Exodus 14:19 - De Beebaa Dabu

¹⁹ Gai tangada de langi o de Maadua, go de ia e hano laa i mada i mua o de gau Israel, ne ngalue ga hano gi olaadeu dua. Gai tuludulu hagausinga laa ne ngalue mai hogi i olaadeu mada i mua ga hano ga duu i olaadeu dua,

Exodus 14:19 Referans Kwoze

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Exodus 32:34

Iainei gai koe hannoo dagina de huaadangada naa gaavee gi de mommee aagu gu tala adu gi de goe. Gai dogu dangada de langi e hano naa i oo mada i mua. Aagai de laangi naa huu aagu e hagaduasala ai gilaadeu, gai au ga hagaduasala gilaadeu i hiidinga olaadeu haisala.”

Numbers 20:16

aagai de masavaa huu omaadeu ne tangi ange ai gi Tagi Maolunga, gai ia ga hagallongo demaadeu dangidangi, ga gaamai dahi dangada de langi gi hagassao ina mai gimaadeu i Egypt. Gai gimaadeu gu tae mai gi Kadesh, go de aduhale i de hiihii o de mommee e ngado mai ai doo henua.

Exodus 14:24

Gai denga aoaa hagaloosi hagaodi huu, i de baasi gi boo taiao, gai Tagi Maolunga ne galo iho i lo te duludulu o de ahi ula ma de hagausinga ga tilo de hagabuulingaa daane hebagi o de gau Egypt, ga hai gilaadeu gi ssenga ange.

Exodus 14:20

gai ne duu i magavaa o de hagabuulinga hebagi o de gau Egypt ma de gau Israel. Gai ne hagagohu de baasi ange ⌊gi de gau Egypt⌋, aagai ne hagamaalama de baasi ange ⌊gi de gau Israel⌋; gai tee maua donu e dahi hagabuulinga, i de hano e hagabaa ange gi de hagabuulinga ange laa, i de boo laa alodahi.

Psalm 77:20

Koe e dagi oo dangada bei dahi hagabuulingaa ssiibi i daho Moses ma Aaron.

Psalm 78:53

Ia ne dagi ma de hagaloosi gilaadeu, deelaa ai, gilaadeu tee maatagu; aagai olaadeu hagadaumee ne maalemo i lo te vai.

Isaiah 52:12

Gai goodou e dee hagamoolau naa donu e hulo, aabe e saavini e hulo, go hiidinga Tagi Maolunga e hano naa i oodou mada i mua, gai de Maadua o Israel e buibui naa oodou dua.

Isaiah 58:8

Gai doo maalama e sula age naa bei de maalama o taiao, gai doo ieiangi e moolau naa donu de dae mai; doo heohi e hano naa i oo mada i mua, gai de mahamaha o Tagi Maolunga e buibui mai naa oo dua.

Hosea 12:13

Tagi Maolunga ne hai dahi pelaabisi gi dagina mai de gau Israel i Egypt, ma de hagaloosi gilaadeu i daho de pelaabisi laa.

Zechariah 12:8

De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga.

Micah 2:13

Gai de ia e hagamalaelae ina de haiava e hano naa i olaadeu mada i mua; gai gilaadeu e oha naa de haitoga ga ssao ai ga hulo. Delaadeu hodooligi e hano naa i olaadeu mada i mua, gai go Tagi Maolunga donu delaadeu dagi.