

Isaiah 37:29

Koe e kona donu doo lili i de au, gai au gu langona dagodo o doo hagamaolunga; deenei ai, au e hagalau naa doo usu i dahi maadau, ma de nnoa doo ngudu i dahi mee ga dagi ai goe, ga hagaahe i de haiava mau oou ne humai ai naa.

Isaiah 5:16

Aagai Tagi o denga hagabuulinga hebagi e hagaamua naa i hiidinga dana hagamodu i de heohi, gai de Maadua dabu e hagaago mai naa bolo ia e dabu i dono heohi.

Psalm 148:13

Mee nei alodahi gi duuhia de ingoo o Tagi Maolunga, i hiidinga go dono ingoo donu huu e heohi de hagaamua; dono mahamaha e maolunga ange i henua i lalo ma de langi.

Psalm 83:13

Dogu Maadua, ilihia saele gilaadeu bei denga helii, ma denga gili grain e gaavee gee laa i de madangi.

Deuteronomy 33:26

Jeshurun, e deai ange donu e bei dagodo o de Maadua, ia e lele mai laa lo te langi e bale adu goe, ma de humai laa lo te langi i dono mahamaha.

Acts 9:4

Gai ia gu doo iho gi honga de gelegele, gai ia gu langona dahi leo e hai ange gi de ia, “Saul, Saul, gu aha goe gu vaivai hai ai nei au?”

Matthew 3:12

Ia e poo de laagau nonu i dono lima, e hagamalaelae ai dana mommee hili huamanu, gai ga hagabudu ana grain e hhao gi lo te hale doange, aagai ga dudu denga gili i de ahi e dee maua laa i de diinei.”

Zechariah 14:8

De laangi laa gai de vai mouli e ssali mai naa i Jerusalem. Hanu e ssali ga hulo gi tai i baasi i dua, gai hanu e ssali ga hulo gi tai i baasi i dai, i de masavaa hagamahana ma de masavaa hagamagalili.

Zechariah 14:3

Gai Tagi Maolunga e hano naa ga hebagi ange gi denga huaahenua, bei de hai de hebagi i de laangi o taua.

Zechariah 2:8

Gai e hagadaba Tagi o denga hagabuulinga hebagi: Dua dana hai gi hano au i dono mahamaha gi denga huaahenua ne haia gi de mahi oodou mee — go hiidinga be goai e poo adu gi goodou e poo ange donu gi tama legalega eidu o dono ganomada —

Micah 4:11

Aagai iainei denga huaahenua soa gu hagabuni e hebagi adu gi de goe. Gilaadeu e hagataba, “Gidaadeu ga hai gi dee gilimalali de aduhale, gidaadeu ga tuhi gidaadeu i de maoha o Zion!”

Jeremiah 10:6

Tagi Maolunga, e deai donu e bei oo dagodo; go hiidinga koe e maolunga, gai doo ingoo iai de mmahi.

Isaiah 37:38

Dahi laangi, i de masavaa oona e daumaha ai i de hale o dono diinonga go Nisrok, gai luaana dama daane go Adrammelek ma Sharezer, ga daa ia gu magau i de gadilaasa; gai gilaau ga saavini ga hulo gi de henua go Ararat. Gai dana dama daane go Esarhaddon ga sui ia ga hodooligi ai.

Isaiah 37:36

Gai tangada de langi o Tagi Maolunga ne hano ga daa ga maakau e 185,000 daane, i de mommee nnoho gaainga o de gau Assyria. Gai ga oho age huu denga daane i taiao, gai gilaadeu gu gidee bolo de gau laa alodahi gu maakau.

Isaiah 37:23

Goai donu aau ne hagadogaa laa ma de hagangadi mee? Gai goai aau ne basa bole ange naa ma de hagamaolunga ange aagena? Koe gu hai baasi ange donu gi de Ia Dabu o Israel!

Isaiah 37:17

Tagi Maolunga, hagadaahuli ina mai luoo dalinga ma gi hagalaangona; Tagi Maolunga, huugea mai luoo mada ma gi diiloo; gai hagalaangona muna alodahi a Sennacherib, gu hagailoo mai e hagangadi mee ai de Maadua e mouli laa.

Psalm 68:33

go de ia e lele laa i lo te langi i lunga mai madagidagi loo; ma de hai gi langona dono leo mmahi.

Psalm 59:13

hagallilo ina gilaadeu i doo bole, hagallilo ina gilaadeu ga dae ai gi teai se gilaadeu e doe. Gai henua i lalo alodahi e iloo naa bolo go de Maadua e dagina Jacob. Selah

Exodus 9:16

Aagai au ne dugu goe gi mouli e hagaago adu ai gi de goe dogu sauaa mmahi, gi hagadeledele danuaa ai dogu ingoo i henua i lalo alodahi.

Hebrews 12:29

go hiidinga taadeu Maadua e bei de ahi ula e duungia mee alodahi.

Exodus 14:27

Deelaa ai, Moses ne haalo ange dono lima gi honga de vai, gai gu ahe ange ga bei ono dagodo i mua i de masavaa ne ao ai de mee. Gai denga daane hebagi o Egypt tee maua i de saavini e hulo gee ai. Gai Tagi Maolunga ne hagaabulu gilaadeu gi lo te vai.

Deuteronomy 4:24

Go hiidinga Tagi Maolunga doodou Maadua e bei de ahi ula e duungia mee alodahi, gai se Maadua maagoda.

Exodus 5:12

Deelaa ai, dangada ne hulo ga hagadaga i honga Egypt alodahi ga hagabudu ai denga bulubulu lau mmasa e doe e sui ai denga lau grain mmasa.

De Beebaa go Job 9:4

Dono heiangi e gelo, ono mmahi e mmahi mmao; goai gu maua i de hai baasi ange gi de ia ma gu kii?