Exodus 14:16 - De Beebaa Dabu

¹⁶ Aagai koe boogia doo dogo mage haalo ina ange gi honga de vai e vvae lua ai de vai, gai de gau Israel ga seesee i lo te vai i honga de gelegele mmasa.

Exodus 14:16 Referans Kwoze

Exodus 7:19

Gai Tagi Maolunga ga hai ange gi Moses, “Hai ange gi Aaron ia gi boogia dono dogo gi haalo ina ange gi honga denga vai alodahi o Egypt; go honga alaadeu leevaa ma saalingaa vai, ma geelonga iai laa vai, aama mommee alodahi e dugu ai vai, gai denga vai e sui naa gi ni dodo. Gai gi ni dodo ai denga vai alodahi i honga de henua go Egypt, ma denga vai hogi i lodo mee hao vai laagau aama mee hao vai hadu.”

Exodus 14:26

Gai Tagi Maolunga ga hai ange gi Moses, “Haalo ina ange doo lima gi honga de vai, gi aahe mai ai denga vai gi haolia denga daane hebagi o Egypt ma olaadeu hada hebagi aama alaadeu hoosa.”

Exodus 4:20

Deelaa ai, gai Moses ga hagauda ange dono bodu ma luaana gauligi daane gi honga dahi donkey ga hulo ai gilaadeu gi Egypt, gai ia ne dagidagi togo o de Maadua i dono lima.

Exodus 4:17

Gai koe gaavee togo nei madali goe ga hai ai denga sauaa.”

Exodus 4:2

Gai Tagi Maolunga ga ssili ange gi Moses, “Se aha aau e poo naa i doo lima?” Gai Moses ga hai ange, “Se dogo.”

Isaiah 10:26

Gai Tagi o denga hagabuulinga hebagi e hagailiili naa gilaadeu i taula, bei dana hai ne hai ai de gau Midian i de baba o Oreb; gai ia e hagaabo ange naa dono dogo gi honga de vai, bei ana hegau ne hai laa i Egypt.

Exodus 7:9

“De masavaa naa huu a Pharaoh e hai adu ai gooluu gi haia dahi mee hagalele mouli, gai koe ga hai Aaron gi dilia iho dono dogo i mada luu mada o Pharaoh, gai togo laa e sui naa ga se labodo.”

Numbers 20:11

Gai Moses ne hagaabo togo ga hagaili ai de hadu laa i e lua hanonga. Gai gu ssali mai vai lagolago, gai de hagabuulingaa dangada laa ma alaadeu manu ga unu ai.

Exodus 14:15

Gai Tagi Maolunga ga ssili ange gi Moses, “Gu aha gu duudagi ai naa doo dangi mai gi de au? Hai ange gi de gau Israel gilaadeu gi seesee gi hulo.

Exodus 17:5

Gai Tagi Maolunga ga hai ange gi Moses, “Gaavee hanu dagi o de gau Israel ma goodou hulo i mua o dangada. Gai koe gaavee hogi madali goe togo aau ne hagaili ai laa honga ssaalingaa vai go Nile.

Exodus 17:6

Tilo, au e hano naa e duu i honga de baba i Horeb i oodou mada i mua; gai koe ga hai doo dogo ga hagaili ai de baba, gai denga vai e ssali mai naa i lo te baba e unu ai dangada.” Gai Moses ga hai mee nei i madamada o dagi o de gau Israel.

Joshua 8:18

Gai Tagi Maolunga ga hai ange gi Joshua, “Daohia tao i lo too lima luia ange gi Ai, go hiidinga au gu dugu adu goe gi hagadee kii ina de aduhale.” Gai Joshua ga daohi age tao laa ga lui ange gi Ai.

2 Kings 4:29

Gai Elisha ga hai ange gi Gehazi, “Hagabigibigi age oo malo gi doo daogubu, gai koe ga poo dogu dogo i doo lima ga savini ai ga hano. Gai noo koe gu hedae ange gi dahi dangada, gai koe e dee hagaboo ange donu gi de ia, gai noo dahi dangada e hagaboo adu gi de goe, gai koe e dee hagaboo ange gi de ia. Gai koe ga dugua ange dogu dogo gi honga luu mada o de gauligi daane laa.”

Habakkuk 3:8

Tagi Maolunga, koe ne lili laa i denga leevaa? Koe ne lili laa i denga saalingaa vai? Koe ne uluhia ange laa gi tai, i de masavaa oou ne savini ai i honga au hoosa, ma honga oo hada ne kii ai?