Exodus 10:19 - De Beebaa Dabu

¹⁹ Gai Tagi Maolunga ga hai gi dahuli de madangi mmahi ga humai i dai, ga ili denga itebuubuu ga kave gi lo te Dai Mmea, gai gu deai donu se itebuubuu daudahi e doe i honga de henua alodahi o Egypt.

Exodus 10:19 Referans Kwoze

Joel 2:20

Au e kave gee naa denga itebuubuu mai i ngaiho gi mmao gee mai i goodou, ga hai gi hulo gi de vao e deai laa vai iai gai se ngadi mommee. Denga itebuubuu e hulo i mua, e too ange naa gi lo te dai i baasi i dua, gai denga itebuubuu e loomai i muli e too ange naa gi lo te dai i baasi dai; gai e maakau naa ga pilo, i hiidinga ia gu hai hanu hegau hagalele mouli.”

Hebrews 11:29

De gai o de gau Israel ne haia ga maua e gilaadeu i de seesee laa lo te Dai Mmea, bei delaadeu seesee i honga de gelegele mmasa. Aagai de masavaa huu o denga daane hebagi o Egypt ne hagatale ai de hulo laa lo te vai laa, gai gilaadeu gu odi i de maalemo.

Exodus 15:4

Ia gu maga ange hada hebagi o Pharaoh ma dono hagabuulinga hebagi gi lo te vai. Denga daane dau o Pharaoh gu maalemo i lo te Dai Mmea.

Exodus 13:18

Gai de Maadua ne hai gilaadeu gi holiage saele i de haiava o de vao e hano laa gi Tai Mmea. Gai de gau Israel gu paba ange e hebagi, i de masavaa olaadeu ne ssao ai ga hulo gee mai i Egypt.

Exodus 10:18

Gai Moses ga hano gee mai i daho Pharaoh ga dalodalo ange gi Tagi Maolunga.

Exodus 10:20

Gai Tagi Maolunga ga hagamakaga lodo o Pharaoh gi dee dugua ai e ia de gau Israel gi hulo gee.

Psalm 109:23

Au gu bei de goohunga i de ahiahi gu dai lilo laa, gai au gu bei de itebuubuu e luuluu ina laa ga doo.