Exodus 10:22 - De Beebaa Dabu

²² Gai Moses ga haalo dono lima gi lo te langi i lunga, gai gu gohu boo dangodango honga de henua alodahi o Egypt i e dolu laangi.

Exodus 10:22 Referans Kwoze

Psalm 105:28

Ia ne hai gi humai de gohu gi haolia honga de henua; gai gilaadeu ne hai baasi ange gi ana muna.

Revelation 16:10

Gai de lima dangada de langi ne llingi ange mee i lo tana boolo gi honga de nohoanga o de manu alasala laa, gai dono nohoanga hodooligi gu gohu. Gai dangada ga gadigadi olaadeu alelo i hiidinga de kona delaadeu duasala i de mmae,

Amos 4:13

Tilo, de ia ne haia denga mounga, ma de hai de madangi, ma de hagaago ange ana maanadu gi tangada, gai go de ia e haia de laangi gi gohu, ma de seesee i honga mommee maolunga o henua i lalo — dono ingoo go Iahweh, de Maadua o denga hagabuulinga hebagi.

Joel 2:31

De laa e hagagohu naa, gai de maasina e bei naa denga dodo, i mua de dae mai de laangi maolunga ma de hagamaatagu o Tagi Maolunga.

Joel 2:2

se laangi gohu ma teai se maalama iai, se laangi hagausinga ina ma de gohu boo dangodango. Gai de hagabuulinga hebagi soa ma de mmahi gu bei de haolia o honga denga mounga i de gohu, gai tigi ai donu mee bee nei ne hai madagidagi, gai e deai naa hogi mee bee nei e hai i muli mai, i ngadau o denga atangada alodahi e loomai.

Deuteronomy 5:22

Aanei muna a Tagi Maolunga ne tala ange gi de hagabuulingaa dangada i gaogao de mounga, i de masavaa oona ne basa mai ai i lo te ahi ula i de leo mmahi, ma lo te hagausinga ma de gohu boo dangodango, gai teai ange ana muna ne hagapuni ange. Gai ia ne sisi ange muna nei gi honga e lua duu hadu baabaa ga gaamai ai gi de au.

Deuteronomy 4:11

Gai goodou ne loomai ga tuu i gaogao de mounga, gai de ahi e ula i ulu de mounga laa ma e hanage gi lo te langi i lunga; gai e haolia i de gohu, aama denga hagausinga maadolu.

Exodus 20:21

Gai dangada ne hulo ga tuu mai i de mommee mmao, gai Moses ga hano ga ulu gi lo te hagausinga uli o de Maadua iai laa.

Amos 4:7

Au ne hai hogi gi dee pala de langi i e dolu malama i mua de masavaa o de hagihagi. Au ne hai gi pala de langi i dahi aduhale, aagai ne hai gi dee pala de langi i de aduhale ange laa. Au ne hai gi pala iho de langi gi honga dahi veelenga, aagai ne hai gi dee pala de langi i de veelenga ange laa.

De Beebaa go Job 5:14

Gilaadeu e hedae ange naa gi de gohu i de laangi, gilaadeu e haahaa saele naa i de laangi bei de boo.

Isaiah 8:22

Gai gilaadeu e kalo ange naa ga tilo henua i lalo, gai gilaadeu e gidee naa donu huu de hai ngadaa, ma de gohu aama de gohu hagamaatagu. Gai gilaadeu e hai naa gi nnoho i lo te gohu boo dangodango.

Ezekiel 32:7

Gai de masavaa naa huu aagu e hagalilo ai goe, gai au e haoli naa de langi, gi dee ssula iho ai denga heduu. Au e haoli naa hogi de laa i dahi hagausinga, gai de maasina e dee sula age naa hogi.

Ezekiel 32:8

Au e hai naa gi gohu denga mee hagamaalama i lo te langi gi dee maalama ai honga doo henua, go de Ia Aamua go Iahweh e hagadaba.