Exodus 1:14 - De Beebaa Dabu

¹⁴ ma de hai gilaadeu gi kona iho i de hilo denga bela pigi ga hai ai denga duudangaa hadu, aama de hagahai hegau gilaadeu i lodo veelenga; de gau Egypt ne hai gi kona hegau a de gau Israel e hai.

Exodus 1:14 Referans Kwoze

Acts 7:19

Gai ia ga vaivai hai odaadeu dubuna, ga hai gilaadeu gi dilia alaadeu gaagaa gi maakau ai gilaadeu.

Numbers 20:15

Omaadeu dubuna madagidagi ne hulo gi Egypt, gai gimaadeu ne nnoho i Egypt i dahi masavaa daulooloa. De gau Egypt ne hagaduasala gimaadeu ma omaadeu dubuna,

Exodus 6:9

Aanei muna a Moses ne tala ange gi de gau Israel, aagai gilaadeu tee llodo e hagallongo ana muna, go hiidinga gilaadeu gu mmade ange olaadeu aalanga i de kona delaadeu vaivai haia.

Exodus 2:23

Dua huu hanu ngadau lagolago, gai de hodooligi o Egypt gu magau. Gai de gau Israel gu duasala mmao i delaadeu hagahai hegau kona ina, gai gilaadeu ga dangidangi i de bale, gai de Maadua gu langona e ia delaadeu dangidangi.

Acts 7:34

Au gu gidee de duasala o ogu dangada i Egypt, au gu langona delaadeu tangi, gai au gu hano iho e hagaola gilaadeu. Humai, gai au ga hai goe gi ahe gi Egypt!’

Isaiah 58:6

E aha, e dee deenei de hagahiikai aagu ne hili: go de hagadangadanga daula o hegau baubau, ma de tala daula o de laagau hagahai hegau, ma de hai gi ilaage gilaadeu e vaivai haia, aama de hadihadi laagau hagahai hegau alodahi?

Psalm 81:6

⌊De Maadua ne hagadaba,⌋ “Au ne aau de mee daemaha i honga dono eu; ma de kave gee de gede daemaha i lodo olaadeu lima.

Nahum 3:14

Asua mai vai e hagadabena ange gi de masavaa e duuli ina ai luu baasi o de aduhale, hagamakaga ina oo buibui! Gaamai denga bela pigi, ma de hilo denga mortar, gai hagadabena ina de mee e hagannoho ai denga cement!

Micah 3:3

Goodou e gai kano o ogu dangada ma de holehole olaadeu gili, gai e hadihadi olaadeu ivi gi too dagidahi; goodou e duuduu gilaadeu bei kano manu i lo te anibada, ma kano e hhao ange laa gi lo te kamaa.”

Isaiah 52:5

Gai ni aha gu hai nei i kinei? go Tagi Maolunga e hagadaba. Ogu dangada gu gaavee gee, gai tee hagao, gai dangada e dagina gilaadeu e pasa hagamaolunga, go Tagi Maolunga e hagadaba. Mai i taiao ga boo ai gai dogu ingoo e hagangadi mee ina.

Isaiah 51:23

Gai au e gaavange naa de ubu laa gi gilaadeu ne vaivai haia goodou gi unu ai, go gilaadeu ne hai adu gi goodou, ‘Goodou daakodo gi lalo, gai gimaadeu ga seesee i honga oodou dua.’ Oodou dua gu bei honga de gelegele, gai e bei honga haiava o dangada e seesee ai laa.”

Isaiah 14:6

go de mee alaadeu e daa ai dangada i hanonga lagolago i delaadeu llili, ma de dagi denga huaahenua i de lili, aama tee tuu de vaivai hai gilaadeu.

Psalm 68:13

gai ga nnoho naa donu goodou i de mommee iai buibui o denga ssiibi — gai denga bakau o de manu kono e haoli i selevaa, ono hulu manu ni goolo malamalama.”

Ruth 1:20

Gai Naomi ga hai ange gi gilaadeu, “Goodou aude hagahia mai Naomi, gai hagahia mai Mara, go hiidinga de Ia Mmahi Mmao laa gu hai dogu mouli ma gu hai ngadaa.

Deuteronomy 26:6

Aagai de gau Egypt ne vaivai hai gimaadeu ma de hagaduasala gimaadeu, ga hai gimaadeu gi haia denga hegau kona.

Deuteronomy 4:20

Aagai Tagi Maolunga ne poo oodou lima ga hagassao mai goodou i lo te ahi mmahi e hagavaivai ina laa baalanga, go Egypt, ma de hai goodou go de huaadangada o dono boolonga, bei oodou dagodo anailaa nei.

Leviticus 25:53

Gai ia e hagao i ngadau alodahi bei dagodo o tangada hai hegau hagao; gai dono dangada aamua gi dee vaivai haia ia.

Leviticus 25:46

Gai goodou e maua i de bolo ange gilaadeu gi oodou dama e loomai i oodou dua, gai gilaadeu e maua i de hai gilaadeu gi ni dangada hai hegau i taulooloa olaadeu mouli, aagai goodou e dee hai de gau Israel gi ni dangada hai hegau e dee ilaage, ma de vaivai hai gilaadeu.

Leviticus 25:43

Aude vaivai haia tangada Israel, aagai koe gi madagu i doo Maadua.

Exodus 20:2

“Go au go Iahweh, doo Maadua, ne hagasao ina mai laa goe i de henua go Egypt, go de henua oou nogo hai hegau hagaduasala ina ai.

Exodus 1:13

ga hai de gau Israel gi hai hegau kona,

Genesis 15:13

Gai ia ga hai ange gi Abram, “Koe gi iloo bolo doo aamuli e nnoho gaainga naa i dahi henua gee. Gai gilaadeu e hai naa ga ni dangada hai hegau i kilaa aama de hagaduasala ina i e haalau ngadau.

Exodus 1:11

Deelaa ai, de gau Egypt ne hili hanu dagi gi hagaduasala ina de gau Israel i denga hegau hai ngadaa, ga hai gilaadeu gi hagatuulia luu aduhale e doange ai goloa o Pharaoh, go Pithom ma Raamses.

Exodus 1:15

Gai de hodooligi o Egypt ga hai ange gi luu haahine hagahaanau o de gau Hebrew, go Shiphrah ma Pua,

1 Kings 12:14

Gai ia ne basa ange gi dangada bei dagodo hagasaele a denga daane mmodo, ga hai ange, “Dogu damana ne hagauda adu gi goodou de laagau hagahai hegau daemaha, aagai au e hai naa gi kii ange de daemaha. Dogu damana ne hagailiili goodou i denga daula, aagai au e hagailiili naa goodou i denga manu manga lua.”

Proverbs 28:15

Tangada baubau e dagina laa de gau hagaaloha e bei de laiono e hagangolo laa aabe go de bea e hebagi ange laa gi tangada.

Psalm 129:1

Israel gi hagataba, “Gilaadeu ne hagaduasala ngau mai i dogu gauligi.

Isaiah 10:24

Deenei ai, e hagadaba de Ia Aamua, Tagi o denga hagabuulinga hebagi: “Ogu dangada e nnoho laa i Zion, goodou aude maatagu i de gau Assyria, e hagailiilihia laa goodou i de laagau, ma de hagaabo de laagau ga daa ai goodou, bei hegau a de gau Egypt.