Ephesians 4:9 - De Beebaa Dabu

⁹ (Gai de muna nei “Ia ne hanage,” dee hee de hagadoonunga, e dee tala mai bolo ia ne hano iho gi de mommee maolalo hugadoo o henua i lalo?

Ephesians 4:9 Referans Kwoze

John 3:13

Tigi ai donu se dangada ne hanage gi de langi, aagai go Tama a Tangada donu huu ne hano iho laa i de langi.

Matthew 12:40

Jonah ne noho i lo te dinae o dahi mamu laumalie i e dolu laangi ma e dolu boo; gai e bei ai hogi, Tama a Tangada e dagodo naa i lalo de gelegele i e dolu laangi ma e dolu boo.

John 6:33

Gai de pelaoaa a de Maadua go de ia ne hano iho mai i de langi, gai ia e gaavange de mouli gi henua i lalo.”

Proverbs 30:4

Goai gu hanage gi de langi ma gu ahe iho? Goai gu boogia de madangi i lodo luoono lima? Goai gu sabinia denga vai i dahi malo? Goai ne hagatuulia dege o henua i lalo? Goai dono ingoo, gai goai de ingoo o dana dama? Daalaa mai noo koe e iloo!

Psalm 63:9

Gilaadeu e llodo e kave dogu mouli, e odi naa i de hulo gi tagelo o henua i lalo.

Hebrews 2:9

Aagai gidaadeu gu gidee Iesu, de ia ne hai laa ga maolalo ange i de gau de langi i dahi masavaa bodobodo, gai iainei ia gu hagahau i de mahamaha ma de hagadubu, go hiidinga ia ne hagaduasala ga magau, gai ia ga mami ange ai de magau i hiidinga o dangada alodahi, i de abodonu o de Maadua.

John 20:17

Iesu ne hai ange gi de ia, “Aude poo mai gi de au, i hiidinga au tigi ahe age gi daho Tamana. Aagai koe hannoo gi daho ogu daina hai ange gi gilaadeu, ‘Au e hanage naa gi daho dogu Damana gai go doodou Damana, ma daho dogu Maadua, gai go doodou Maadua hogi.’ ”

Psalm 8:5

Koe ne hai ia gi damaa maolalo mai ange i de gau de langi, gai koe ne hagahau ia i de mahamaha ma de hagadubu.

Genesis 11:5

Aagai Tagi Maolunga ne hano iho e tilo de aduhale ma de hale maolunga a dangada gu hagaduu laa.

Hebrews 2:7

Koe ne hai ia gi maolalo ange i de gau de langi i dahi masavaa bodobodo; gai koe ne hagahau ia i de mahamaha ma de hagadubu.

John 8:14

Iesu ne hai ange gi gilaadeu, “Gai daalaa hagadonu naa donu e au ogu dagodo, gai agu muna ni muna abodonu; go hiidinga au e iloo be go hee oogu ne humai ai, gai go hee oogu e hano aagena. Gai goodou e dee iloo be go hee oogu ne humai ai, aabe go hee oogu e hano aagena.

John 6:62

Gai aahee naa oodou muna noo goodou e gidee Tama a Tangada e hanage gi de mommee oona nogo noho ai i mua?

John 6:58

Go au de pelaoaa ne hano iho laa i de langi, gai e dee bei de pelaoaa a denga damana madagidagi ne gai laa, gai gilaadeu ne maakau. Gai be goai e gaina de pelaoaa nei e mouli ga hano ai.”

John 6:51

Go au de pelaoaa o de mouli ne hano iho mai i de langi; be goai e gaina de pelaoaa nei, gai ia e mouli ga hano ai. Gai de pelaoaa aagu e gaavange e hagamouli ai henua i lalo go dogu angaanga donu.”

John 6:41

Gai de gau Ssuu ga nnanu i de ia, go hiidinga ia ne hagadaba, “Go au de pelaoaa ne hano iho laa i de langi.”

John 6:38

Go hiidinga au tee hano iho i de langi e hai donu huu ogu mee e lodo ai, gai au ne hano iho e hai lodo o de ia ne haia nei au gi humai.

Isaiah 44:23

De langi, hevaalogi daahili i de malangilangi, i hiidinga go Tagi Maolunga ne haia de mee nei! Denga mommee i lalo de henua, goodou hevaalogi. Denga mounga, hevaalogi i taahili, de lodo henua, ma manu alodahi e ssomo ai, go hiidinga Tagi Maolunga gu hagaola Jacob, ia gu hagaago mai dono mahamaha i Israel.

Psalm 139:15

Koe e iloo mee alodahi o dogu angaanga, i de masavaa aau ne hai ai au i de mommee lilo, ma de masavaa oogu ne hagahale ai i mommee kelo hugadoo o henua i lalo;

Exodus 19:20

Gai Tagi Maolunga ga hano iho gi honga de mounga go Sinai, gai ia ga hagahi mai Moses gi hanage gi ulu de mounga, gai Moses ga hanage.

Ezekiel 31:14

Mee nei ne hai gi deai ai manu ssomo i gaogao vai e somo ga kona de lloa, gai olaadeu ulu gu daea age denga giliiga. Gai gi deai ange ai se manu ssomo gu hagamaluulu danuaa e somo ga looloa bee nei, gilaadeu alodahi e odi naa donu i de maakau, ga hulo gi de mommee i lalo de henua, madali dangada alodahi gu loiho laa gi lo te geelonga o de gau maakau.