Ephesians 6:1 - De Beebaa Dabu

¹ Denga dama, goodou hagallongo ange gi oodou maadua i lodo o Tagi Maolunga, go hiidinga deenei de mee heohi.

Ephesians 6:1 Referans Kwoze

Proverbs 23:22

Hagallongo ange gi doo damana ne hagadili ina goe, gai koe gi dee hagangadi mee ina doo dinana i dono masavaa gu madumadua ai.

Proverbs 6:20

Dagu dama, daohia hainga a doo damana, gai koe gi dee dilia agoago a doo dinana.

Proverbs 1:8

Dagu dama, hagalaangona muna a doo damana e hagaheohi adu ai goe, gai aude dilia agoago a doo dinana.

Deuteronomy 21:18

Noo tangada e dahi ana dama daane hagamaolunga ma de hagamanege, gai e dee hagallongo i muna a dono damana ma dono dinana, gai ia e dee hagallongo ange donu hogi gi gilaau i de masavaa alaau e haele ai ia,

Leviticus 19:3

Tangada gi hagadubu ina dono dinana ma dono damana, ma de daohi agu Sabbath. Go au donu go Iahweh doodou Maadua.

1 Timothy 5:4

Aagai noo de hine gu magau dono bodu, gai e hanu ana dama aabe ni mogobuna, gai gilaadeu gi hai hegau i de hagadubu ina i mua i lodo olaadeu huaabodu donu, ma de sui ange hegau danuaa a olaadeu maadua, go hiidinga de mee nei se mee e hagamalangilangi ina de Maadua.

Romans 12:2

Goodou gi dee hagadulagi ange gi dagodo o henua i lalo nei, aagai goodou gi suuia oodou dagodo, i de sui hagahoou oodou maanadu, gi maua ai e goodou i de hagatale ange ma de tonu abodonu gi lodo o de Maadua — e danuaa laa, gai e hagamalangilangi ma de heohi abodonu.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Romans 7:12

Deenei ai, de hainga e dabu, gai muna o de hainga e dabu ma de heohi gai e danuaa.

Luke 2:51

Gai Iesu ga hano madali gilaau gi Nazareth ga hagallongo ange gi gilaau. Aagai dono dinana ne daohi ma de hagasaele mee laa alodahi i ono lodo.

De Beebaa go Job 33:27

Gai ia e daahili naa i madamada o dangada, ga hai ange, ‘Au gu haisala, au gu hano gee i de mee heohi, aagai de Maadua tee hagaduasala donu au.

1 Peter 2:13

Goodou hagadubu ina denga dagi o dangada alodahi, i hiidinga o Tagi Maolunga: e dee hilihili be se hodooligi maolunga,

Hosea 14:9

Be goai e heiangi, gai ia e donu ange gi mee nei. Be goai e iloo mee, gai ia e iloo mee nei. Haiava o Tagi Maolunga e heohi; gai go gilaadeu e heohi e seesee ai, aagai de gau hagamaanege e laavea ga baakuu ai.

Proverbs 30:11

E hanu dangada e hagamalaia olaadeu damana gai e dee hagamanuuia olaadeu dinana.

Genesis 28:7

Gai Jacob ne hagallongo ange gi muna a dono damana ma dono dinana ga hano gi Mesopotamia.

Psalm 19:8

Mee a Tagi Maolunga e hagasauaa e heohi, gai e hagamalangilangi lodo o tangada. Muna a Tagi Maolunga e gilimalali, gai e hagamaalama luu mada o tangada.

Esther 2:20

Gai Esther tigi tala donu be ia se dangada hee, gai be goai dono huaabodu, bei de hai a Mordecai gu tala ange ai gi de ia. Gai Esther ne duudagi de daudali i muna a Mordecai, bei dono hai ne daudali ai i ana muna, i de masavaa a Mordecai ne haele age ai ia.

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

Romans 16:2

Goodou balea ange ia i de ingoo o Tagi Maolunga, bei dagodo hegau e heohi i de hai i daho dangada o de Maadua, gai goodou bale ange ia i mee alodahi oona e duasala ai, go hiidinga gu soa dangada aana ne bale ange, gai ia ne bale mai hogi au.

Psalm 119:75

Tagi Maolunga, au e iloo bolo au hagamodu e heohi, gai koe ne hagaduasala ngau i hiidinga doo hai hegau i de abodonu.

Genesis 37:13

Gai Israel ne hai ange gi Joseph, “Oo daina e hagaloosi denga manu i Shechem. Humai, gai au ga hai goe gi hano gi olaadeu daha.” Gai Joseph ne hai ange gi de ia, “E danuaa!”

Jeremiah 35:14

Jonadab tama daane a Recab ne tala ange gi ana dama gilaadeu gi dee unumia uvaini, gai gilaadeu ne daohi muna nei. Gilaadeu tee unu donu uvaini ga dae mai ai gi anailaa nei, go hiidinga gilaadeu ne daudali i muna a delaadeu dubuna gu tala ange gi gilaadeu. Aagai au gu dee modu dogu basa adu gi goodou, gai goodou e dee hagallongo mai gi de au.

Nehemiah 9:13

Koe ne hano iho gi de mounga go Sinai, ga basa ange gi gilaadeu mai i de langi ga gaavange gi gilaadeu au hagamodu ssoe, ma au hainga heohi, ma au mee gu hagasauaa aama au muna danuaa gu tala mai.

1 Samuel 17:20

Gai David ne oho age ga hano, gai ne dugu ange de hagabuulingaa ssiibi gi dahi daane hai hegau gi diiloo ange. Gai ia ne kave denga gai laa ga hano ai, bei de hai a Jesse gu tala ange ai gi de ia. Gai ia ne hano ga dae gi de mommee nnoho gaainga o denga daane hebagi, i de masavaa olaadeu e hagatau ai e hulo e hebagi, ma de hevaalogi i de hai de hebagi.

Psalm 119:128

Gai au e hagadaba bolo au muna gu hagasauaa e heohi; au e kino i de haiava dee heohi alodahi.

Ruth 3:5

Ruth ne hai ange, “Au e hai donu gi bei au muna alodahi gu tala mai.”

Jeremiah 35:8

Gai gimaadeu ne hagallongo ange gi muna alodahi a Jonadab tama daane a Recab, demaadeu dubuna ne tala mai gi gimaadeu. Gimaadeu ma omaadeu bodu, aama amaadeu dama e dee unu donu uvaini i taulooloa omaadeu mouli,

Jeremiah 35:18

Aagai Jeremiah ne hai ange gi de aamuli o Recab, “E hagadaba Tagi o denga hagabuulinga hebagi, de Maadua o Israel: Go hiidinga goodou ne hagallongo ange gi muna a Jonadab, doodou dubuna, ma de daudali i ana muna alodahi, ma de hagassula ana muna alodahi adu gi goodou.

Genesis 48:12

Gai Joseph ga aau gee gilaau mai i honga luu vae o dono damana, gai ia ga ino gu baa luoono mada gi honga de gelegele.

Genesis 50:12

Gai dama a Jacob ne hai donu ga bei ana muna ne tala ange gi gilaadeu;