Esther 4:8 - De Beebaa Dabu

⁸ Gai ia ne gaavange gi de ia dahi beebaa ne langa ai laa de hagailoo gu duha saele laa i Susa, i dagodo de daa gi maakau o de gau Ssuu, ia gi hagaagona ange gi Esther ma de hagadonu ange gi de ia. Gai ia gi usuusu ina ange Esther gi hano gi mada i mua o de hodooligi, gi dangidangi hagammahi ange ai, ia gi abodonu ange gi ono dangada.

Esther 4:8 Referans Kwoze

Ecclesiastes 10:4

Noo dahi dagi gu lili i de goe, gai koe aude dilia doo duulanga, go hiidinga de daudonu e bale de hagaheohi de haisala laumalie.

De Beebaa go Job 9:15

E dee galemu donu au e dee haisala, gai au e dee maua donu i de basa ange gi de ia; au e dangidangi ange gi dogu Ia Hagamodu Muna gi abodonu mai gi de au.

Esther 2:20

Gai Esther tigi tala donu be ia se dangada hee, gai be goai dono huaabodu, bei de hai a Mordecai gu tala ange ai gi de ia. Gai Esther ne duudagi de daudali i muna a Mordecai, bei dono hai ne daudali ai i ana muna, i de masavaa a Mordecai ne haele age ai ia.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

1 Timothy 6:13

Au e tala hagasoe adu gi de goe i mada luu mada o de Maadua, go de ia ne gaavange de mouli gi mee alodahi aama Klisdo Iesu, go ia ne daalaa hagadonu dagodo o dono gai i mada i mua o Pontius Pilate,

Acts 12:20

De masavaa laa gai Herod gu lili i de gau Tyre ma de gau Sidon, gai gilaadeu ne hagabuni ga loomai e hedae ange gi de ia. Gai dua delaadeu maua de bale mai i daho Blastus, go dahi daane hai hegau o de hodooligi, gai gilaadeu ne dangidangi i de hagadanuaa olaadeu magavaa ma Herod, go hiidinga delaadeu henua e kave alaadeu gai mai i de henua o de hodooligi.

Proverbs 21:1

Lodo o de hodooligi e bei ssaalingaa vai i lo te lima o Tagi Maolunga; gai ia e hai gi hano be go hee aana e lodo e hai gi hano aagena.

Esther 8:6

Dee hee dagu hai e maua ai i de tilo de hai ngadaa gu dai hai ange nei gi ogu dangada? Gai dee hee dagu hai e maua ai i de tilo de daia ga maakau o ogu dangada?”

Esther 4:9

Gai Hathak ga ahe mai ga tala ange muna a Mordecai gi Esther.

Psalm 122:6

Dalodalo gi dagodo de noho baba i Jerusalem: “Dangada e aaloha i de goe gi nnoho paba.