Exodus 14:13 - De Beebaa Dabu

¹³ Gai Moses ga hai ange gi de huaadangada, “Goodou aude maatagu! Gai goodou tuu i gaogao de vai ga tilo ai de hai a Tagi Maolunga e hagaola ai goodou ailaa nei. Gai goodou e dee aahe ange naa donu ga gidee de gau Egypt oodou e gide nei anailaa nei.

Exodus 14:13 Referans Kwoze

2 Chronicles 20:17

E dee go goodou e hebagi i de hebagi nei. Gai goodou hagatau, ma de tuu ga tilo de hagaola a Tagi Maolunga goodou.’ Judah ma Jerusalem, goodou aude maatagu, aabe gi manavasaa oodou lodo. Gai goodou hulo hebagi ange gi gilaadeu daiao, gai Tagi Maolunga e hano donu madali goodou.”

2 Chronicles 20:15

Gai ia ga hai ange, “Dangada alodahi o Judah ma dangada e nnoho i Jerusalem, aama de hodooligi go Jehoshaphat, goodou hagalaangona muna a Tagi Maolunga adu gi goodou: ‘Goodou aude maatagu, gai gi dee manavasaa oodou lodo i denga daane hebagi soa nei, go hiidinga e dee go goodou e hebagi aagai go de Maadua.

Exodus 14:30

De laangi laa gai Tagi Maolunga ne hagaola de gau Israel mai i de gau Egypt. Gai de gau Israel ne gidee e gilaadeu angaanga maakau o de gau Egypt i honga de gelegele o de vai laa.

2 Kings 6:16

Elisha ne hai ange, “Aude madagu, go hiidinga de hagabuulinga madali gidaadeu e kii ange de soa i gilaadeu.”

Isaiah 35:4

hai ange gi gilaadeu e manavasaa olaadeu lodo, “Goodou llodo mmahi, goodou gi dee maatagu; tilo, doodou Maadua e humai naa e sui ange de baubau, doodou Maadua e hagao ange naa alaadeu hegau, ia e humai naa ga hagaola goodou.”

Lamentations 3:26

Se mee danuaa de golomagi lodo o tangada ga tali ai de hagaola a Tagi Maolunga.

Hosea 13:4

Aagai go au donu go Iahweh doo Maadua mai loo i de henua go Egypt. Gai e deai ange donu soo Maadua, go au donu huu; e deai ange hogi soo Ia Hagaola, go au donu huu.

Habakkuk 3:13

Koe se humai e hagaola oo dangada, ma de hagamouli de ia aau gu hagadabu i de lolo. Koe ne hagabalaginagina tagi o de henua baubau, gai ne aau malo mai i dono biho ga dae iho ai gi dono bido i lalo. Selah

Isaiah 43:11

Go au, go au donu go Iahweh, gai e deai ange donu se Ia Hagaola bei au.

Deuteronomy 20:3

gai ia gi hai ange gi gilaadeu, “Israel, nnoho mai hagalaangona, ailaa nei goodou ga hulo nei e hebagi ange gi oodou hagadaumee. Goodou aude manavasaa oodou lodo be e maatagu, aabe gi bolebole i doodou maatagu i gilaadeu,

Numbers 14:9

Gai goodou aude hai baasi ange gi Tagi Maolunga, be gi maatagu i dangada o de henua laa, go hiidinga e hai ngaohie donu taadeu hagadee kii gilaadeu. Gilaadeu gu deai selaadeu buibui, aagai Tagi Maolunga e noho madali gidaadeu; goodou aude maatagu i gilaadeu.”

Genesis 49:18

Tagi Maolunga, au e tali dau hagaola.

Jeremiah 3:23

Ni muna abodonu, demaadeu daumaha ange gi denga diinonga i honga duuduu ma honga mounga e hagasenga gimaadeu. Ni muna abodonu, de hagaola o Israel go Tagi Maolunga demaadeu Maadua.

Nehemiah 9:9

Koe ne gidee de hagaduasala ina omaadeu dubuna madagidagi i Egypt, ma de langona delaadeu tangi adu i gaogao Tai Mmea.

Genesis 15:1

Dua mee nei gai Tagi Maolunga ne hagaago ange ana muna gi Abram i de midi, ga hai ange, “Abram, aude madagu. Go au dau mee hungihungi, gai go doo hagaoanga laumalie.”

Psalm 3:8

Tagi Maolunga e maua i de hagaola; gai hagamanuuia ina oo dangada! Selah

Isaiah 26:3

Koe e hai gi nnoho paba gilaadeu alodahi e maanadu goe i olaadeu lodo, i hiidinga gilaadeu e hagadonusia goe.

Matthew 28:5

Aagai tangada de langi ne hai ange gi luu haahine laa, “Gooluu gi dee maatagu, au e iloo bolo gooluu e ssala Iesu, ne daudau laa i de laagau lui.

Isaiah 30:15

E hagadaba de Ia Aamua go Iahweh, de Ia Dabu o Israel, “Noo goodou e daahuli mai oodou lodo gi de au ga hagammabu i ogu daha, gai goodou e ola; i hiidinga go doodou hagammabu ma de hagadonu au oodou e mmahi ai. Aagai goodou e dee llodo.

1 Chronicles 11:14

Aagai Dodo ne duu donu huu i de mommee laa ga hebagi ai ma de daa ga maakau denga daane Philistia; gai Tagi Maolunga ne hagaola gilaadeu ga hai gu kii de gau Israel.

Habakkuk 3:8

Tagi Maolunga, koe ne lili laa i denga leevaa? Koe ne lili laa i denga saalingaa vai? Koe ne uluhia ange laa gi tai, i de masavaa oou ne savini ai i honga au hoosa, ma honga oo hada ne kii ai?

Hosea 13:9

Israel, au e oha naa goe; gai goai naa donu e maua i de bale adu goe?

Genesis 46:3

Gai ia ne hai ange, “Go au go de Maadua, go de Maadua o doo damana; aude madagu i de hano gi Egypt, go hiidinga au e hai naa goe gi se huaahenua soa i kilaa.

Exodus 20:20

Gai Moses ga hai ange gi dangada, “Goodou aude maatagu, go hiidinga de Maadua gu humai e hagatale goodou e tilo ai dagodo o oodou lodo, gai gi dagodo ai de madagu o de Maadua i oodou lodo, gi dee haisala ai goodou.”

1 Samuel 11:13

Aagai a Saul ga hai ange, “E deai donu se dangada daudahi e daa gi magau ailaa nei, i hiidinga Tagi Maolunga gu hagaola Israel anailaa nei.”

1 Samuel 12:16

Deenei ai, goodou tuu donu huu diiloo de mee hagalele mouli a Tagi Maolunga gu dai hai i oodou mada i mua.

Isaiah 7:4

Gai koe ga hai ange gi de ia, ‘Koe gi kana ange, gai gi noho donu huu, aude madagu. Aude manavasaa oo lodo i hiidinga o Rezin de hodooligi o Syria ma tama a Remaliah, i hiidinga gilaau e bei donu e lua lahhie gu kaa laa ma gu dai odi.

Genesis 26:24

Gai Tagi Maolunga ne hakide ange gi de ia i de boo laa, ga hai ange, “Go au donu de Maadua o doo damana go Abraham. Aude madagu, go hiidinga au madali goe; au e hagamanuuia naa goe ga hai gi soa doo aamuli, i hiidinga o dogu dangada hai hegau go Abraham.”

Psalm 68:21

De Maadua e hagabalaginagina naa biho o ono hagadaumee, go biho o olaadeu e duudagi ina de hai de baubau.

Psalm 78:53

Ia ne dagi ma de hagaloosi gilaadeu, deelaa ai, gilaadeu tee maatagu; aagai olaadeu hagadaumee ne maalemo i lo te vai.

Psalm 91:8

Koe e galo ange naa donu huu ga tilo de hagaduasala o de gau baubau.

Hosea 1:7

Aagai au e lodo aloha ange naa gi dangada o Judah; au e hagaola naa gilaadeu. Au e dee hagaola gilaadeu i de mee hholu, be go de gadilaasa, be go de hebagi, aabe go denga hoosa ma daane e saavini ai, aagai au e hagaola naa gilaadeu i ssauaa o Tagi Maolunga delaadeu Maadua.”