Exodus 15:25 - De Beebaa Dabu

²⁵ Gai Moses ne dalodalo ange gi Tagi Maolunga, gai Tagi Maolunga ga hagaago ange gi de ia dahi bido laagau. Gai ia ga maga ange de laagau laa gi lo te vai, gai vai laa gu danuaa i de unu. Gai Tagi Maolunga ne gaavange gi gilaadeu mee gu hagasauaa ma de hainga i kilaa, gai ia ga hagatale dagodo o olaadeu lodo.

Exodus 15:25 Referans Kwoze

Deuteronomy 8:2

Gai goodou manadua de hai a Tagi Maolunga doodou Maadua ne dagi mai ai goodou i lodo henua, i denga ngadau e madahaa nei; ia ne hagamaolalo goodou ma de hagatale goodou e tilo ai dagodo o oodou lodo, be goodou e daohi ana muna gu tala adu gi goodou be deai.

Psalm 66:10

De Maadua, koe gu hagatale ange omaadeu dagodo; koe gu hagagilimalali gimaadeu bei de hagagilimalali o denga selevaa i de ahi.

Judges 3:1

Aanei denga huaahenua a Tagi Maolunga ne dugu e hagatale ai dagodo o de gau Israel, go gilaadeu tee adamaia age denga hebagi ne hai i Canaan

Judges 3:4

De gau nei ne dugu e hagatale ange ai dagodo o de gau Israel, be gilaadeu e daudali i muna a Tagi Maolunga gu tala ange gi olaadeu dubuna madagidagi i daho Moses.

Judges 2:22

Gai au ga hagatale ange ai dagodo o de gau Israel, e tilo ai be gilaadeu e kana ange e daudali i lodo o Tagi Maolunga, bei hegau a olaadeu dubuna madagidagi aabe deai.”

Deuteronomy 8:16

Ia ne haangai goodou i denga manna i lodo henua, ni mee niiodou dubuna madagidagi tee iloo, gai ia ga hagamaolalo ai goodou ma de hagatale ai dagodo o oodou lodo, gi danuaa adu ai gi goodou i muli mai.

Exodus 16:4

Gai Tagi Maolunga ga hai ange gi Moses, “Au e hagamalili iho naa i de langi oodou gai e gaimee ai. Gai dangada alodahi gi hulo gi hagabudulia alaadeu mee e gaimee ai i dahi laangi. Au se hai mee nei e hagatale ai gilaadeu, e tilo ai be gilaadeu e daudali i agu hainga be deai.

2 Kings 2:21

Gai ia ga hano iho gi de mommee iai de vai ga maga ange soolo laa gi lo te vai, ga hai ange, “E hagadaba Tagi Maolunga, ‘Au gu hai vai nei gi danuaa. Gai gu dee ahe ange naa donu e hai gi maakau dangada aabe hai gi dee ssomo denga manu.’ ”

1 Corinthians 1:18

Gai agoago o de laagau lui e dagodo bei muna a tangada lodo senga ange gi gilaadeu e maakau, aagai go ssauaa donu o de Maadua mai gi gidaadeu gu hagamouli laa.

Jeremiah 9:7

Deelaa ai, e hagadaba Tagi o denga hagabuulinga hebagi: “Tilo, au e hagagilimalali naa ma de hagatale ange olaadeu dagodo, gai ni aha ange naa aagu e hai, i hiidinga o haisala o ogu dangada?

Proverbs 17:3

De anibada se mee ange gi denga selevaa, gai de ahi mmahi se mee ange gi denga goolo, aagai Tagi Maolunga e hagatale dagodo lodo o tangada.

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

2 Kings 4:41

Gai Elisha ga hai ange, “Gaamai hanu pelaoaa lligi.” Gai ia ga maga ange gi lo te anibada laa ga hagadaba, “Daaia ange e gaimee ai dangada.” Gai gu deai donu mee hagammau i lo te suba laa.

Exodus 14:10

Gai ga paa adu huu Pharaoh, gai de gau Israel gu gidee e gilaadeu bolo de gau Egypt gu doolohi adu gilaadeu, gai gilaadeu gu maatagu mmao, gai gilaadeu ga tangi ange gi Tagi Maolunga.

Psalm 99:6

Moses ma Aaron ni dangada haimeedabu hogi niiona, Samuel se dangada hogi e dalodalo ange gi de ia. Gilaadeu nei ne dalodalo ange gi Tagi Maolunga, gai ia ne basa ange gi alaadeu dalodalo.

Psalm 81:7

Koe ne hagahi mai au i doo duasala, gai au ne hagaola goe; au ne basa adu gi de goe mai i lo te hagausinga o de hatuli, gai au ne hagatale oo dagodo i de vai go Meribah. Selah

Deuteronomy 13:3

gai goodou e dee hagallongo muna a de pelaabisi laa, aabe go tangada e haia midi bee nei. Go hiidinga Tagi Maolunga doodou Maadua e lodo e hagatale goodou, e tilo ai be goodou e aaloha abodonu i Tagi Maolunga doodou Maadua, i oodou lodo alodahi aama oodou hagasaalunga alodahi.

Exodus 17:4

Gai Moses ga dangidangi ange gi Tagi Maolunga, ga hai ange, “Dee hee dagu hai e hai ai dangada nei? E momo ange donu huu gilaadeu gu maga ngau i denga hadu.”

Jeremiah 15:1

Gai Tagi Maolunga ne hai mai gi de au, “E dee galemu naa donu de tuu o Moses ma Samuel i ogu mada i mua, gai au e dee anga ange naa donu gi de huaadangada nei. Haia gilaadeu gi hulo gee mai i ogu daha! Gilaadeu gi hulo donu!

Exodus 20:20

Gai Moses ga hai ange gi dangada, “Goodou aude maatagu, go hiidinga de Maadua gu humai e hagatale goodou e tilo ai dagodo o oodou lodo, gai gi dagodo ai de madagu o de Maadua i oodou lodo, gi dee haisala ai goodou.”

2 Kings 6:6

Gai taane o de Maadua ga ssili ange, “Go hee ne doo ai laa?” Gai ia ga hagaago ange de mommee ne doo ai, gai Elisha ga tuu dahi laagau, ga maga gi lo te vai, ga hai de mada daguu baalanga laa gi llanga age.

Ezekiel 47:7

Gai de masavaa oogu ne ahe ai gi gabugabu o de vai laa, gai au gu gidee denga manu ssomo lagolago mmao e ssomo i luu baasi de vai laa.

Ezekiel 47:8

Gai ia ne hai mai gi de au, “De vai nei e sali ma e hano gi baasi i dua, gai e hano iho hogi gi Arabah, go kilaa e duu ange ai gi Tai Magau. Gai de masavaa naa huu e ulu ange ai ono vai gi lo te Dai Magau, gai vai soolo i kilaa gu sui ga ni vai danuaa.