Exodus 15:24 - De Beebaa Dabu

²⁴ Gai dangada ga nnanu i Moses, ga ssili ange, “Ni aha naa donu amaadeu e unu?”

Exodus 15:24 Referans Kwoze

Exodus 16:2

Gai de hagabuulingaa dangada o Israel ga nnanu i Moses ma Aaron i de vao,

Exodus 14:11

Gai gilaadeu ga hai ange gi Moses, “E aha, teai laa donu mommee e danu ai dangada i Egypt, gai koe ga gaamai ai nei gimaadeu gi maakau i de vao? Se aha aau ne hai mai nei gi gimaadeu, i dau hagassao mai gimaadeu i Egypt?

Jude 1:16

De gau bee nei ni dangada e nnanu, ma de hagabaubau dangada; gilaadeu e hai hegau donu i olaadeu lodo haisala, gilaadeu e tuhi donu huu gilaadeu, aama de hagasegesege ange dangada gi maua ai olaadeu mee e llodo ai.

Philippians 2:14

Goodou haia mee alodahi i tee nnanu aabe go de hagadaumee,

1 Corinthians 10:10

Aude nanu, bei dagodo o hanu gilaadeu, gai gilaadeu ne daia ga maakau e tangada de langi o de magau.

Matthew 6:25

“Deenei ai, au e hai adu gi goodou, goodou aude manavasaa i oodou mouli, ma oodou mee e gai, be go oodou mee e unu, aabe gi manavasaa i oodou angaanga, ma oodou mee e kahu ai. E aha, e dee hagamogomogo ange de mouli o tangada i denga gai, gai de angaanga e hagamogomogo ange i malo e kahu ai?

Numbers 21:5

Gai gilaadeu ga hagadaumee ange gi de Maadua ma Moses, ga hai ange, “Gu aha gooluu gu gaamai ai nei gimaadeu i Egypt e daa gi maakau i de vao nei? E deai donu gai be ni vai i kinei! Gimaadeu gu kino gee donu i de gai denga gai baubau nei!”

Numbers 17:10

Gai Tagi Maolunga ga hai ange gi Moses, “Hagaahea togo o Aaron dugua i ma te ngavesi o de tala hagadonu, e hai ai dahi hagailonga ange gi gilaadeu e hai baasi mai gi de au. De mee nei e hai gi dee aahe ange gilaadeu gi nnanu i de au, gi dee maakau ai gilaadeu.”

Numbers 16:41

De laangi i dua mee nei, gai de hagabuulingaa dangada alodahi o Israel ne nnanu i Moses ma Aaron, ga hai ange, “Gooluu gu daa ma gu maakau dangada o Tagi Maolunga.”

Numbers 16:11

Deenei ai, go Tagi Maolunga donu oodou e hai baasi ange naa aagena. Gai goai go Aaron, gai goodou ga hai baasi ange ai naa gi de ia?”

Exodus 5:21

Gai gilaadeu ne hai ange gi gilaau, “Tagi Maolunga gi hagaduasala ina gooluu, go hiidinga gooluu gu hai gi kino Pharaoh ma ono dangada hai hegau i gimaadeu, gai e bei donu gooluu gu gaavange dahi gadilaasa gi gilaadeu gi daia ai gimaadeu gi maakau.”

Numbers 14:22

bolo e deai naa donu se dangada i magavaa o dangada ne gidee laa dogu mahamaha, ma agu hegau sauaa ne hai i Egypt ma de vao, aagai gilaadeu ne hagatale au i denga hanonga e madaangahulu nei, aama tee daudali i agu muna —

Psalm 106:13

Aagai ne moolau delaadeu ngalo ana hegau; gilaadeu tee tali gi iloo e gilaadeu ana hagatau.