Exodus 14:10 - De Beebaa Dabu

¹⁰ Gai ga paa adu huu Pharaoh, gai de gau Israel gu gidee e gilaadeu bolo de gau Egypt gu doolohi adu gilaadeu, gai gilaadeu gu maatagu mmao, gai gilaadeu ga tangi ange gi Tagi Maolunga.

Exodus 14:10 Referans Kwoze

Psalm 107:6

Gai gilaadeu ne tangi ange gi Tagi Maolunga i delaadeu hai ngadaa, gai ia ga hagaola gilaadeu mai i olaadeu duasala.

Psalm 34:17

Gilaadeu e heohi e tangi, gai Tagi Maolunga e langona delaadeu tangi; ia e hagaola gilaadeu mai i olaadeu hai ngadaa alodahi.

Nehemiah 9:9

Koe ne gidee de hagaduasala ina omaadeu dubuna madagidagi i Egypt, ma de langona delaadeu tangi adu i gaogao Tai Mmea.

Joshua 24:7

Gai de masavaa huu olaadeu ne tangi ange ai gi Tagi Maolunga, gai ia ga hai gi gohu olaadeu magavaa ma de gau Egypt; ia ne hagaahe mai denga vai ga haoli ai gilaadeu. Goodou ne gidee agu mee ne hai ange gi de gau Egypt. Gai goodou ne nnoho i de vao i dahi masavaa daulooloa.

Psalm 106:44

Gai ia ne galo ange ga tilo delaadeu duasala, i de masavaa aana ne langona ai delaadeu tangi.

Psalm 53:5

Gai olaadeu dagodo, de mommee e deai ai se mee hagamaatagu gai gilaadeu e kona mmao de maatagu. Gai de Maadua e hagassii saele naa ivi o dangada e hebagi adu gi de goe. Koe gu hagadookaa gilaadeu, go hiidinga de Maadua gu tili gilaadeu.

2 Chronicles 18:31

Gai de masavaa huu o dagi o denga hada hebagi ne gidee ai Jehoshaphat, gai gilaadeu ga hagataba, “Deenaa donu de hodooligi o Israel.” Gai gilaadeu ga loomai e hebagi ange gi de ia; aagai Jehoshaphat ga oo. Gai Tagi Maolunga ga bale ange ia; gai de Maadua ne hai gilaadeu gi hulo gee mai i ono daha.

1 John 4:18

De aloha e deai donu se madagu iai, aagai de aloha e honu abodonu e hagadeai se madagu. Go hiidinga de madagu e humai madali de hagaduasala, gai tangada e madagu laa tigi honu abodonu dono aloha.

Jeremiah 22:23

Tangada e noho i Lebanon, ma de noho i lodo hale e hai i cedar, koe e gonogono naa donu ma de mmae, koe e mmae naa bei de hine gu hai ono hagalangona!

Isaiah 26:16

Tagi Maolunga, gilaadeu ne ssala goe i delaadeu duasala; dau masavaa ne haele ai gilaadeu, gai gilaadeu ne dalodalo adu gi de goe.

Isaiah 7:2

De masavaa huu o de longo ne dae ai gi de aamuli o David, ga hai ange, “Syria gu hagabuni ange gi Ephraim,” gai Ahaz ma ono dangada alodahi gu maatagu mmao ma de bolebole, gilaadeu gu bei denga manu ssomo i lodo henua e ilihia saele laa i de madangi.

Psalm 107:28

Gai gilaadeu ga tangi ange gi Tagi Maolunga i delaadeu hai ngadaa, gai ia ga hagaola gilaadeu mai i olaadeu duasala.

Psalm 107:19

Gai gilaadeu ne tangi ange gi Tagi Maolunga i delaadeu hai ngadaa, gai ia ga hagaola gilaadeu mai i olaadeu duasala.

Psalm 107:13

Gilaadeu ne tangi ange gi Tagi Maolunga i delaadeu hai ngadaa, gai ia ga hagaola gilaadeu mai i olaadeu duasala.

Exodus 15:25

Gai Moses ne dalodalo ange gi Tagi Maolunga, gai Tagi Maolunga ga hagaago ange gi de ia dahi bido laagau. Gai ia ga maga ange de laagau laa gi lo te vai, gai vai laa gu danuaa i de unu. Gai Tagi Maolunga ne gaavange gi gilaadeu mee gu hagasauaa ma de hainga i kilaa, gai ia ga hagatale dagodo o olaadeu lodo.

Deuteronomy 9:7

Goodou manadua de mee nei, goodou aude ngalo donu doodou hai ga lili Tagi Maolunga doodou Maadua i de vao. Mai i de laangi oodou ne ssao mai i de henua go Egypt, ga dae ai gi doodou tae mai gi kinei, gai goodou ne hai baasi ange gi Tagi Maolunga.

Psalm 81:7

Koe ne hagahi mai au i doo duasala, gai au ne hagaola goe; au ne basa adu gi de goe mai i lo te hagausinga o de hatuli, gai au ne hagatale oo dagodo i de vai go Meribah. Selah

Exodus 13:17

Gai de masavaa huu a Pharaoh ne dugu ai de gau Israel gi hulo gee, gai de Maadua tee dagi gilaadeu laa gaogao de henua o de gau Philistia, go de mommee e bodobodo ai de haiava; i hiidinga de Maadua e iloo bolo dangada e sui naa alaadeu maanadu i kilaa ga ahe ga hulo gi Egypt, noo gilaadeu e hai gi hulo gi hebagi.

Joshua 24:6

Gai au ne hagassao mai oodou dubuna madagidagi i Egypt, gai goodou ga loomai ga tae mai gi de vai, gai de masavaa oodou ne tae ai gi Tai Mmea, gai de gau Egypt ga doolohi mai oodou dubuna madagidagi i honga olaadeu hada hebagi ma honga alaadeu hoosa gi kilaa.