Exodus 14:30 - De Beebaa Dabu

³⁰ De laangi laa gai Tagi Maolunga ne hagaola de gau Israel mai i de gau Egypt. Gai de gau Israel ne gidee e gilaadeu angaanga maakau o de gau Egypt i honga de gelegele o de vai laa.

Exodus 14:30 Referans Kwoze

Psalm 106:10

Gai ia ne hagaola gilaadeu mai i olaadeu hagadaumee, ma de hagaola gilaadeu mai i olaadeu hagadaumee mmahi.

Psalm 106:8

Aagai ia ne hagaola gilaadeu i hiidinga o dono ingoo, gai ia ga hagaago mai ai dono sauaa mmahi.

Jude 1:5

Goodou gu iloo donu mee nei, gai au e lodo e hagamaanadu adu bolo Tagi Maolunga ne hagaola ono dangada ga hagassao mai i Egypt, muli mai gai ia ne daa ga maakau gilaadeu tee hagadonusia laa.

Psalm 58:10

Tangada heohi e malangilangi naa i dana gide de hagaduasala o de gau baubau; gai ia e hhui naa luoono vae i olaadeu dodo.

Psalm 59:10

Dogu Maadua e hedae mai naa gi de au i hiidinga dono abodonu; ia e hai naa gi gidee e au de hagadee kii o ogu hagadaumee.

1 Samuel 14:23

De laangi laa gai Tagi Maolunga ne hagaola de gau Israel; gai de hebagi ne hano loo ga ui i Beth Aven.

Exodus 14:13

Gai Moses ga hai ange gi de huaadangada, “Goodou aude maatagu! Gai goodou tuu i gaogao de vai ga tilo ai de hai a Tagi Maolunga e hagaola ai goodou ailaa nei. Gai goodou e dee aahe ange naa donu ga gidee de gau Egypt oodou e gide nei anailaa nei.

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Psalm 91:8

Koe e galo ange naa donu huu ga tilo de hagaduasala o de gau baubau.

2 Chronicles 32:22

Gai Tagi Maolunga ne hagaola Hezekiah ma dangada o Jerusalem, mai i de hodooligi o Assyria go Sennacherib, ma mai i denga hagadaumee alodahi, gai ia ne hai gilaadeu gi nnoho paba.

Deuteronomy 4:34

Gai gu dahi laa maadua ne hagataalea de kave dahi huaadangada mai i dahi huaahenua e hai ai ono dangada, i denga hagaduasala, ma hagailonga, ma mee hagalele mouli, ma de hebagi, i dono lima sauaa mmahi, aama denga hegau hagamaatagu, bei hegau a Tagi Maolunga doodou Maadua ne hai adu gi goodou i Egypt, bei doodou hai gu gidee ai laa?

1 Samuel 11:13

Aagai a Saul ga hai ange, “E deai donu se dangada daudahi e daa gi magau ailaa nei, i hiidinga Tagi Maolunga gu hagaola Israel anailaa nei.”

Isaiah 63:8

Gai ia ne hagadaba, “Ni muna abodonu, gilaadeu go ogu dangada donu, gai ni dama e dee hai hegau i de hagasenga;” gai ia gu hai ai delaadeu Ia Hagaola.

Isaiah 63:11

Gai ono dangada e manadua naa denga masavaa madagidagi go laangi o Moses ma ono dangada — i hee iai de ia ne dagina mai gilaadeu laa lo te vai, madali de gau hagaloosi o dana hagabuulingaa ssiibi? Gai i hee iai de ia ne dugua ange dono Hagasaalunga Dabu gi olaadeu magavaa,

Judges 10:11

Gai Tagi Maolunga ga hai ange gi de gau Israel, “E dee go au ne hagaola ina goodou mai i de gau Egypt, ma de gau Amor, ma de gau Ammon, aama de gau Philistia?

Hosea 1:7

Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”