Exodus 1:20 - De Beebaa Dabu

²⁰ Deelaa ai, de Maadua ne hagamanuuia luu haahine hagahaanau laa, gai de gau Israel gu kii ange donu de soa aama de mmahi.

Exodus 1:20 Referans Kwoze

Ecclesiastes 8:12

Gai e dee galemu donu tangada baubau e haia laa mee dee heohi i e lau hanonga gai e daulooloa donu dono mouli, gai au e iloo bolo gilaadeu e maatagu i de Maadua e danuaa ange olaadeu dagodo, gilaadeu e hagadubu de Maadua.

Isaiah 3:10

Daalaa ange gi gilaadeu e heohi bolo gilaadeu e duadonu naa, gai gilaadeu e gai naa hua o alaadeu hegau.

Proverbs 11:18

Tangada baubau e kave denga hagaoanga hagasenga, aagai tangada e hai hegau laa i de mee heohi, e kave donu de hagaoanga abodonu.

Hebrews 6:10

Gai de Maadua e dee haisala donu dana hagamodu; ia e dee ngalo naa donu oodou hegau danuaa, i doodou bale ange ono dangada dabu, i hiidinga doodou aaloha i de ia, gai goodou goi duudagi donu huu de bale ange gilaadeu iainei.

Psalm 111:5

Ia e gaavange gai a dangada e maatagu i de ia; ia e dee ngalo donu dana hagatoo donu hagaheloongoi.

Luke 1:50

Gai ia e degi ange gi gilaadeu e maatagu i de ia, mai i dahi atangada ma dahi atangada.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Matthew 10:42

Gai be goai e gaavange dahi ubu vai maluulu gi dahi gilaadeu e maolalo nei, i hiidinga ia se dangada agoago niiagu, ni muna abodonu aagu e hai adu nei gi goodou, ia e kave naa donu dono hagaoanga.”

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Psalm 145:19

Ia e gaavange naa gi gilaadeu e maatagu i de ia olaadeu mee e llodo ai; ia e hagallongo alaadeu dangidangi ma de hagaola gilaadeu.

Psalm 103:11

Gai dono lodo aloha ange gi gilaadeu e maatagu i de ia, e bei de mmao o de langi mai i henua i lalo.

Psalm 85:9

Ni muna abodonu, dana hagaola e dee mmao gee donu i gilaadeu e maatagu i de ia, gi dagodo ai de mahamaha o Tagi Maolunga i honga taadeu henua.

Psalm 61:5

De Maadua, koe gu langona dagu hagatoo donu, gai koe gu gaamai gi de au de boolonga o dangada e maatagu i de goe.

Exodus 1:12

Aagai ga kii ange huu de vaivai hai a de gau Egypt gilaadeu, gai de gau Israel gu kii ange hogi de hagadili ga soa i honga de henua laa. Gai de gau Egypt gu maatagu i gilaadeu,

Exodus 1:7

Aagai de aamuli o Israel gu hagadili ga soa mmao; gilaadeu gu hagadaga ange donu de soa ma de mmahi, gai gu soa donu gilaadeu e nnoho i honga de henua alodahi.

Exodus 1:19

Gai luu haahine laa ga hai ange gi Pharaoh, “Go hiidinga denga haahine Hebrew e dee bei dagodo o denga haahine Egypt, gilaadeu e mmahi, gai gilaadeu e haanau i mua demaau tae adu gi olaadeu daha.”