Exodus 14:22 - De Beebaa Dabu

²² gai de gau Israel ga seesee laa lo te vai laa, i honga de gelegele mmasa, gai denga vai gu tuu age gi lunga i de baasi madau ma de baasi masui.

Exodus 14:22 Referans Kwoze

Hebrews 11:29

De gai o de gau Israel ne haia ga maua e gilaadeu i de seesee laa lo te Dai Mmea, bei delaadeu seesee i honga de gelegele mmasa. Aagai de masavaa huu o denga daane hebagi o Egypt ne hagatale ai de hulo laa lo te vai laa, gai gilaadeu gu odi i de maalemo.

Psalm 66:6

Ia ne hai gi masa tai bei de uda henua; gai gilaadeu ne seesee ga hulo laa lo te vai. Gimaadeu ne malangilangi i kilaa i de ia

Psalm 78:13

Ia ne hhanga lua de vai gai gilaadeu ga seesee i ono lodo, gai ia ne hai denga vai gi hagabudubudu gi tuu gi lunga.

Exodus 15:19

De masavaa o denga hoosa a Pharaoh ma hada hebagi aama denga daane e saavini ai ne loiho gi lo te vai, gai Tagi Maolunga ga hagaahe mai denga vai ga haoli ai gilaadeu. Gai de gau Israel ne seesee ga hulo i honga de gelegele mmasa i lo te ungaalodo o de vai.

Exodus 14:29

Aagai de gau Israel ne seesee i honga de gelegele mmasa i lo te ungaalodo o de vai; gai denga vai gu budubudu age gi lunga i de baasi madau aama de baasi masui.

1 Corinthians 10:1

Denga daina, au e lodo goodou gi tonu ange bolo odaadeu dubuna madagidagi ne nnoho i lalo dahi hagausinga, gai gilaadeu alodahi ne hulo ga tae gi de baasi laa de vai;

Isaiah 63:13

Ia ne dagi gilaadeu laa lo te vai gelo. Gilaadeu e bei dagodo o de hoosa lodo henua, gilaadeu tee baakuu donu.

Nehemiah 9:11

Koe ne vvae de vai i olaadeu mada i mua, gai gilaadeu ga hulo laa lo te vai i honga de gelegele mmasa; aagai koe ne maga dangada ne dolohia gilaadeu gi lodo mommee gelo, bei dagodo o de hadu i lo te dai mmahi.

Exodus 15:8

Koe ne busi i luoo bongaa usu gai denga vai gu hagabudubudu age. Denga vai ne tuu gi lunga bei dagodo o de bae hadu, gai vai i lo te vai gelo laa gu makaga.

Numbers 33:8

Gilaadeu ne daga mai hogi i Hahiroth, ga hulo laa lo te dai Mmea ga hulo ai gi de vao; gai dua e dolu laangi gai gilaadeu gu tae gi de vao o Etham, gai gilaadeu ga nnoho gaainga i Marah.

Zechariah 2:5

Gai Tagi Maolunga e hagadaba: Au e hai naa ga bei de ahi e duuli ina luu baasi o Jerusalem, gai go de mahamaha i ono lodo.’ ”

Joshua 3:17

Gai de gau haimeedabu e sabaia laa de ngavesi o de hagatoo donu hagaheloongoi a Tagi Maolunga ne tuu i lo te ungaalodo o Jordan, i de masavaa o de gau Israel ne seesee ai, laa honga de gelegele masa, ga dae ai gi de odi de huaahenua gi de baasi laa o Jordan.

Joshua 4:22

gai goodou daalaa ange ga hai ange, ‘Israel ne seesee mai laa lo te saalingaa vai go Jordan i honga de gelegele mmasa.’

1 Samuel 25:16

Gai gilaadeu ne hagaloosi mai gimaadeu i de laangi ma de boo, i taulooloa demaadeu nnoho ga hagaloosi ange denga ssiibi i olaadeu gaogao.

2 Kings 2:8

Gai Elijah ne hagaui dono malo laa daha ga hagaili ai honga de vai. Gai vai laa gu vvae lua, hanu gu hulo gi de madau, gai hanu gi de masui, gai gilaau ga seesee laa lo te mommee masa laa ga hulo ai gi de baasi gee.

Psalm 74:15

Go koe ne huugea denga vai ma saalingaa vai; koe ne hai gi maamasa denga saalingaa vai mmahi.

Psalm 136:14

gai ne hai Israel gi seesee i lo te dai laa, Dono abodonu e dagodo ga hano ai.

Isaiah 43:16

E hagadaba Tagi Maolunga, go de ia ne haia dahi haiava i lo te tai, ma de haiava i lodo vai mmilo,

Isaiah 63:12

gai go de ia ne hagahai hegau ina dono lima sauaa i daho Moses, ma de vvae lua de vai i olaadeu mada i mua, ga hagamaolunga ai dono ingoo ga hano ai?

Joshua 3:16

gai vai e loiho laa i lunga gu tuu de ssali iho, gai gu hagabudubudu age i dahi mommee mmao, i de aduhale go Adam, se damaa aduhale e baa ange gi Zarethan. Gai vai e loiho laa ma e hulo gi Tai o Arabah (e bei, go Tai o Soolo) gu modu gee. Gai de huaadangada ne seesee ga hulo gi de baasi gee i gaogao o Jericho.

2 Kings 2:14

Gai ia ga hai de malo laa daha ne doo iho laa i daho Elijah, ga hagaili ai honga de vai, ga hagadaba, “I hee iai Iahweh, de Maadua o Elijah?” Gai de masavaa huu aana ne hagaili ai honga de vai, gai denga vai laa gu vvae lua; hanu ne hulo gi de madau gai hanu gi de masui, gai ia ga seesee ga hano gi de baasi laa.

Psalm 106:9

Ia ne hagasee Tai Mmea, gai gu hai ga se gelegele mmasa; ia ne dagi gilaadeu laa lo te vai, gu masa bei uda henua.

Psalm 136:13

go de ia ne vaaea lua Tai Mmea, Dono abodonu e dagodo ga hano ai.

Isaiah 11:15

Gai Tagi Maolunga e hai naa gi masa vai i lo te mada loolodo o Egypt. Ia e haalo naa dono lima ga hai gi humai de madangi hagavvela gi honga ssaalingaa vai go Euphrates. Ia e hagaili naa honga de vai laa ga hai ai e hidu saalingaa vai vaaligiligi, gai dangada e maua naa i de seesee ga hulo gi de baasi laa.

Isaiah 11:16

Gai e dahi naa haiava laumalie ange gi ono dangada e doe, e aahe mai ai i Assyria, bei de hai o de gau Israel ne loomai ai laa i Egypt.

Isaiah 51:10

E dee go koe ne haia ga masa tai, ma denga vai o de moana gelo; e dee go koe ne haia dahi haiava i lo te lausedi, e seesee ai gilaadeu aau gu hagaola?