Esther 1:6 - De Beebaa Dabu

⁶ Gai de mommee laa e daudau age ai linen tea ma de buluu ma e hagalaagii ai, gai e noonooa ange gi denga buulei selevaa i denga duludulu marble i daula linen tea ma de purple. Gai denga mommee nnoho e hai i goolo ma selevaa ma e hagatuu i honga de mommee gu hola i hadu hagalaagii, ma denga marble ma denga baa, aama denga hagadaagangaa hadu hagamogomogo ange laa.

Esther 1:6 Referans Kwoze

Amos 6:4

E vakaa naa gilaadeu e daakodo i honga denga moenga ivory, ma de nnoho i honga olaadeu seaa danuaa, ga gai ai kano o denga ssiibi gauligi mai i de hagabuulingaa ssiibi, aama kano o dama a denga kaau i lo te buibui manu.

Ezekiel 23:41

Gai gooluu ne nnoho i honga mommee nnoho danuaa, gai teebele i oo mada i mua gu dugu ai agu mee maanongi ma agu lolo.

Amos 2:8

Gilaadeu ne hhola alaadeu malo ne kave e hagadonu ai de hagao muli a dangada, ga daakodo ai i gaogao mommee o ssigidaumaha. Gilaadeu e unu uvaini a dangada ne hagao ai alaadeu muli, i lo te hale o delaadeu maadua.

Esther 7:8

Gai ga ahe mai huu de hodooligi i de veelenga o de hale o de hodooligi gi de mommee e hai ai laa taonga, gai ia gu gidee Haman gu hagabaguu ange gi honga de mee dagodo o Esther e noho ai laa. Gai de hodooligi ga hagadaba, “Ia ga hai gi de mahi nei donu hogi de hine hodooligi, i de masavaa oogu e noho ai i de hale?” De masavaa a de hodooligi ne tala ai muna nei, gai de gau hai hegau ga haoli luu mada o Haman.

Esther 8:15

Gai Mordecai ne sao ga hano gee mai i mada i mua o de hodooligi gu gahu i malo hodooligi buluu ma de tea, ma de hau i dahi hau goolo, gai dono malo laa daha e hai i linen tea ma de purple. Gai dangada i de aduhale go Susa gu lodo danuaa ma de malangilangi.

Exodus 26:1

“Gai koe haia de tabernacle i e madaangahulu malo buibui e hai i linen danuaa e amu ga hilo i huga malo buluu, ma de purple, aama de mmea ga hagalaagii i denga cherubim.

1 Samuel 28:23

Gai a Saul tee lodo, ga hai ange, “Au e dee gaimee.” Gai ono daane hai hegau aama de hine laa ne usuusu ange ia, gai ia ga hagallongo ange gi gilaadeu. Ia ne hidi age mai i honga de gelegele ga noho i honga de moenga ga gaimee ai.

Amos 3:12

E hagadaba Tagi Maolunga: “De gau Israel e nnoho laa Samaria ma Damascus i honga olaadeu moenga ma olaadeu sea, e hagaola naa bei dagodo o ssiibi, a tangada hagaloosi e dada mai laa ivi o luoono vae, aabe go dahi ono dalinga i lo te ngudu o de laiono.