Exodus 12:41 - De Beebaa Dabu

⁴¹ Gai ga odi ange huu de 430 ngadau, i de laangi mau, gai denga hagabuulingaa dangada o Tagi Maolunga ga hulo gee mai i de henua go Egypt.

Exodus 12:41 Referans Kwoze

Acts 1:7

Ia ne hai ange gi gilaadeu, “E dee se mee niiodou de hai gi iloo de masavaa aama de laangi a Tamana gu hagamodu i dono sauaa.

John 7:8

Goodou hulo gi taonga. Au e dee hano gi taonga iainei, go hiidinga tigi dae mai dogu masavaa.”

Habakkuk 2:3

Gai de midi hagaago ange e tali dono masavaa; de masavaa gu dae mai donu, gai e dee mmule naa donu. Gai ga mmule naa donu, gai koe daalia donu huu; e dae mai naa donu, e dee mmule naa donu.

Daniel 9:24

E madahidu uvigi gu hagamodu ange gi oo dangada ma doo aduhale dabu, e hagaodi ange ai de masavaa o olaadeu haisala, ma de hai gi deai haisala, aama de degi ange gi baubau, gai ga hai gi sula de heohi ga hano ai, ma de hai gi bei de midi hagaago ange ma muna pelaabisi, aama de hagadabu i de lolo de mommee dabu mmao.

Psalm 102:13

Koe e hidi age naa ga lodo aloha ange gi Zion; i hiidinga gu dae doo masavaa e abodonu ange ai, gai gu dae mai de masavaa gu hagailonga laa.

Joshua 5:14

Gai ia ga hai ange, “E deai, aagai au go tagi o hagabuulinga hebagi o Tagi Maolunga. Deenei dogu mee ne humai ai nei.” Gai Joshua ga ino gi honga de gelegele, ga daumaha ange gi de ia, ga hai ange, “Aahee au muna, dogu Ia Aamua, e lodo e tala mai gi de au, doo dangada hai hegau?”

Exodus 12:51

Gai deenei donu de laangi a Tagi Maolunga ne hagassao mai ai de gau Israel mai i de henua go Egypt i olaadeu hagabuulingaa dangada.

Exodus 12:17

Gai goodou gi dao ina Taonga o Pelaoaa Dee Hagahua, i hiidinga deenei de laangi aagu ne dagi ai goodou ga kave gee mai i de henua go Egypt. Deelaa ai, goodou duudagina de dao o de laangi nei i daho oodou atangada ga hano ai.

Exodus 7:4

aagai Pharaoh e dee hagallongo adu naa donu gi de goe. Gai au e hagaduasala naa Egypt, ga dagi dogu huaadangada go de gau Israel ga kave gee mai i de henua go Egypt,

Exodus 3:10

Deenei ai, au e hai naa goe gi hano gi daho Pharaoh, gai koe ga hagassao mai ai dogu huaadangada, go de gau Israel ga kave gee mai i Egypt.”

Acts 7:36

Go ia ne hagassao ina mai de gau Israel, i dua dana hai denga mee hagalele mouli ma hagailonga i Egypt, ma gaogao Tai Mmea, aama de vao i e madahaa ngadau.

Exodus 3:8

Gai au gu hano iho e hagaola gilaadeu mai i ssauaa o de gau Egypt, e kave gee gilaadeu i de henua laa, gi dahi henua danuaa ma de laumalie, se henua iai vai uu ma hooni lagolago, go de henua o de gau Canaan, ma de gau Heth, ma de gau Amor, ma de gau Perez, ma de gau Hiv, aama de gau Jebus.

Exodus 6:6

Deenei ai, daalaa ange gi de gau Israel, hai ange, ‘Go au donu go Iahweh, au e kave gee naa goodou mai i mee hagadaemaha a de gau Egypt e hai ange naa gi goodou, ma de hagaola gilaadeu mai i mee oodou hagaduasala ina ai. Gai au e hagaola naa goodou i dogu lima sauaa ma de hai denga hegau hagalele mouli e hagaduasala ai de gau Egypt.

Genesis 50:24

Gai Joseph ga hai ange gi ono daina, “Au gu dai magau naa donu; gai de Maadua e tilo adu naa donu goodou, ga kave gee goodou mai i de henua nei ga kave gi de henua aana gu hagatoo donu ange gi Abraham, ma Isaac aama Jacob.”

Exodus 6:26

Aanei Moses ma Aaron a Tagi Maolunga ne hai ange laa, “Gooluu dagina huaadangada o Israel i denga hagabuulinga hebagi mage gaavee gee mai i de henua go Egypt.”

Exodus 13:3

Gai Moses ne hai ange gi de huaadangada, “Goodou dao ina de laangi nei, go de laangi oodou ne ssao mai ai i Egypt, go de mommee oodou nogo hagahai hegau ina ai, go hiidinga Tagi Maolunga ne hagassao mai goodou i de henua laa i dono lima sauaa. Goodou e dee gai pelaoaa iai mee hagahua.

Exodus 13:9

Gai de mee nei e bei de hagailonga e nnoa ange laa gi honga oodou lima aama honga oodou lae, gi manadua ai e goodou de hainga a Tagi Maolunga gai goodou ga tala ai, i hiidinga Tagi Maolunga ne hagassao mai goodou i Egypt i dono lima sauaa.

Exodus 13:14

Gai noo oodou dama daane e ssili adu gi goodou i laangi e loomai nei de hagadoonunga o mee nei, gai goodou hai ange, ‘Tagi Maolunga ne hagassao mai gidaadeu i Egypt, go de mommee omaadeu nogo hai hegau ina ai, i dono lima sauaa;

Exodus 13:16

Gai de mee nei e hai gi se mee hagailonga e nnoa ange gi honga oodou lima aama honga oodou lae, e hagamaanadu ai de hagassao mai a Tagi Maolunga gidaadeu mai i Egypt i dono lima sauaa.”

Leviticus 23:43

gi iloo ai e oodou atangada alodahi bolo go au donu ne haia de gau Israel gi nnoho i lodo baasi hale laa manu i de masavaa aagu ne hagassao mai ai gilaadeu i de henua go Egypt. Go au donu go Iahweh doodou Maadua.’ ”

Numbers 23:22

De Maadua ne hagassao mai gilaadeu i Egypt; gai ono mahi e bei mahi o de kaau daane aada.

Numbers 33:1

Aanei mommee o denga hagabuulinga o de gau Israel ne hagadaga ai, i dua delaadeu ssao ga hulo gee mai i de henua go Egypt, gai go Moses ma Aaron ne dagina gilaadeu.

Deuteronomy 4:37

Gai go hiidinga ia e aloha i oodou dubuna madagidagi, deelaa ai, ia ne hili olaadeu aamuli ne haanau i olaadeu dua, gai ia ne hagassao ina mai goodou i Egypt i dono sauaa mmahi,

Deuteronomy 16:1

Goodou dao ina de malama go Abib, ga hai ai Taonga Hagasili ange gi Tagi Maolunga doodou Maadua, i hiidinga go de malama go Abib a Tagi Maolunga doodou Maadua, ne hagassao mai ai goodou i Egypt i de boo.

Joshua 24:5

Gai au ne hai hogi gi hulo Moses ma Aaron, gi hagaduasala ina de gau Egypt i mee aagu ne hai i honga de henua, gai au ne hagassao mai goodou i kilaa.

1 Kings 6:1

Gai de 480 ngadau huu i dua de ssao mai o de gau Israel i de henua go Egypt, i de haa ngadau o Solomon ne hodooligi ai i Israel, i de lua malama go Ziv, gai ia ga hagaduu de hale o Tagi Maolunga.

2 Chronicles 14:12

Gai Tagi Maolunga ne dugu ange Asa ma denga daane o Judah gi hagadee kii ina de gau Ethiopia, gai denga daane Ethiopia ga saavini ga hulo gee.

Psalm 114:1

De masavaa o Israel ne sao ai ga hano gee mai i Egypt, gai dangada o Jacob ne hulo gee mai i daho dangada e pasa i muna henua gee,

Psalm 136:11

gai ga hagassao mai de gau Israel i olaadeu magavaa, Dono abodonu e dagodo ga hano ai.