Exodus 12:29 - De Beebaa Dabu

²⁹ Gai lo te madohi boo huu, gai Tagi Maolunga ga daa gu maakau denga dama daane maatua alodahi i honga de henua go Egypt, mai i tama daane madua a Pharaoh e noho laa i honga dono nohoanga, ga dae ai loo gi tama madua a tangada i lo te hale pono, aama dama maatua alodahi a denga manu haangai.

Exodus 12:29 Referans Kwoze

Psalm 78:51

Ia ne daa ga maakau denga ganimua alodahi o Egypt, go dama ne haanau i de masavaa olaadeu e dama daane ai i lodo hale malo o Ham.

Exodus 4:23

gai au e hai adu gi de goe: Dugua dagu dama gi hano, gai ia ga daumaha mai ai gi de au. Aagai noo koe e dee dugu ia gi hano, gai au ga daa dau dama daane madua gi magau.’ ”

Psalm 135:8

Ia ne daa ga maakau denga dama daane maatua o Egypt, go dama daane maatua a dangada aama denga manu;

Psalm 105:36

Ia ne daa ga maakau denga ganimua daane i delaadeu henua, go denga dama ne haanau i de masavaa olaadeu e dama daane ai.

Psalm 136:10

Ange gi de ia ne daia ga maakau denga dama daane maatua a Egypt, Dono abodonu e dagodo ga hano ai.

Numbers 8:17

Denga dama daane maatua alodahi a de gau Israel, ma manu alodahi e haanau i taamada niiagu. Au ne vvae gee gilaadeu e hai gi niiagu, i de laangi aagu ne daa ai ga maakau denga dama daane maatua alodahi i Egypt.

Exodus 12:12

Gai lo te madohi boo naa huu, gai au ga hagadaga i Egypt e daa gi maakau denga dama daane maatua a dangada, ma manu dolodolo alodahi a de gau Egypt, aama de hagaduasala denga diinonga alodahi o Egypt. Go au donu go Iahweh.

Hebrews 11:28

Go de gai ne haia ga maua e ia i de dao Taonga Hagasili, ma de hulu ange dodo gi denga haitoga, gi dee poo ange ai tangada de langi o de magau gi denga ganimua daane a de gau Israel.

Numbers 33:4

i de masavaa a de gau Egypt e danu ai alaadeu dama daane maatua, go dama a Tagi Maolunga ne daa ga maakau; go hiidinga Tagi Maolunga ne hagaduasala olaadeu diinonga.

Exodus 13:15

gai Tagi Maolunga ne daa ga maakau denga dama daane madua a dangada aama manu ne haanau i taamada i de henua go Egypt, go hiidinga Pharaoh tee lodo e dugu mai gidaadeu gi hulo gee, gai ne hagamakaga ono lodo. Deelaa ai, gidaadeu e sigidaumaha ange gi Tagi Maolunga denga manu alodahi e haanau i taamada. Gai denga dama daane alodahi e hagao i dahi manu.’

Hebrews 12:23

aama de nohoanga dabu o denga ganimua, go dangada gu sisi olaadeu ingoo i de langi. Goodou gu loomai gi de Maadua, de Ia Hagamodu Muna o dangada alodahi, ma hagasaalunga o dangada e heohi ma de hoohonu abodonu olaadeu dagodo,

Zechariah 9:11

Gai oodou dagodo, go hiidinga dagu hagatoo donu hagaheloongoi ne hai i dodo, deenei ai, au e hagassao mai naa oodou dangada i lo te geelonga e deai vai iai.

Jeremiah 38:13

gai gilaadeu ga hai daula laa ga dada age ai Jeremiah i lo te mommee e hagasahu ange aagena vai. Gai Jeremiah ne noho i lo te buibui o de gau hagaloosi.

Jeremiah 38:6

Gai gilaadeu ne kave Jeremiah ga hao ange gi lo te mommee e hagasahu ange aagena vai a Malkijah, tama daane a de hodooligi, se mommee i lo te buibui o de gau hagaloosi. Gilaadeu ne nnoa ia i hanu daula, ga hagasege iho ai ia gi lo te mommee e hagasahu ange aagena vai. Gai gu deai vai iai i de masavaa laa, gai gu ni bela donu huu i kilaa; gai Jeremiah ne abulu gi lodo bela laa.

Isaiah 51:14

Dangada gu hhao gi lo te hale pono gu dai ssao mai naa; gilaadeu e dee maakau naa donu i lo te hale pono, aabe e deai alaadeu gai.

Isaiah 24:22

Gilaadeu alodahi e dagi mai naa bei dagodo o dangada gu hhao gi lo te geelonga; gilaadeu e tili ange naa gi lo te hale pono gai dua naa huu hanu laangi lagolago, gai gilaadeu e hagaduasala.

De Beebaa go Job 34:20

Gilaadeu e moolau donu i de maakau i lo te boo, gai dangada e maakau ga dee maaleva; gai de gau mahi gu gaavee gee, gai e dee se dangada ne haia mee nei.

Numbers 3:13

go hiidinga denga ganimua alodahi niiagu. Go hiidinga de laangi aagu ne daa ai ga maakau denga ganimua i de henua go Egypt, gai au ne vvae gee denga ganimua a de gau Israel ga hai gi niiagu, e dee hilihili be go dama a dangada aabe go dama a denga manu. Gilaadeu nei niiagu. Go au go Iahweh.”

Exodus 9:6

Gai Tagi Maolunga ne hai de hegau nei i de laangi mai ange laa; denga manu haangai alodahi a de gau Egypt gu maakau, aagai teai donu se manu daudahi ne magau i manu haangai a de gau Israel.

Exodus 12:28

Gai dangada o Israel ga hulo ga hai gu bei muna alodahi a Tagi Maolunga ne tala ange gi Moses ma Aaron.

Psalm 78:50

Ia ne hagadabena e hai hegau i dono lili; ia tee hagaola donu gilaadeu mai i de magau, aagai ia ne gaavange gi gilaadeu denga mee hagamaakau.

Habakkuk 3:5

De magi hagamaakau e hano i ono mada i mua, gai mee hagamaakau e daudali ange i ono dua.

Genesis 15:14

Gai au e hagaduasala naa de huaahenua olaadeu e hai hegau ange laa aagena, gai muli mai naa huu gai gilaadeu e kave naa goloa lagolago ga hulo gee mai ai i kilaa.

Exodus 11:1

De masavaa laa gai Tagi Maolunga ne hai ange gi Moses, “Au e gaamai ange naa dahi mee hagamaakau gi honga o Pharaoh ma Egypt; gai dua naa huu de mee nei gai ia e dugu naa goodou gi hulo. Gai de masavaa aana e dugu adu ai goodou gi hulo, gai ia e usuusu adu naa donu goodou alodahi gi hulo gee.

Isaiah 41:11

Tilo, dangada alodahi e llili i de goe e dookaa naa ma de hagangadi mee ina; gilaadeu e hai baasi adu gi de goe e hai naa ga deai aama de maakau.