Exodus 15:11 - De Beebaa Dabu

¹¹ Tagi Maolunga, goai e bei oo dagodo i magavaa o denga diinonga? Goai e bei oo dagodo i de mahamaha gai e dabu? Au hegau e hagamaatagu, gai au sauaa e hagalele mouli!

Exodus 15:11 Referans Kwoze

1 Kings 8:23

ga hai ange: “Tagi Maolunga, de Maadua o Israel, e deai ange donu se Maadua i de langi i lunga, aabe go honga henua i lalo e bei oo dagodo. Koe e daohi de hagatoo donu hagaheloongoi o doo aloha ange gi oo dangada hai hegau e seesee i mada luoo mada i de muna abodonu i olaadeu lodo alodahi;

1 Samuel 2:2

E deai ange donu se dangada e dabu bei Tagi Maolunga, e deai ange donu e bei oo dagodo; e deai ange donu se baba e bei taadeu Maadua.

2 Samuel 7:22

De Ia Aamua go Iahweh, koe e maolunga mmao. Gai e deai ange donu e bei oo dagodo, e deai ange hogi se Maadua go koe donu huu, bei demaadeu hai gu langona ai laa.

Revelation 4:8

Denga mee mouli alodahi e haa laa e dagiono olaadeu bakau, gai olaadeu dua ma lalo olaadeu bakau e dohu i denga ganomada. Gai denga laangi ma boo alodahi gai gilaadeu e dee helui donu de hagataba, “E dabu, e dabu, e dabu Tagi Maolunga, de Maadua Mmahi Mmao laa, go de ia gu noho laa i taamada age, gai e noho iainei, gai e humai naa!”

Isaiah 6:3

Gai gilaadeu e hagadau pasa ma e hagataba, “E dabu, e dabu, e dabu Tagi o denga hagabuulinga hebagi, henua i lalo alodahi gu honu i dono mahamaha.”

Deuteronomy 3:24

“Dogu Ia Aamua go Iahweh, koe gu daamada de hagaago mai gi de au, doo dangada hai hegau, dagodo o doo maolunga aama doo mmahi; go hiidinga e deai ange donu se maadua i de langi, aabe go henua i lalo, e maua i de hai hegau hagalele mouli aau gu hai.

Psalm 86:8

Dogu Ia Aamua, e deai ange donu i magavaa o denga maadua e bei oo dagodo, e deai ange hogi hegau e bei dagodo o au hegau.

Psalm 77:14

Go koe de Maadua e haia hegau hagalele mouli, gai gu hagaago ange gi denga huaahenua doo mmahi.

Revelation 15:4

Tagi Maolunga, goai e dee madagu ma tee hagamahamaha ina doo ingoo? Go koe donu huu e dabu. Denga huaahenua alodahi e loomai naa ga daumaha adu gi de goe, go hiidinga koe gu hagaago mai au hagamodu heohi.”

Isaiah 40:25

“Gai goai oodou e hagahedae ange au aagena? Aabe goai e bei ogu dagodo?” go de Ia Dabu e hagadaba.

Deuteronomy 33:26

Jeshurun, e deai ange donu e bei dagodo o de Maadua, ia e lele mai laa lo te langi e bale adu goe, ma de humai laa lo te langi i dono mahamaha.

Psalm 77:19

Doo haiava e hano laa lo te lausedi, gai e hano laa magavaa o denga moana nnui; gai duulanga o oo dabuvae e dee gi gidee donu.

Isaiah 40:18

Gai goai oodou e hagahedae ange de Maadua aagena? Gai goai oodou e hagadulagi ange ia aagena?

Psalm 35:10

Au e hagadaba naa i ogu lodo alodahi, “Tagi Maolunga, goai e bei oo dagodo? Koe e hagaola tangada hagaau aloha mai i tangada e mmahi ange i de ia, gai tangada hagaau aloha ma de duasala i gilaadeu e gaiaadia alaadeu mee.”

Exodus 8:10

Gai Pharaoh ga hai ange, “Go daiao.” Gai Moses ga hai ange, “E hai naa donu gi bei au muna, gi iloo ai e goe bolo e deai ange donu e bei dagodo o Iahweh demaadeu Maadua.

Psalm 66:5

Loomai diiloo mee a de Maadua gu hai: ana hegau i daho dangada e hagamaatagu mmao.

Jeremiah 49:19

Tilo, au e bei de laiono i lodo mee muimui i Jordan e humai laa e hai baasi ange gi de mommee iai helii lau kohu; gai e moolau naa donu dagu doolohi ia ga hai gi hano gee i dono henua. Gai au ga hili tangada oogu e malangilangi ai gi de hegau nei. Goai e bei ogu dagodo? Gai goai e maua i de hai baasi mai gi de au? Gai goai tangada hagaloosi e maua i de hebagi mai gi de au?

Isaiah 57:15

E hagadaba de Ia Maolunga Mmao go de Ia Aamua — go de ia e mouli ga hano ai, gai dono ingoo e dabu: “Au e noho i de mommee maolunga ma de dabu, aagai au e noho hogi i daho tangada e dahuli ono lodo ma de lodo maolalo, gai au ga hagamouli de hagasaalunga o tangada lodo maolalo aama de hagammahi lodo o dangada gu daahuli olaadeu lodo.

Psalm 145:17

Tagi Maolunga e heohi ono haiava alodahi, gai e abodonu i hegau alodahi aana e hai.

Jeremiah 10:16

Gai e dee aanei dagodo o de ia e hagabinga laa go Tuuhanga o Jacob; go hiidinga go ia ne haia mee alodahi, gai ia hogi ne haia Israel, de aamuli o dono boolonga; dono ingoo go Iahweh o denga hagabuulinga hebagi.

Psalm 119:120

Dogu angaanga gu bolebole i dogu madagu i de goe, gai au e madagu i au hagamodu.

Luke 12:5

Aagai au e tala adu be goai e heohi doodou maatagu ai: goodou maatagu i de ia e maua i de daa gi maakau, gai muli mai e dahi ono sauaa e tili ange ai goodou gi lo te ahi. Au e hai adu gi goodou: goodou maatagu i de ia!

Psalm 90:11

Goai e donu ange gi mahi o doo lili? Gai doo lili e laumalie mmao bei de madagu i de goe.

Leviticus 19:2

“Basa ange gi de hagabuulingaa dangada o Israel, hai ange: ‘Goodou gi dabu, go hiidinga au e dabu, go au go Iahweh doodou Maadua.

Isaiah 30:11

Goodou hulo gee i de haiava nei, daa gee i de haiava nei, goodou aude daalaa mai muna a de Ia Dabu o Israel!”

Psalm 89:18

Tagi Maolunga, go koe demaadeu ia buibui, gai go de Ia Dabu o Israel ne gaamai demaadeu hodooligi.

Revelation 13:4

Gai dangada ga daumaha ange gi de dragon i hiidinga de dragon gu gaavange dono sauaa gi de manu alasala laa, gai dangada e daumaha ange gi de manu laa, ga hagataba, “Goai e bei dagodo o de manu alasala laa? Gai goai e maua i de hebagi ange gi de manu laa?”

Exodus 3:20

Deelaa ai, au e hagaduasala naa Egypt i denga sauaa alodahi aagu e hai i honga de henua, gai dua naa huu mee nei, gai de hodooligi ga dugu goodou gi hulo.

Exodus 9:14

Go hiidinga de hanonga nei gai au e gaamai naa denga mee hagamaakau e hagaduasala ai goe, ma oo dangada hai hegau, aama doo huaadangada alodahi, gi iloo ai e goe bolo e deai ange donu e bei ogu dagodo i henua i lalo alodahi.

Exodus 18:11

Iainei au gu donu bolo Tagi Maolunga e maolunga ange i denga maadua ange laa alodahi, gai ia ne hai de mee nei i daho de gau Egypt, i hiidinga delaadeu hagamaolunga i de gau Israel.”

Exodus 20:3

Aude haia hanu diinonga gee gi maolunga ange i de au.

2 Chronicles 2:5

Gai de hale aagu e hagaduu age se hale laumalie, go hiidinga demaadeu Maadua e maolunga ange i denga diinonga alodahi.

2 Chronicles 6:14

ga hai ange: “Tagi Maolunga, de Maadua o Israel, e deai ange donu se Maadua i de langi i lunga aabe honga henua i lalo e bei oo dagodo. Koe e daohi de hagatoo donu hagaheloongoi o doo aloha ange gi oo dangada hai hegau e seesee i mada luoo mada i de muna abodonu i olaadeu lodo alodahi;

Psalm 22:23

Goodou e maatagu i Tagi Maolunga, duuhia ia! Goodou denga hagadiilinga o Jacob, hagadubu ina ia! Denga aamuli o Israel alodahi, goodou hagadubu ina ia!

Psalm 113:5

Gai goai e bei dagodo o Tagi Maolunga taadeu Maadua; go de ia e noho i dono nohoanga maolunga,

Psalm 136:4

Go ia donu huu e haia denga hegau hagalele mouli, Dono abodonu e dagodo ga hano ai.

Micah 7:18

De Maadua, goai e bei oo dagodo, i dau hagangalo baubau aama de degi ange gi haisala o dangada o doo boolonga e doe? Koe e dee golo age doo lili ga hano ai, gai e malangilangi i de hagaago mai doo lodo aloha.

Exodus 8:6

Gai Aaron ga poo dono dogo ga haalo ange gi honga denga vai o Egypt; gai denga kailu gu loage ga hhao honga de henua alodahi go Egypt.

Deuteronomy 1:30

Tagi Maolunga doodou Maadua e hano i oodou mada i mua, gai go ia donu e hebagi ange gi gilaadeu, bei dana hai ne hebagi ange ai gi Egypt i oodou hiidinga, bei doodou hai ne gidee ai laa.

Deuteronomy 4:34

Gai gu dahi laa maadua ne hagataalea de kave dahi huaadangada mai i dahi huaahenua e hai ai ono dangada, i denga hagaduasala, ma hagailonga, ma mee hagalele mouli, ma de hebagi, i dono lima sauaa mmahi, aama denga hegau hagamaatagu, bei hegau a Tagi Maolunga doodou Maadua ne hai adu gi goodou i Egypt, bei doodou hai gu gidee ai laa?

1 Chronicles 16:25

Tagi Maolunga e maolunga mmao, gai e heohi taadeu tuhi ia; gai gi kii ange taadeu maatagu i de ia i denga maadua alodahi.

Psalm 60:2

Koe ne hagangalungalue de henua ga hai gu mahangahanga; hagaahea age ono mommee gu maoha laa, i hiidinga gu dai baakuu.

Psalm 77:11

Au e hagamaanadu hegau a Tagi Maolunga; au e maanadu au hegau hagalele mouli madagidagi loo.

Psalm 86:10

I hiidinga koe e maolunga mmao gai e hai hegau hagalele mouli, go koe donu huu de Maadua abodonu.

Isaiah 46:9

Manadua mee ne hai madagidagi; go au donu de Maadua, e deai ange donu; go au donu de Maadua, e deai ange donu e bei ogu dagodo.