Esther 3:8 - De Beebaa Dabu

⁸ Gai Haman ne hai ange gi de hodooligi go Ahasuerus, “E dahi hagabuulingaa dangada e nnoho i denga vaaenga o doo nohoanga hodooligi; alaadeu hainga e dagodo gee ma hainga a dangada ange laa, gai gilaadeu e dee daudali i hainga a de hodooligi; e deai haigamaiana de golomagi ange lodo o de hodooligi gi gilaadeu.

Esther 3:8 Referans Kwoze

Deuteronomy 4:27

Gai Tagi Maolunga e hai naa goodou gi mavaevae saele i magavaa o de gau henua gee, gai e sogoisi naa donu huu goodou e ola i doodou nnoho i daho denga huaahenua a Tagi Maolunga e hai goodou gi hulo gi nnoho ai.

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

James 1:1

Mai i daho James, tangada hai hegau o de Maadua ma Tagi Maolunga go Iesu Klisdo. Ange gi denga aamuli e madaangahulu ma lua gu mavaevae saele laa i denga huaahenua: De laangi danuaa goodou.

Acts 28:22

Aagai gimaadeu e llodo e hagallongo au hagasaele. Go hiidinga gimaadeu gu iloo bolo gu soa dangada i mommee alodahi e hagabaubau ina de hagabuulinga naa.”

Acts 24:5

Gimaadeu ne iloo bolo taane nei se daane e hagahai ngadaa ina dangada, gai se daane e haia gi hellumi de gau Ssuu i henua i lalo alodahi. Ia se dagi hogi niio dangada e hagabinga laa bolo go de hagabuulinga hai daumaha o de gau Nazareth.

John 7:35

Gai de gau Ssuu ga hagadau ssili i olaadeu magavaa ga hagataba, “Go hee oona e hano aagena gi dee gidee ai e gidaadeu ia? Ia ga hano nei gi daho de gau Ssuu e nnoho saele laa i magavaa o de gau Greek e agoago ai de gau Greek?

Zechariah 7:14

Au e humai naa bei dagodo o ssio ga hai gi mavaevae saele gilaadeu i denga henua alaadeu e dee iloo laa. Gai de henua olaadeu nogo nnoho ai e ngadi dagodo naa, gu deai dangada e nnoho saele ai, de henua mahamaha laa gu ngadi dagodo.”

Ezekiel 11:16

Deenei ai, hai ange gi gilaadeu, ‘E hagadaba de Ia Aamua go Iahweh: E dee galemu donu au ne kave gilaadeu gi denga huaahenua mmao, ma de hai gilaadeu gi mavaevae saele i denga henua, aagai go au donu delaadeu mommee dabu i dahi masavaa bodobodo, i denga henua olaadeu gu hulo aagena.’

Ezekiel 6:8

Aagai au e dugu naa hanu goodou gi ola; hanu goodou e ola mai i de gadilaasa, i doodou masavaa e mavaevae saele ai i denga huaahenua, ga nnoho i olaadeu henua.

Jeremiah 50:17

Israel e bei dahi hagabuulingaa ssiibi e doolohia laa i de laiono ga hai gu mavaevae saele. Tangada ne holomia ia i mua go de hodooligi o Assyria; gai tangada hagaodi ne hadihadia ono ivi go Nebuchadnezzar, de hodooligi o Babylon.”

Nehemiah 1:8

Hagamaanadu i au muna gu tala ange gi Moses, ma gu hai ange, ‘Noo goodou e dee hai hegau i de muna abodonu, gai au e hai naa goodou gi mavaevae saele i denga huaahenua ange laa,

Deuteronomy 32:26

Au ne hagadaba, ‘Au e hai naa gilaadeu gi mavaevae saele, ma de hai gi deai dangada e manadua gilaadeu;’

Deuteronomy 30:3

gai Tagi Maolunga doodou Maadua e hagaahe mai naa goodou gi doodou henua, ga lodo aloha adu gi goodou, ma de hagaahe mai goodou i denga huaadangada aana gu hai goodou gi mavaevae saele aagena.

1 Peter 1:1

Mai i daho Peter, tangada tala o Iesu Klisdo. Ange gi dangada a de Maadua gu hili, gai gu mavaevae saele i denga ungaamee o Pontus, ma Galatia, ma Cappadocia, ma Asia, aama Bithynia,

Esther 3:9

Gai noo de hodooligi e malangilangi, gai ia gi haia dahi hagailoo e daa ai gilaadeu gi maakau, gai au ne gaavange gi gilaadeu e haia hegau a de hodooligi e dahisemada talent selevaa, gilaadeu gi haoa gi lo te mommee doange a de hodooligi.”

Esther 4:1

Gai de masavaa huu a Mordecai ne langona ai mee gu hai laa, gai ia ga saesae ono malo, ga gahu i malo daladala aama de hagamalili ange lehu gi honga dono biho. Gai ia ne oo ga dangi ga hano ai gi lo te aduhale;

Jeremiah 33:24

“Koe gu langona naa bolo de gau nei e hagataba, ‘Tagi Maolunga gu tili luu huaabodu aana gu hili’? Gilaadeu gu hagangadi mee dogu huaadangada, gai gu dee hagabinga bolo gilaadeu se huaahenua.

Daniel 3:8

De masavaa laa gai hanu daane Chaldea ne loomai ga hagabaubau denga daane Ssuu.

Daniel 6:13

Gai gilaadeu ga hai ange gi de ia, “De hodooligi, Daniel, dahi daane ne gaamai laa i Judah e hagangadi mee donu goe, ma de hainga aau gu sisi laa ma gu hagasauaa. Ia goi dalodalo donu huu i e dolu hanonga i de laangi.”

Numbers 23:9

Au ne gidee adu gilaadeu i ulu denga mounga, ma de tilo adu gilaadeu i honga denga duuduu; gilaadeu se huaadangada e nnoho donu huu i gilaadeu, gilaadeu e dee dau ange gi denga huaahenua ange laa!

Ezra 4:6

Taamada de hodooligi o Ahasuerus, gai hanu dangada ne sisi dahi leda ange gi de ia ga hagabaubau ange ai dangada o Judah ma Jerusalem.

Daniel 6:14

Gai ga langona huu e de hodooligi muna laa, gai ia gu kona mmao tee baba ono lodo i ana mee ne hai. Gai ia gu maanadu de hagaola Daniel; ia ne ssala dana hai e hagaola ai Daniel ga dae ai gi de danu de laa.