Ephesians 5:10 - De Beebaa Dabu

¹⁰ gai haia gi iloo e goodou be aahee mee e hagamalangilangi ina Tagi Maolunga.

Ephesians 5:10 Referans Kwoze

Hebrews 12:28

Deenei ai, go hiidinga gidaadeu e kave de nohoanga hodooligi e dee maua laa i de hagangalungalue, gidaadeu ga hagaahe ange de abodonu ma de daumaha ange gi de Maadua e hagamalangilangi ai ia, i de hagadubu ma de maatagu,

Psalm 19:14

Haia agu muna e tala ma hagasaele i ogu lodo gi ni mee e hagamalangilangi ina goe, Tagi Maolunga, go koe dogu baba makaga ma dogu Ia Hagaola.

1 Peter 2:20

Aagai e heohi donu de tuhi a dangada goodou, noo goodou e golomagi oodou lodo i doodou hagaduasala, i hiidinga o oodou hegau baubau? Aagai noo goodou e golomagi oodou lodo i doodou hagaduasala, i hiidinga doodou hai tanuaa, gai de Maadua e malangilangi i goodou.

1 Peter 2:5

gai e bei ai hogi oodou dagodo, goodou go de hadu e mouli laa, e hagaduu ai laa de hale daumaha i de baasi gi de hagasaalunga, e hai ai de gau haimeedabu dabu, gai goodou ga hai ai denga sigidaumaha i de baasi gi de hagasaalunga, e hagamalangilangi ina de Maadua i hiidinga o Iesu Klisdo.

1 Thessalonians 5:21

aagai hagataalea ange mee alodahi; gai daohi mee danuaa.

1 Timothy 2:3

De mee nei se mee danuaa, gai e hagamalangilangi i mada luu mada o de Maadua taadeu Ia Hagamouli.

Philippians 1:10

gi maua ai e goodou i de buni ange gi de mee heohi, gai goodou gu gilimalali ma teai oodou baubau i de laangi o Klisdo e ahe mai ai.

Romans 14:18

Be goai e hai hegau ange gi Klisdo i de lodo nei, e hagamalangilangi de Maadua aama de tuhi i daho dangada.

Proverbs 21:3

De hai hegau i de heohi ma de hagamodu heohi e kii ange de hagamogomogo i daho Tagi Maolunga i ssigidaumaha.

1 Timothy 5:4

Aagai noo de hine gu magau dono bodu, gai e hanu ana dama aabe ni mogobuna, gai gilaadeu gi hai hegau i de hagadubu ina i mua i lodo olaadeu huaabodu donu, ma de sui ange hegau danuaa a olaadeu maadua, go hiidinga de mee nei se mee e hagamalangilangi ina de Maadua.

Jeremiah 6:20

Ni haigamaiana aha denga frankincense mai i Sheba, aabe go laagau maanongi mai i dahi henua mmao? Au e dee malangilangi i oodou sigidaumaha dudu; gai oodou sigidaumaha e dee ni mee niiogu e malangilangi ai.”

Philippians 4:18

Gai gu tae mai donu sseene alodahi oodou ne gaamai nei, gai gu tubu ange donu i mee oogu e hagadanuaa ai! Gai gu odi ange danuaa donu ogu mee e hagadanuaa ai, i dagu kave nei i daho Epaphroditus doodou mee ngadi gaavange ne gaamai nei. Mee e bei ssigidaumaha o mee maanongi e hagamalangilangi ina laa de Maadua.

1 Samuel 17:39

David ne nnoa ange hogi de gadilaasa a Saul gi honga dono dege. Gai ia gu dee maua i de seesee, go hiidinga ia tigi abo ange gi goloa naa. Ia ne hai ange gi a Saul, “Au e dee maua i de gahu i mee nei e seesee ai, go hiidinga au tigi ai sogu hai hegau i goloa nei.” Gai David ga hagaui mee laa ga dugu.

Isaiah 58:5

E aha, deenei de hagahiikai oogu e lodo ai, e dahi donu huu laangi a tangada e hagamaolalo ai ono lodo? E aha, go dono ino gi lalo bei dahi madila, ma de dagodo i honga dahi malo daladala aama lehu? Gai goodou e hagataba bolo se hagahiikai abodonu deenaa, e dahi laangi e malangilangi ai Tagi Maolunga?

Colossians 1:10

Gai gi maua ai e goodou i de mouli bei dagodo lodo o Tagi Maolunga, ma de hagamalangilangi ia i mee alodahi, ma de hagadili hua danuaa i denga hegau danuaa alodahi, aama de hagadaga ange doodou iloo de Maadua.