Exodus 12:36 - De Beebaa Dabu

³⁶ Gai Tagi Maolunga ga hai de gau Egypt gi abodonu ange gi de gau Israel, gai gilaadeu ga gaavange mee alodahi olaadeu ne dangidangi ange ai. Deelaa ai, de gau Israel ne kave goloa lagolago mai i Egypt.

Exodus 12:36 Referans Kwoze

Acts 7:10

ga hagaola ia mai i ono hai ngadaa alodahi, ma de gaavange de abodonu ma de heiangi i mada i mua o de hodooligi o Egypt go Pharaoh, gai de hodooligi ne hai ia go de goobenaa o Egypt alodahi aama de huahua i mee i dono hale alodahi.

Genesis 15:14

Gai au e hagaduasala naa de huaahenua olaadeu e hai hegau ange laa aagena, gai muli mai naa huu gai gilaadeu e kave naa goloa lagolago ga hulo gee mai ai i kilaa.

Daniel 1:9

Gai de Maadua ne hai tagi o denga eunuch gi lodo aloha ange gi Daniel,

Psalm 105:37

Gai ia ne hagassao mai de gau Israel ma alaadeu selevaa ma goolo, gai teai donu se gilaadeu ne magi.

Exodus 11:3

Gai Tagi Maolunga ga hai de gau Egypt gi abodonu ange gi de gau Israel. Gai de gau hai hegau o Pharaoh ma de gau Egypt gu kona donu delaadeu hagadubu Moses.

Genesis 39:21

gai Tagi Maolunga e noho i ono daha ma de abodonu ange gi de ia; ga hai tagi o de hale pono gi abodonu ange gi Joseph.

Acts 2:47

ma de tuhi de Maadua, gai dangada alodahi gu hagadubu gilaadeu. Gai Tagi Maolunga ga hagapuni ange hogi gi gilaadeu dangada gu hagamouli i laangi alodahi.

Proverbs 16:7

De masavaa naa huu a tangada e hai ai ga malangilangi Tagi Maolunga, gai ia e hai donu hogi ono hagadaumee gi hagadanuaa ange gi de ia.

Exodus 11:2

Gai koe hai ange gi dangada alodahi o Israel, gilaadeu gi dangidangi ange gi dangada e nnoho i olaadeu gaogao gi gaavange gi gilaadeu denga goloa e hai i goolo ma selevaa.”

Ezra 1:6

Gai dangada alodahi e paa ange gi gilaadeu gi gaavange gi gilaadeu denga goloa selevaa ma goolo, ma goloa ange laa, ma manu haangai, aama mee hagamogomogo madali denga mee ngadi gaavange.