Exodus 14:25 - De Beebaa Dabu

²⁵ Gai ia ne hai gi llave hagasii o denga hada hebagi gi lo te gelegele gi dee maua ai gi ngalungalue, gai gu dee maua i de saavini. Deelaa ai, denga daane o Egypt ne hagataba, “Gidaadeu ga saavini e hulo gee mai i de gau Israel; go hiidinga Tagi Maolunga e sui naa gilaadeu e hebagi mai ai gi gidaadeu.”

Exodus 14:25 Referans Kwoze

Exodus 14:14

Gai goodou nnoho donu huu ma gi dee mmuu, gai Tagi Maolunga ga sui goodou e hebagi ai.”

Jeremiah 51:21

go koe e balea mai au e daa de hoosa ma tangada e gage ai; go koe e balea mai au e oha ai de hada hebagi ma tangada e savini ai;

De Beebaa go Job 20:24

Gai ga ola mai naa donu ia i de goloa hebagi e hai i iron, gai dahi dao bronze e velo naa ia.

Deuteronomy 3:22

Goodou gi dee maatagu i gilaadeu, i hiidinga go Tagi Maolunga doodou Maadua e hebagi e sui ai goodou.”

Amos 9:1

Au ne gidee de Ia Aamua e duu i gaogao de mommee o ssigidaumaha, gai ia ne hagadaba, “Hagailiilihia de ulu o denga duludulu gi ngalungalue ai de hale alodahi, ma de maoha iho gi honga biho o dangada alodahi. Gai dangada e doe gai au e daa naa gi maakau i de gadilaasa; e deai donu se gilaadeu e maua i de savini e hano; e deai donu se gilaadeu e hagaola.

Amos 5:19

Gai e bei naa dagodo o tangada e savini laa e hano gee i de laiono, gai ia gu hedae ange gi dahi bea; ia e ulu naa i dono hale ga hannagi ange gi de baasi de hale, gai dahi labodo ga kadi ia.

Psalm 76:6

De Maadua o Jacob, doo bole gu daa de hoosa ma tangada e gage ai.

Psalm 68:12

“Denga hodooligi ma olaadeu hagabuulinga hebagi gu saavini ma gu hulo gee; denga haahine i mommee nnoho gaainga gu duha goloa ne maua i de hebagi,

Psalm 46:9

Ia e hai naa gi deai hebagi i henua i lalo alodahi; ia e hadihadi de mee hholu ma ono dao, ia e dudu denga hada hebagi i de ahi!

De Beebaa go Job 27:22

De madangi e dau naa i de ia, gai e dee abodonu ange donu, gai ia e savini naa ga hano gee i de madangi mmahi.

De Beebaa go Job 11:20

Aagai de gau baubau e dee gidee de mee heohi; gai gilaadeu e dee maua gi ola. Delaadeu tali e bei naa alaadeu manava hagaodi.”

Amos 1:14

Au e haula naa dahi ahi i lo te buibui o Rabbah, e dudu ai gi deai ono mommee buibui makaga, gai dangada e hevaalogi naa i de laangi o de hebagi, madali de madangi mmahi i de laangi e ssau ai de madangi.

Judges 4:15

Gai de masavaa a Barak ne daamada ai de hebagi, gai Tagi Maolunga ga hai gu ssenga ange Sisera ma ono hada hebagi, ma dono hagabuulinga hebagi; gai Sisera ne iho mai i dono hada hebagi ga savini ga hano.

Exodus 14:4

Gai au e hagamakaga naa lodo o Pharaoh, gi dolohia mai ai e ia gilaadeu. Aagai dangada e hagamahamaha ai naa au, i hiidinga o mee aagu ne hai ange gi Pharaoh ma dono hagabuulinga hebagi, gi iloo ai de gau Egypt bolo go au donu go Iahweh.” Gai de gau Israel ne hagasula de mee nei.

Exodus 14:18

Gai de gau Egypt e iloo bolo go au donu go Iahweh, i de masavaa aagu e hagamahamaha ai au i dagu hagadee kii i Pharaoh, ma ono hada hebagi, aama ono daane e kage i denga hoosa.”

Deuteronomy 32:31

Delaadeu baba e dee bei taadeu Baba, odaadeu hagadaumee e hagasaele hogi bei gidaadeu.

Nehemiah 6:16

Gai ga langona huu e omaadeu hagadaumee alodahi mee nei, gai denga huaahenua alodahi i luoomaadeu baasi gu maatagu, ma de dookaa; gilaadeu gu tonu iho bolo de hegau nei gu sula, i hiidinga de bale a demaadeu Maadua.

Exodus 15:3

Tagi Maolunga se daane dau i de hebagi, gai dono ingoo go Iahweh.

Deuteronomy 1:30

Tagi Maolunga doodou Maadua e hano i oodou mada i mua, gai go ia donu e hebagi ange gi gilaadeu, bei dana hai ne hebagi ange ai gi Egypt i oodou hiidinga, bei doodou hai ne gidee ai laa.

Joshua 10:14

Gai tigi ai ange donu se laangi bee nei i mua ga dae mai ai gi iainei, go de laangi a Tagi Maolunga ne hagallongo ange ai dahi dangada. Go hiidinga Tagi Maolunga ne hebagi i hiidinga o de gau Israel.

2 Chronicles 20:29

Gai dangada i denga nohoanga hodooligi o denga huaahenua alodahi gu maatagu i de Maadua, i de masavaa alaadeu ne langona ai bolo Tagi Maolunga ne hebagi ange gi denga hagadaumee o de gau Israel.

Nehemiah 4:14

Gai dua huu dagu tilo dagodo o mee nei, gai au ga hidi age ga hai ange gi de gau aamua, ma denga dagi aama dangada ange laa, “Goodou aude maatagu i gilaadeu. Gai goodou manadua de Ia Aamua maolunga ma de hagamaatagu, gai goodou hebagi i hiidinga oodou daina daane, ma oodou dama daane, ma damaa hine, ma oodou bodu aama oodou hale.”

Nehemiah 9:11

Koe ne vvae de vai i olaadeu mada i mua, gai gilaadeu ga hulo laa lo te vai i honga de gelegele mmasa; aagai koe ne maga dangada ne dolohia gilaadeu gi lodo mommee gelo, bei dagodo o de hadu i lo te dai mmahi.

Psalm 35:1

Tagi Maolunga, hai baasi ange gi gilaadeu e hai baasi mai gi de au; ma de hebagi ange gi gilaadeu e hebagi mai gi de au.

Isaiah 31:4

Gai Tagi Maolunga ne hai mai gi de au, “De laiono e hagangolo, go de laiono mmahi gu maua laa ana gai — gai ga hagahi mai naa donu hanu hagabuulingaa hagaloosi ssiibi gi hebagi ange gi de laiono laa, gai ia e dee madagu donu i delaadeu hevaalogi aabe e anga ange gi delaadeu hagalongaa; gai e bei ai hogi de hano iho o Tagi o denga hagabuulinga hebagi i honga de mounga go Zion ma ono mommee maolunga.